Skip to main content
85

ALLAGARSIUTEQQITAQ – Ingerlatsinermut sulisussamik Nukissiorfinnut, Nuuk

Nukissiorfiit misilittagalimmik innaallagisserisumik/automatikmekanikerimik/ maskinmesterimik imaluunniit assingusumik Nuummi kiisalu Utoqqarmiut Kangerluarsunnguanni imermik nukissiorfimmi atorfimmut pissanganartumut unamminartortalimmullu assigiinngiiaartorpassuarnik suliassartalimmut sulisussarsiorput. Illit Innaallagissamik nioqqutissiornermi Teamlederimut akisussaasuussaatit.

 

Imermik nukissiorfimmut attuumassuteqassaatit taamaattumillu piffissap ilaani 1/3-p missaani Utoqqarmut Kangerluarsunnguanniittarnissat naatsorsuutigissavat. Suliassatit pingaarnerit tassaassapput Nukissiorfiit Nuummi aamma Utoqqarmiut Kangerluarsunnguanni nukissiorfiinik ingerlatsinermut aamma aserfallatsaaliuisarnermut peqataasarnissat.

 

Aammattaaq illit Nuummi pigaartuusarnissamut peqataasassaatit, Utoqqarmiullu Kangerluarsunnguata aamma Nuup akornanni 132kV innaallagissap aqqutaanik misissuisarnermut peqataasassallutit, kiisalu imermut nukissiorfimmut attuumassuteqartuni atortuni allanut atatillugu.

 

Nuummi suliassat aamma ajornartorsiutit aaqqiiffiginissaannut peqataasassaatit – ingammik aqutsinernut, nakkutilliissutit atortut aamma innaallagissamut ikkussukkat – innaallagissiorfinni, imeqarfinni, kiassaateqarfinni aamma innaallagissamik siaruarterinermut aqqutit pillugit immikkoortortaqarfiit sorliunersut apeqqutaatinnagit.

 

Utoqqarmiut Kangerluarsunnguanniinnerup nalaani suliassatit pingaarnerit tassaassapput imermik nukissiorfimmi eqqaanilu innaallagissamut atortut suliarisarnissaat, kisianni aammattaaq suliassat allat takkuteriasaartut maskiinanut tunngasut, taamaattumik naatsorsuutigineqarpoq illit allanngoriasaartoqartillugu piareersimasarnissat suleqatiginnikkusussuseqartuunissallu suliassat takkuteriasaartut tamarmik naammassineqarnissaannut.

 

Suleqatissarsiorpugut makkuninnga piginnaasalimmik:
Naatsorsuutigaarput innaallagisserisutut/automatikteknikeritut/maskinmesteritut imaluunniit assingusumik ilinniagaqartuusutit atituumik misilittagalimmik ajoqutinik ujartuinissamut, ingerlatsinermut aamma aserfallatsaaliuisarnermut suliassat innaallagissami teknikimut ikkussukkanut tungasut tamaasa sarfakitsuniit sarfakkaanut atortunut tunngasutigut tamanut. Aammattaaq pingaartinneqarpoq illit aqutsinernut aamma sarfakitsunut atortunut tunngasutigut piginnaaneqarnerit. Illittaaq nalinginnaasumik biilersinnaanermut allagartaqarputit. Namminersuutigalugit sulisinnaassaatit, ulapaarfiup nalaani tamanik takunnissinnaassallutit. Suliassaq timimut ilungersunartarsinnaammat, taamaattumik peqqissuunissat piumasaqaataalluni.

 

Neqeroorutigisinnaavavut:

  • Atorfik pissanganartoq assigiinngiiaartunillu suliassartalik, illit suliassap aallartinneraniit naammassinissaata tungaanut peqataalluartassallutit
  • sullivimmi avatangiisit ilumoorsaarnanngitsut, suleqatigiittut sulisarluta
  • suliatigut soorlu aamma inuttut ineriartornissamut periarfissat pitsaasut

 

Atorfeqartitaanermi atugassarititaasut
Akissarsiat aamma atorfeqartitaanermi atugassarititaasut pitsaasut ilinnut neqeroorutigisinnaavavut tassani malinneqarpoq Kalaallit Nunaanni imermik nukissiorfinni avinnngarusimasumi inissisimasuni sulisut pillugit regulativi. Ilaqutariinnut ukiumut ataasiarluni sulinngiffeqarnermi akiliunneqarluni angalasarneq neqeroorutigineqarpoq. Ajoraluartumik atorfimmut atatillugu inissaqartitsinissamik neqerooruteqarsinnaanngilagut.

Nukissiorfiit suliffeqarfiuvoq nunami innaallagissamik, imermik aamma kiassaanermik pilersuisoq, taamaattumillu Kalaallit Nunaanni nutaaliaasumik inuuneqarnissamut pisariaqartuulluni. Suliffeqarfiup ingerlatarai tunngaviusumik attaveqaasersuineq taamaattumillu nunap suli ineriartoqqinnissaanut atatillugu pingaaruteqartuuvoq. Suliffeqarfiup allaffeqarfia Nuummi qullersaqarfimmi ataatsimoorpoq. Sulisuvut 400-it missaanniittut illoqarfinni 17-ini aamma nunaqarfinni 53-ini siaruarsimapput.

 

Nukissiorfiit pillugit paasissutissat amerlanerusut pissarsiariniarlugit takuuk: www.nukissiorfiit.gl

 

Atorfimmut tunngatillugu paasissutissat sukumiinerusut saaffiginnissutaassapput uunga:
Innaallagissamik nioqqutissiornermi Teamleder Kristin Isholm, ki@nukissiorfiit.gl imaluunniit telefonikkut saaffiginninnermi tlf. 342270 imaluunniit 552807.

Apeqqutit nalinginnaanerusunut tunngasut saaffiginnissutigineqassapput uunga:
hr@nukissiorfiit.gl.

Qinnuteqaat paasissutissat imminut tunngasut (CV) ilanngullugit, ilinniagaqarsimanermut uppernarsaatip assilinera aamma oqaaseqaatit ilanngullugit allakkatigut A-tut nassiunneqassapput uunga:

Nukissiorfiit
Postboks 1080
3900 Nuuk
E-mail: hr@nukissiorfiit.gl

Kingusinnerpaamik qinnuteqaateqarnissamut piffissarititaasoq: 30. August 2018.