Skip to main content
88

Dette jobopslag er udløbet

Ilinniartitsisunik Niuernermik Ilinniarfik Nuummut

Kalaallit Nunaata inuusuttaanik ilinniartitseqataarusuppit?
Niuernermik Ilinniarfik, Nuuk, ilinniartitsisussarsiorpoq.

Niuernermik Ilinniarfiuvoq, suliniutinik pissanganartunik nutaanik piareersarfiusoq siunissaq tunaartaralugu. Ulapippugut. Taamaattumik massakkorpiaq nutaanik ilinniartitsisunik pissarsiorpugut.

Niuernermik Ilinniarfik ilinniarfiuvoq ilisimasaqarluartoq savitoorlu, inuussutissartiutinut sammiviup iluani ilinniakkanik atituumik ilalinnik neqeroorutilik.
Anguniagarivarput kalaallit nunaata inuussutissarsiornerani piginnaaneqarnermik ineriartortitsinermut, kiisalu niuernerup iluani ilisimasaqarnermik kiisalu misilittagaqarnermik ilusilersuinermut, pissusissamisoortumik, qitiusuunissaq.

Suleqatigiiuvugut pissaaneqartut, sulisulik isumassarsianik timitaliisartunik pimoorussisunillu, sunniuteqartumik ilikkariartornermik avatangiisilik kiisalu aallaaviulluni, tatiginninneq, qanimut suleqatigiinneq, nutaamik isumaliorneq kiisalu suliamut piginnaasaqarluarneq.

Ilinniartitsissutigisinnaasatit…

  • Suliffeqarfinni aningaasaqarneq (gymnasiap qaffisissusaa)
  • Inuussutissarnermi aningaasaqarneq (ilisimatusarnermik ilinniagaqartut qaffasissusaat)
  • Mikro- og makroøkonomi (Ilisimatusarnermik ilinniagaqartut qaffasissusaat)
  • Naatsorsueqqissaarneq (Ilisimatusarnermik ilinniagaqartut qaffasissusaat)
  • Tunisaqarneq (gymnasiap qaffisissusaa naligalugu)
  • Tuniniaaneq aamma isumaqatiginninniarneq (Ilinniagartuutut qaffasissuseq naligalugu)
  • Tunisaqarnermi iliuusissaq (Ilinniagartuutut qaffasissuseq naligalugu)
  • Nunani tamalaani tuniniaaneq (Ilinniagartuutut qaffasissuseq naligalugu)
  • Pilersitsisumik ineriartortitsineq (gymnasiap qaffisissusaa naligalugu)
  • Aaqqissuussaaneq (Ilinniagartuutut qaffasissuseq naligalugu)
  • 2019-ip kingorna atorfeqarnermi pikkorissuseq naligalugu

Kissaatigaarput …

  • Inuk patajaatsumik toqqammavilik, suleqatiginninnissaminut piumassusilik, eqeersimaartoq aammalu akunnaatsumik sulisinnasoq, piginnaasalik suleqatiginnikkusuttorlu.
  • Inuk naleqquttumik ilinniagaqarsimasoq (handelshøjskole, universitiitimi inerluni soraarummeersimaneq, ilinniartitsisussatut ilinniarsimasoq imaluunniit assigisaat).
  • Inuk isumagissaartoq unammisassanillu nuannarisalik.
  • Inuk, ilinniartitserusuttoq
  • Inuk pitsaasumik akunniliulluni sulissussisinnaassusilik suleqateqarsinnaanermillu piginnaasalik
  • Inuk, suliami inuttullu ineriartornermik nuannarisalik.
  • Inuk, aaqqiissutaasinnaasunik isigisalik, aporfiunngitsunik
  • Inuk suleqatigiinnissamut aqqutissiuerusuttoq

Illuatungaani pissavatit …
Pikkorissunik eqeersimaartunillu suleqateqarnermik avatangiiseqarluni sulinissamut periarfissaq kiisalu ilinniartulik inuummarissunik qungujulaartunillu – suliffik nutaanik unamminartunik misigiffiusoq, kiisalu siunissamut sunneeqataaffigisinnaasat.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
 
Sulinerup sivisussusaa nal.ak. 40-t sap.ak.-nut.
Sulilernissaq 1. oktober 2018 imaluunniit isumaqatigiinneq malillugu.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.
 
Paasissutissat allat
Tassani ilinniartitsisutut imminut takorloorsinnaavit, atorfimmilu periarfissanik annerusumik paasisaqarusullutit, tikilluaqqusaavutit ilinniarnermut nakkutilliisoq Bramer Sørensen attavigissallugu, oqarasuaat +299 34 25 70 imaluunniit mail brso@ninuuk.gl atorlugu. Niuernermik Ilinniarfik pillugu paasisaqarsinnaavutit ugguuna www.ninuuk.gl.

Qinnuteqaat
Qinnuteqaatit, CV kiisalu soraarummeernermi allagartat aammalu pinerlussimannginnermut uppernarsaat nassiuguk kingusinnerpaamillu ulloq 15. August 2018 pisariaqarsinnaasut "qinnuteqaat nassiuguk" toorlugu nassiutikkit. E-mail-ikkut qinnuteqaatinik tigusineq ajorpugut.
Qinnuteqaatit ingerlaavartumik suliarissavagut, taamaattumik massakkut qinnuteqarit.
 
Atorfininnissaq sukkasuumik
 
Tusarfiginissat qilanaaraarput!

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk