Skip to main content
88

Dette jobopslag er udløbet

Studieadjunkti/-lektori/Adjunkti eqqumiitsuliornermik aamma ilusilersuinermik/assassornermik Ilinniartitsisoq

1 studieadjunkti/-lektori/adjunkti Ilinniarnermik Ilisimatusarfimmi eqqumiitsuliornermik aamma ilusilersuinermik/assassornermik ilinniartitsisoq 

Atorfik augustip aallaqqaataa aallarnerfigalugu imal. isumaqatigiissuteqarnikkut inuttalerneqassaaq.

Ilinniarfissuaq Ilisimatusarfiup ataani inissisimasoq atorfinissutaasinnaasumik bachelorinngorniarfiuvoq, taajuuteqarluni Ilinniarnermik Ilisimatusarfik. Ilinniartitsisut 25-nik amerlassuseqartut peqatigalugit ilinniartitsineq maani ingerlatissavat.
Ilinniarnermik Ilisimatusarfik 160-it miss. ilinniartoqarpoq, naliginnaasumillu Nuummi ilinniarneq ingerlanneqartarluni. Saniatigut najugarisaq qimannagu ilinniarneq aamma ingerlanneqartarpoq, tassanilu ungasissumiit atuagarsorneq internetsikkut ingerlanneqartarluni. Tamatuma saniatigut Ilinniarnermik Ilisimatusarfiup meeqqat atuarfiini ilinniartitsisunut ilinniaqqiffissat ingerlariaqqiffissallu allat ulluinnarni suliarisarai. Ilinniarnermik Ilisimatusarfik tassaavoq instituti ilisimatusaatinik toqqammaveqarluni sulialik. Naatsorsuutigineqarporlu ilinniartitsisut tamarmik ilisimatusarnermik suliaqarnissaat taamatullu suliami sammisaminnik ineriartortitsinermik naammassisaqarnissaat. Sulisut ph.d.-gradillit immikkut ilisimasassarsiornissamut piffissamik tunineqartarput.

Ilinniartitsisumik ujaarlerpugut Kalaallit Nunaanni ilinniartitsisutut atorfeqartussanut kaammattuilluarsinnaasumik, aammalu Kalaallit Nunaanni ilinniartitsisut pioreersut nukittorsartuarnissaannik suliaqarsinnaasumik - ilaatigut ilinniaqqiffissat ingerlariaqqiffissallu allat aqqutigalugit. Ilinniarnermik Ilisimatusarfik piffissami matumani ineriartortitsinissamik aaqqissuusseqqinnermillu allannguuteqarniarluni suliaqarpoq. Taamaattumik eqeersimaartumik suleqatissatsinnik ujaarlerpugut, ineriartortitsinermik sulianik kinguneqartitsisinnaasumik. 

Suliassat:

  • Ilinniartitsineq lokalevalg-ini ukunani ilinniartitsisunngornianut ingerlanneqassaaq; eqqumiitsuliorneq aamma ilusilersuineq/assassorneq
  • Fagini ukunani ineriartortitsiuaannarneq; eqqumiitsuliorneq, sananeq aammalu assassorneq
  • Fagit assigiinngitsut kattullugit Ilinniarfissuarmi ilinniartitsisunik allanik suleqateqassaatit
  • Nammineerlutit aamma suleqatit allat peqatigalugit ineriartortitsinermik- aamma/imal. ilisimatusarnermik suliniutinik naammassisaqassaatit, taamatuttaarlu meeqqat atuarfiinik suleqateqarnikkut
  • Suliniutinik pilersitsinikkut ilinniaqqiffissanik ingerlariaqqiffissanillu ineriartortitsissaatit
  • Piginnaasat apeqqutaalutik ilisimatusarneq

Neqeroorutigaarput

  • Suliffik ineriartortuartoq - namminersornermik aamma suleqatit suleqatiginissaannik pingaartitsisoq
  • Ilinniartitsinermi suliffik uummaarissoq, suleqatit tunniusimasut angusaqarusuttullu 
  • Ilisimasassarsiorneq uummaarissoq, taamatullu suliat pædagogikkillu iluani ineriartoqqinnissamik periarfissaqarfiulluartoq 

Sulianut atatillugu piginnaasat aamma inuttut piginnaasat qinnuteqartuni pingaartinneqartut:

  • Minnerpaamik sammisamut tunngasumik kandidati tikillugu ilinniagaqarsimassaatit
  • Ilinniartitsinermi misilittagaqassaatit
  • Naliginnaasumik ilikkarnartumik (didaktisk) atorfinissutaasinnaasumillu siunniussaqarlutit suliaqarneq misilittagaqarfigissavat
  • Ineriartortitsinissamut suliniutinik misilittagaqassaatit – ilaatigut meeqqat atuarfiinut attuumassuteqartumik
  • Ilinniartitsisut allat suleqatigalugit suleriuseq aamma suliap ingerlarnga, piumasaqaatit aaliangersimasut naapertorlugit, aaqqissuunnissaanut piginnaasaqassaatit
  • Ilinniarfissuaq ilisimaarissavat – teorit timitaliinerlu ataqatigiissumik suliarineqarnissaat paasisimasaqarfigissavat, pingaartumik atorfinissutaasinnaasumik ilinniakkap iluseqaannarnissaanut
  • Eqqumiitsuliornermi ilusilersuinermilu nunat tamalaat akornanni piffissami kingullermi ilisimatusarnerit paasisimasaqarfigissavatit, pingaartumik ilinniarfissuarmut meeqqallu atuarfiinut tunngasut  
  • Fagit assigiinngitsut kattullugit ilinniartitsinerup ingerlannissaa aaliangiusimaffigissavat imal. fagit assigiinngitsut kattullugit suleqateqarnissaq periarfissarsiussavat
  • Ataqatigiissaarinermik misilittagaqassaatit
  • Suliffimmi ineriartortuartumi nikerarsinnaasumilu unammillernartunik ineriartortitserusussaatit
  • Attaveqaatit atorlugit ilinniartitsisinnaassaatit
  • Eqqumiitsuliornermi ilusilersuinermilu suliani piginnaasarineqartussat pingaartinneqartut tassaapput: eqqumiitsuliorneq, sananeq, assassorneq, design, nutaaliorsinnaaneq, piviusunngortitsineq, sanaartugassanik atasinnaasunik suliaqarneq.

Aningaasarsiatigut atorfinitsitaanermilu atugassarititaasut
Atorfik augustip aallaqqaataa 2018 aallarnerfigalugu inuttalerneqassaaq imal. isumaqatigiissuteqarnikkut.
Akissarsiat atorfininnermilu atugassarititaasut, ilaatigut atorfininnermut atatillugu aamma suliffimmit tunuarnermut atatillugu angalanerit kiisalu pisattat nassiunnerinut tunngasut Naalakkersuisut aamma kattuffiup pineqartut isumaqatigiissutaat naapertorlugit aaqqissuunneqassapput

Inissaq
Atorfimmut atasumik sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqareersimaguni sulisutut ineqarsinnaatitaanini tigummiinnarsinnaavaa. Inigisaq atorfimmut atavoq qimanneqassallunilu atorfimmit tunuarnermi.

Ilinniarfimmut paasissutissat erseqqaarinnerusut Ilisimatusarfiup nittartagaani atuarneqarsinnaapput, uani: www.uni.gl. Nittartakkami studieordning-i aamma paasissutissat Ilisimatusarfimmut tunngasut atuarneqarsinnaapput. Atorfik pillugu erseqqaarinnerusumik paasisaqarnerorusukkuit institut-imi pisortaq saaffigisinnaavat, uunga: Britta Lohmann, +299 38 57 02 imal. mailikkut blo@uni.gl

Atorfimmut qinnuteqaat, CV-i, ilinniakkamut paasissutissat, suliffigisimasat, oqaaseqaatit, misilitsinnermut uppernarsaatit, saqqummersissimasallu kopiinngorlugit kingusinnerpaamik junip 22-iani 2018 nal. 12.00 nassiunneqariissapput mailimut uunga: job@uni.gl

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk