Skip to main content
88

Dette jobopslag er udløbet

Qitiusumik sullissivimmut Pissassarfimmut pisortassarsiorpugut

Ineriartortitsinermik, aqutsinermik inunnullu innarluutilinnut suliassaqarfimmi ineriartortitsinermik soqutigisaqarpit aamma kommunit inunnut innarluutilinnut suliassaqarfimmik suliaqarnerisa ineriartortinneqarnissaa pitsaanerulersinneqarnissaalu qulakkeerneqassasoq kissaatigaajuk? Taava tassa pissarsiarerusutarput illiusimassaaq.
 
Ulloq sulilerfissaq 1.9.2018 isumaqatigiissuteqarnikkulluunniit.
 
Atorfik pillugu
Nuna tamakkerlugu inunnik innarluutilinnik sullissivik Pissassarfik ilusiligaanermigut siunertarineqartutigullu nutaarluinnaavoq. Sullissivik 19. februar 2018 ammarneqarpoq, Isumaginninnermut Aqutsisoqarfiullu ataaniilluni.

Pissassarfiup neqeroorutigai:

  • Siunnersuineq
  • Ilitsersuineq
  • Sungiusarneq
  • Ilisimasanik katersineq
  • Pikkorissartitsinerit.

Pissassarfimmi suliamut ineriartortitsinermullu tunngasut pingaartinneqarput, peqatigitillugu innuttaasoq aallaavigalugu kommunillu ataasiakkaat pisariaqartitaat malillugit sulisoqassalluni.

Pissassarfiup pisortaatut sulisunut, suliamut aningaasaqarnermullu tunngasut, taamatuttaaq qaffasissumik pitsaassuseqarnissaq, naammassisaqarsinnaassuseqarnissaq imminullu akilersinnaassuseqarsinnaanissaq sullissivimmi akisussaaffigissavatit. Kommuninik suleqateqarnermut aamma innuttaasunut kommuninullu suliamut tunngatillugu ingerlaavartumik neqerooruteqartarnissap qulakkeerneqarnissaanut pingaartunut akisussaasuussaatit. Pilersaarusiortarneq tamakkiisumillu isiginnissinnaaneq ineriartortitsinertut nutaanillu suliniutitut pingaartitsigissavatit.

Naatsorsuutigaarput

  • naleqquttumik suliamut tunngatillugu ilinniagaqarsimassasutit, ajornanngippat isumaginninnermi sulinermik
  • isumaginninnermut suliassaqarfimmi allaffissornermik ilisimasaqartutit misilittagaqarlutillu
  • sulisunik aqutsinermik misilittagaqartutit, ajornanngippat aallartitsisarnermik allanngortiterinernilluunniit
  • aqutsininni sulisunik ilanngutititsisartuusutit
  • eqeersimaartuusutit, tulleriiaarilluarsinnaasuusutit qiimasuullutillu
  • ineriartortitsinermik soqutiginnittuusutit
  • kulturit akornanni pisut piginnaasaqarfigigitit sungiussilertortarlutillu
  • sulisut atugarissaarnissaat pingaartitarigit.

Neqeroorutigaavut:

  • Suliffik pissanganartoq sullissivimmi nutaarluinnarmi illit ilusilersueqataaffigisinnaasat
  • Pissassarfiummik ineriartortitsineq, matumani sulisunik nukittorsaaneq ilanngullugu
  • Sulisut oqartussaasoqarfiillu assigiinngitsunik suliallit akornanni siunnersiueqatigiittarnerup ukkatarinninneq, matumani Isumaginninnermut Aqutsisoqarfik ilanngullugu.
  • Piginnaasanik qaffassaanikkut, pikkorissartitsinertigut allatigullu suliamut tunngatillugu ineriartortitsineq
  • Ilisimasanik tunngaveqarluni sulineq
  • Atorfinitsitaanermi suliassaqarfinnik sullissivimmilu patajaatsumik ilinniartinneqarneq. 

Suliffeqarfik suliamut tunngasut tikikkuminassuserlu eqqarsaatigalugit siunertamut illuliarineqarsimasumi Sisimiuniippoq. Suliffeqalertussamut angalasarnissaq naatsorsuutigineqassaaq.

Qinnuteqarneq
Atorfik pillugu annertunerusunik paasisaqarusukkuit  aqutsisoqarfimmi pisortaq Hans Peder Barlach-Christensen, hpbc@nanoq.gl , +299 34 66 30.

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk