Skip to main content
87

Qinersinermut inatsisissap nutaap piareersarneqarnerani suliassanut ilinniartoq ikiortaasartussaq

Nunamut namminermut immikkoortortaqarfik qinersinermut inatsisissap nutaap piareersarneqarnerani suliassanik ikiuuttussamik ilinniartumik ikiortaasartussamik sulisussarsiorpoq. Qinersinermut inatsisissamik nutaamik suliaqarnermi unammilligassat ilaat tassaavoq, Inatsisartunut qinersineq pillugu inatsimmut atuuttumut nassuiaatit amigaateqartorujussuunerat. Inatsit atuuttoq 1996-imeersuuvoq, aammalu taamanikkut nassuiaatinut piumasaqaatit, ullumikkut pisartutut, tamatigut annertuujusarsimanatik. Qinersinermut inatsimmut nutaamut nassuiaatit, nassuiaatinut atuuttunut saniliullugu annertusarneqangaatsiartussaapput, tamatumanilu inatsisartunut qinersineq pillugu Kalaallit Nunaanni Danmarkimilu siusinnerusukkut inatsisaasimasut paasisimaarilluarnissaat, pisariaqarpoq.
 
Suliassat:

  • Kalaallit Nunaanni aamma Danmarkimi inatsisartunut qinersneq pillugu Kalaallit Nunaanni aamma Danmarkimi inatsisinut oqaluttuarisaanermi inatsisinut nassuiaatinullu i.il. takussutissialiorneq.
  • Danmarkimi aalajangersakkani taamaaqataanni nassuiaatit naleqquttut paasinarsisinneqarnissaat siunertaralugu, Kalaallit Nunaanni qinersinermut inatsisip atuuttup paragraffikkaarlugu misissorneqarnera.
  • Qinersinermut inatsimmut nutaamut allannguutit suut isumaliutersuutiginissaat naleqqunnersoq, Nunamut namminermut immikkoortortaqarfiup nammineerluni isumaliutersuutaasa ataatsimoortillugit allanneqarneranni peqataaneq.
  • Suliassaqarfiit Nunamut namminermut immikkoortortaqarfiup isumagisaasa iluanni suliassat suliassaalertartut allat.

Neqeroorutigaavut:

  • Pisortani allaffissornikkut aqutsinermut aammalu inatsisinik ilusilersuinermut soqutiginnittumut suliassat pissanganartut.
  • Sullivik qarasaasianik allanillu suliaqarnerup ingerlanneqarnerani atorfissaqartinneqarsimasinnaasunik peqartoq.
  • Akuutitsisunik ikiuukkumasunillu suleqateqarluni sullivimmi avatangiisit persuarsiorfiunngitsut ilaannikkullu ulapaarfiusartut.
  • Ilinniartunut ikiortaasunut aningaasarsiat pillugit isumaqatigiissut atuuttoq malillugu aningaasarsiaqartitsineq.

Naatsorsuutigaarput:

  • Sapaatip akunneranut nalunaaquttap akunnerini 10-15-ini sulinissamik periarfissaqartutit.
  • Paasissutissanik ilusilersuillaqqissutit.
  • Sulinerni tulleriissaartumik periaaseqartutit peqqissaartuusutillu.
  • Ilinniagartuutut ilinniarneq ingerlappat.
  • Isumaqatigiissutit isumaqatigiissutigineqarsimasut malippatit.

Atorfik 2019-imi februaarip naanera tikillugu atorfinitsitsinissamut killiligaavoq. Atorfininnissaq qinnuteqarnissamut piffissaliussap naanerata kingorna sapinngisamik piaartumik.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
 
Atorfik suliassallu pillugit paasissutissanik annertunerusunik piniarnermi immikkoortortaqarfimmi pisortaq Klaus Georg Hansen uani email kgh1@nanoq.gl saaffigineqarsinnaavoq.
 
Qinnuteqarnissamut piffissaq killissaliussaq: ataasinngorneq ulloq 20. november 2018.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk