Skip to main content
82

Dette jobopslag er udløbet

PI/SPS Isumaginninnermi ikiortinngornianut ilinniarfimmi Maniitsumi ilinniartitsisoq

Perorsaanermik Ilinniarfik Isumaginninnermi ikiortinngornianut Maniitsumi nunap immikkoortuani atuarfimmi ilinniartitsisussamik pissarsiorpoq.
 
Perorsaanermik Ilinniarfik/Socialpædagogisk Seminarium – aamma taaneqartartoq PI/SPS, Isumaginninnermi ikiortinngornianut Maniitsumi nunap immikkoortuani atuarfimmi  ilinniartitsisussamik pissarsiorpoq.
 Perorsaanermik Ilinniarfik Kalaallit Nunaanni Isumaginninnermi ikiortinngorniarnermut akisussaavoq. Ilinniarneq agguataagaavoq atuagarsornernut pingasunut aamma sungiusarluni sulinernut marlunnut. Atuagarsornerit siulliit marluk Maniitsumi, Nuummi aamma Ilulissani nunap immikkoortuini atuarfinni ingerlanneqartarput. Atuagarsornerit pingajuat – brancheskolemiinneq, Ilulissani PI/SPS’imi pisarpoq. Sungiusarluni sulinerit nammineq najugarisami ilinniarnermut isumaqatigiissuteqarnikkut pisarput.
 
Pissarsiorpugut faglærerimik Maniitsumi nunap immikkoortuani Isumaginninnermi ikiortinngorniarnermi ilinniartitsisussamik. Nunap immikkoortuani atuarfiup ulluinnarni aqunneqarnera Immikkoortortami pisortamut isumagineqarpoq.
 
Atorfinitsinneqartussaq perorsaasutut/ilinniartitsisutut imaluunniit allamik assigisaanik ilinniarsimasuussaaq isumaginninnermi ilinniartitsinerup iluani ilinniagassani arlalinni ilinniartitsisuusinnaasoq ukunani:
 

  • Perorsaaneq aamma psykologi
  • Nipilersuutinik atuineq aamma nutaaliorsinnaaneq
  • Ilinniagassat isumaginninnermut inuiaqatigiilerinermullu tunngasut
  • Ilinniakkat pillugit siunnersuineq aamma sungiusaammik sulinermi ilitsersuineq

 
Isumaginninnermi ikiortinngornianut ilinniartitsineq kalaallisut ingerlanneqartarpoq. Atuakkat qallunaatuujukkajummata kalaallisut qallunaatullu oqaaseqarneq iluaqutaassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Annertunerusumik paasisaqarusukkuit saaffigisinnaavat Rektori, Nuka Kleemann, imal. Immikkoortortami pisortaq Lena Mathiesen Fly, PI/SPS, Ilulissat oqarasuaat 38 35 50. Annertunerusumik paasisaqarusukkuit nittartagarput www.pi.sps.gl
 
Atorfik piaartumik inuttalerusunneqarpoq.
 
Qinnuteqarnissamut periarfissaq kingulleq tassaavoq aggustip 27’ani 2018

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

Aamma qinnuteqaat mailikkut nassiunneqarsinnaavoq uunga: allaffik@pi.sps.gl paasiniaaviusinnaasut ilanngussallu ilanngullugit. Qinnuteqartut oqaloqatigineqartussatut qinerneqartut pillugit paasiniaasoqarsinnaassaaq aamma atorfininnermi pillagaasimannginnermut allagartamik piniartoqassaaq.
 
Qinnuteqaat nassiunneqassaaq uunga: 
 
Perorsaanermik Ilinniarfik,
Postbox 519
3952 Ilulissat.
Mail: allaffik@pi.sps.gl

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk