Skip to main content
83

Dette jobopslag er udløbet

Pisortat immikkoortuani digitalinngorsaanermut attaveqaqatigiinnermut siunnersortimik kajumissuseqarluartumik pissarsiorneq

Inuiaqatigiinni assigiinngitsutigut isiginnittuullutit ilisimasaqartuuguit aammalu inuiaqatigiit ataatsimoortutut isigalugit pisortallu akimorlugit isiginnissinnaallutit, taava illiusimassaaq suleqatissarput!
 
Digitalimik Sullissinermut Aqutsisoqarfimmi sulisut innuttaasunik suliffeqarfinnillu eqaannerusumik pitsaanerusumillu kiffartuussinerat aqqutigalugu Kalaallit Nunatsinni pisortatigut digitaliunerusoq angorusupparput. Pisortat ajornannginnerusumik tikinneqarsinnaanissaat pisortanilu suleriutsit oqinnerunissaat anguniakkatta ilagaat. Attaveqaqatigiinneq matumani pingaaruteqarluinnarpoq.
 
Suleqatigiit tallimanik inuttallit nalinginnaasumik, atoruminassusermik piginnittuunermillu tunngaveqartumik eqqarsarlutik ukkataqarput. Isumassarsianut nutaanut inissaqartitsilluinnarpugut, periutsit nutaat inissaqarlutik isumassarsiallu piviusunngortinnissaannut ajornaatsuinnaasinnaasarput. Tamatta immikkut suliatigut piginnaasaqarpugut – taamaalillutalu assigiinngitsunik akisussaaffeqarluta, taamaammat suleqatigiinni suleqatinut attaveqaqatigiinnissaq pisariaqarluni, matumai ataatsimut akisussaaffipput eqqarsaatigineqarluni.
 
Suliassaaleqinngeqaagut taamaammat suleqatissarsiorpugut suliatsinnik pissanganarluinnartunik tunniussaqarsinnaasumik. Suliatit pikkoriffigilluinnassavatit qiimalluinnartuullutillu, oqaatsillu assigiinngitsut atorlugit attaveqaqatigiissinnaallutit. Attaveqaqatigiinnerup qanoq pingaaruteqarnera paasisimassavat, attaveqaqatigiinnermilu aqqutit atorsinnaasat qanoq atornissaat ilisimaaralugu.
 
Tamakku atuareerlugit pilerisukkuit, periarfissaq atorlugu suleqatigaluta inuiaqatigiinni digitaliusoq aaqqissuussaalluartoq, nalinginnaasoq ajornaannerusorlu innuttaasoq eqqarsaatigalugu pilerseqataaffigisinnaavat.
 
Suliassariligassatit pissanganarluinnartut ilaatigut makkuusussaapput:

  • Paasissutissanik katersineq, taamaalillutami pisortat digitalimik isaavissui, ilaatigut sullissivik.gl ilanngullugu nutarsarneqarniassammata
  • Nittartakkatigut quppernitsinnut imarisat paasiuminartut suliarinissaat imarisallu pitsaassutsimik qulakkeerneqarnissaat
  • Pisortat nittartagaannut suliaqaqataasunut attaveqarneq siunnersiueqateqarnerlu
  • Aqutsisoqarfiup pilersaarutaannut attaveqaqatigiinnermi suliat pillugit periusissiat sukumiisullu pilersaarusiornissaat aaqqissuunnissaallu
  • Pisortat nittartakkatigut isaaviisa ilaatigut sullissivik.gl-ip nittartakkat assigiinngitsut aqqutigalugit nittarsaannissaat
  • Piginnittuulernissamut sulinermi peqataaneq innuttaasunillu sullissiviup digitalinngorsarnissaa

Piginnaasaqarfiitit tassaassapput:

  • Attaveqaqatigiinnerup, tusagassiornerup assigisaataluunniit iluani ilinniagaqarsimanissaq
  • Ersarissumik eqqortumillu allallaqqinnissaq oqaasertaliorsinnaanissarlu
  • Aaqqissuussat suliniutillu politikkikkut aqunneqartut misilittagaqarfigineqarsinnaapput, piumasaqaataananili
  • Atuisut pisariaqartitaat tunngavigisinnaanissaat
  • Misissuilluaqqissaarsinnaaneq malinnaalluarsinnaanerlu
  • Nittartakkat pillugit suliaqartutut misilittagaqarnerit pitsaaqutaassaaq, piumasaqaataananili
  • Aqqutit assigiinngistut aqqutigalugit ingerlatitseqqiisinnaanissat
  • Kalaallisut, danskisut tuluttullu oqalussinnaallutillu allassinnaanissat

Suleqatigiinni amigaatigisarput tassaavoq:

  • Nuannaartoq, ammasoq suleqatiginnillaqqissorlu
  • Tamatigoortoq nutaaliorsinnaasorlu
  • Ulluni suliffiusuni ulapaarfinnik nuannarisalik
  • Namminersorlutik suleqatigiinnisut sulillaqqitsiginissat
  • Aaqqissuulluakkamik attaveqaqatigiinnermut pilersaarutinik paasissutissanillu katersinermik suliaqarsinnaasoq
  • Inuiaqatigiinnik kulturimillu ilisimasaqarluartoq

Qarasaasiap digitalinngorsaanerullu atornerulernerisigut inuiaqagtigiinni digitalinngorsaaneq Naalakkersuisunit siuarsarneqartussatut siunniussaavoq. Nuna tamakkerlugu digitalinngorsaanermut periusissiortoqarpoq, ukiunilu sisamani tamanna ingerlanneqartussaalluni. Periusissaq Digitalimik Sullissinermut Aqutsisoqarfimmi pigineqartutut ingerlanneqarpoq, kingunerisaanillu Aqutsisoqarfiup suliniutit ataatsimut pisortani innuttaasunullu tamanut atuuttunik suliarineqartussaallutik.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk