Skip to main content
84

Dette jobopslag er udløbet

Pinngortitamut Avatangiisinullu Naalakkersuisoqarfimmi TNI-mi ilinniartoq

Sullivimmi misiliiffissaq, aningaasaqarnermut sulisunillu aqutsinermut immikkoortortaqarfiit assigiinngitsut akimorlugit ineriartornissamut periarfissaqartitsisoq pilerigigukku, sullivimmi misiliiffissami naleqquttumi inissaqartippatsigit. TNI-mi ilinniartumik, 2018-imi aallartissinnaasumik pissarsiorpugut.

Neqeroorutigaavut:
Pinngortitamut Avatangiisinullu Naalakkersuisoqarfik pingasunik immikkoortortaqarfeqarpoq ataatsimillu aqutsoqarfeqarluni. Kiffartuussinermut, Aningaasaqarnermut Sulisoqarnermullu Immikkoortortaqarfimmut inissinneqassaatit.

Kiffartuussinermut, Aningaasaqarnermut Sulisoqarnermullu Immikkoortortaqarfimmi ilaatigut aaqqissuussaaneq, politikkikkut suleriaatsit, aningaasanut inatsisiliortarneq atorfinitsitsisarnerlu paasiniarlugit sulissaatit. Taakku saniatigut kiffartuussinermi, akissarsialerinermi, naatsorsuuserinermi, missingersuutinik pilersaarusiornermi, malitseqartitsisarnermi misissuisarnermilu suliassaqassaatit.

Naalakkersuisoqarfiit aqutsisoqarfiillu akimorlugit ilinniartut ikinnerpaamik ukiumut sisamariarlutik katersuuttarput. Taakkunani ilinniartunik allanik naapitsinissamut, aammalu suliassat namminneerlusi toqqakkasi pillugit oqalliseqateqarnissamut periarfissaqartassaatit. Namminersorlutik Oqartussat ineriartornissamut ilikkagaqarnissamullu pitsaassunik sinaakkutissaqartitsipput, pitsaasumik ilinniagaqarnissannut siunissamullu nukittuumik toqqammavissaqarnissannut periarfissiiffiusunik.

Naatsorsuutigaarput:
Suliatigut piginnaaneqarfiit:

  • Matematikkimut piginnaaneqarluarneq
  • Oqaatsitigut allattariarsornikkullu piginnaaneqarluarneq

Inuttut piginnaaneqarfiit:

  • Imminut naalakkersinnaassuseqarluarneq
  • Tulleriiaaraluni, peqqissaartumik aallussilluarlunilu sulisinnaassuseqarneq
  • Iluarsisassanik iluasiisinnaassuseqarneq sulianillu naammassinnissinnaaneq
  • Naapertuisuuneq
  • Inussiarnerneq qanilaarnerlu

Sulianut tunngasut
Sapaatit akunnerannut piffissaq suliffiusussaq nal. ak. 40-nik sivisussuseqarpoq.
Isumaqatigiissutit atuuttut malillugit akissarsiassat aalajangerneqassapput.
Atorfimmut atatillugu sulisunut inissiamik innersuussisoqarsinnaanngilaq.

Paasissutissat amerlanerusut
Iinniarfissaq pillugu annertunerusumik paasisaqarusukkuit Kiffartuussinermut, Aningaasaqarnermut Sulisoqarnermullu Immikkoortortaqarfimmi pisortaq Paninnguaq Clasen tlf.: 345416-imut attaveqarfigisinnavat.

Namminersorlutik Oqartussat pillugit annertunerusumik paasisaqarusukkuit www.naalakkersuisut.gl aqqutigalugu atuagaqarsinnaavutit.

Qinnuteqaat CV-mik, soraarummeernermut uppernarsaatinik allanillu ilaqartinneqartoq quppernermi matumani linki aqqutigalugu nassiunneqassaaq. E-mail-inik tigusineq ajorpugut.

Qinnuteqarneq
Qinnuteqarnissamut  02. juli 2018, nal. 12.00 killigitinneqarpoq.
Atorfinitsitsinissamut atatillugu oqaloqatiginninnerit sap. ak. 26-mi aamma 27-mi ingerlanneqarnissaat naatsorsuutigineqarpoq.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk