Skip to main content
84

Dette jobopslag er udløbet

Nunat tamalaat akornanni suliniutinik ingerlatsisoq - Talent Acquisition

Nunat tamalaat akornanni suliniutinik ingerlatsisoq - Talent Acquisition
 
Tiguaanissat piginnaasalinnillu attassinissaq ilisimasaqarfigaajuk? Attaveqaqatigiinnerup, tusagassiuutit suliniutinillu ingerlatsinerup iluani ilisimasaqarpit? Suliffeqarfimmik ineriartorfiusumik soqutiginartumillu nittarsaassinissat soqutigisaraajuk? 
 
Soqutiginnikkuit neqeroorutigisinnaavagut
Peqqinnissaqarfimmi arlalitsigut ingerlalluarfiusumi nittarsaassinissaq ineriartortitsinissarlu. Suliniummut Telent Acquisitionsimut tunngatillugu sulisunut sulisussanullu qallunaanut kalaaliusunullu suliaqarneq, tassungalu aamma ilaapput sulisoqarnerup iluani pilersaarusiornerit suliniutinillu ingerlatsinerit. Ulluinnarni Københavnimi inissisimasumi allaffeqassaatit, pisariaqartinneqartulli aallaavigalugit angalasinnaasassallutit.
 
Kalaallit Nunaanni Peqqinnissaqarfik suliffeqarfiuvoq inuiaqatiginni akisussaassusilik, tassanilu isumassuineq, tatigeqatigiinneq ataqqinninneq piginnaasaqarnerlu naleqartinneqarlutik. Ineriartortitsineq salliuttorujussuuarput sulisullu ataasiakkaat piginnaasaat isiginiarneqartorujussuullutik, soorlu aamma suleqatigiit assigiinngitsut piffinni assigiinngitsuni inissisimasut suleqatigiisinneqarnissaat aamma isiginiarneqartoq. Upperaarput atorfimmi peqqissumik ingerlagaanni inuiaqatigiinnut kiffartuussineq peqqinnerusumik ingerlanneqarsinnaasoq.
 
Akisussaaffeqarfissat
Suliniummi aqutsisutut Kalaallit Nunaanni peqqinnissaqarfinni atorfinnut tulluartunik naapertuuttunillu atorfinitsitsiniarneq attassiniarnerlu suliassarissavatit, tamannalu ingerlattassavat suleqatitit Kalaallit Nunaanniittut Danmarkimiittullu peqatigalugit.
 
Peqqinnissaqarfiup iluani immikkut piginnaaneqartut pikkorissut pilersissavatit ingerlatarilissallugillu, pineqartullu tamarmik Kalaallit Nunaanni Peqqinnissaqarfiup iluani iluatsilluartumik atorfeqarnikuussapput.
 
Immikkoortortaqarfiit akimorlugit suliniutit iluanni Talent Acquisitionimik ingerlatsineq, tassani ilisimatusarneq ilinniaqqinnissamullu periarfissat aamma eqqarsaatigineqartarput. Piffinni nunallu tamalaat akornanni susassaqaqatigiit assigiinngitsut ilanngussuunneqartarput, taamaasiornikkummi sulisut Kalaallit Nunaanni suliassat assigiinngitsorpassuit aaqqiiffigisinnaanngorniassammatigit.
 
Kiisalu ataani pineqartut ataqatigiissarneqarnissaat aaqqiivigineqarnissaallu:

  • Sulinitit nunat killeqarfii akimorlugit soqutiginnitsitsilernissamut, ataannartitsinissamut atorfinnilu ingerlaarnissamut suliniutinut attuumassusilinnut pilersaarusiornissaq ingerlatsinissarlu
  • Peqqinnissaqarfiup iluani Talent Acquisitionimik suliaqarnerup ineriasarneqarnissaa – ilaatigut Danmarkimi atorluarneqarsinnaasumik sourcing teamiliornikkut
  • Peqqinnissaqarfiup suussusaanik, ilinniarfissartaanik suliassarpassuarnik soqutiginartunik kiisalu sulisunik kajumissusilinnik ilumoorsaartumik nukittuumillu kinaassutsimik saqqummersitsinissaq
  • Oqaluttuat ulluinnarnilu assinik kiisalu iluatsilluartunik aaliangersimasunik susoqarsimaneranik saqqummiussineq nittarsaassinerlu
  • Peqqinnissaqarfimmi inunnik messini tusagassiuutinilu assigiinngitsuni nittarsaassineq
  • Nittarsaassinerup inerisarneqarnissaa pitsanngorsarneqarnissaalu, Employer Branding, SoMekkut nittarsaassinerit assigisaalu
  • Atorfinitsitsinermi ilisaritsitsinerit onboardingimullu tunngasuni inerisaanerit
  • Talent Acquisitioninut tunngasunik misissuinerit misissukkanillu atuinerit

 
Illit pillutit:
Suliniutit atornissaannut paasinnissinnaassusilik. Aqutsinermut/suliniutinillu ingerlatsinermik misilittagaqalik sulisoqarnerup iluani ilisimasaqarluartoq tamassuma iluani atorfinitsitsinerup attassinianerullu tassa Talent Acquisitionip iluani ilisimasalik.
Suliniutinik nammineerlutit suleqateqarlutilluunniit pitsaasumik naammassinninniarsinnaavutit. Ingerlaqqiffiusumi ilinniarsimasuunissat naatsorsuutigaarput, kiisalu aamma sulisoqarnerup iluani misilittagaqassasutit ilisimasaqassasutillu, tamatumalu iluini suliaqarninni angusaqarluarnikuusimassasutit.
Attaveqaqatigiinnerup iluani piginnaanitit aallaavigalugit tusarnaarsinnaassuseqarputit allakkatigut oqalunnikkullu aamma paasinartumik ingerlatitseqqissinnaassuseqarlutit. Inussiarnersuuvutit kiffartuusserusussusilik suleqatikkuminartorlu. Aallartitsisinnaassuseqarputit aallussisuuvutit suliassaqarluarfiusumilu sulerusussuseqartuullutit.

Aningaasarsiatigut atornititsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Domicil København – inissisimaffitsialak.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Sukumiinerusumik paasisaqarneq
Atorfik pillugu sukumiinerusumik paasisaqarusukkuit sulisoqarnermut immikkoortortaqarfiup pisortaa, Bjarke Fog oqarasuaammut mailimulluunniit saaffigineqarsinnaavoq 00299 53 89 04 / bjfo@peqqik.gl
Qinnuteqarfissaq kingulleq
Septemberip 7-at 2018

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk