Skip to main content
93

Dette jobopslag er udløbet

Namminersorlutik Oqartussat Isumaqatigiinniarnermut pisortassarsiorpoq

ISUMAQATIGIINNIARNERMUT PISORTAQ
 
Kalaallit Nunanni pisortat akissarsiat pillugit isumaqatiginninniartarfiani ulluinnarni pisortatut ingerlatsisartussamik Namminersorlutik Oqartussat isumaqatigiinniartarnernut pisortassarsiorpoq. Atorfik Aningaasaqarnermut Suliso-qarnermullu Aqutsisoqarfimmi inissisimavoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigisaat.  Isumaqatiginninniartarnermut pisortaq kommunit Aningaasaqarnermut Akile-raartarnermullu Naalakkersuisoqarfimmit aallartitaat peqatigalugit Isumaqatiginninniarnermut Isumaqatigiissuti-nullu Ataatsimiititaliami ilaasortaassaaq.
 
Aningaasaqarnermut Sulisoqarnermullu Aqutsisoqarfik (ASA) ilaatigut akisussaaffigai Namminersorlutik Oqartus-sat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissar-sianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aser-fallatsaaliuinerlu.  ASA suliassanut qitiusunut ersarissunik anguniagaqartoq, ASA piginnaasanik ineriartortitsinissaq pingaartitsisoq kiisalu ASA pisortat suliassaqarfiinik pisariillisaasoq.
ASA-p pingaartitai pingasut tassaapput:

  • Akisussaaffik - "Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut"
  • Suleqatigiinneq - "Suleqatigut sullitavullu pitsaasumik suleqatigaagut"
  • Isumassuineq - "Ikiuukkumatuujuvugut akunnitsinnilu paareqatigiilluta"

 
Isumaqatigiinniarnermut Pisortamut suliassaq taassaavoq sulisartut kattuffiinik akissarsiat pillugit isumaqatigiissu-teqartarnissaq nalinginnaasumillu isumaqatigiissuteqartarnissaq tamatumalu saniatigut makku naammassineqarnissaat siunertaalluni:

  • Pisariillisaanissaq siunertaralugu isumaqatigiissutinut tunngavissat allanngortinnerat
  • Naammassisaqarsinnaanerulernissaq siunertaralugu suliat ingerlaartarnerinik pitsanngorsaaneq
  • Paasissutissat pisariaqartinneqartartut pissarsiariuminarnerulernissaanik ineriartortitsineq

Isumaqatiginninniartarnernut tunngasunut tunngatillugu sulianik pitsaasunik Kalaallit Nunaanni pisortanit inuiaqati-giinnillu iluaqutaasussamik suliarineqartarnissaat pingaaruteqarpoq.
 
Atorfimmut piukkunnaatilik eqqortoq  sivisuumik ingerlaqqiffiusumik ilinniaqarsimavoq assersuutigalugu cand. jur.-itut, cand.polit.-itut. imaluunniit cand.scient.-itut,soc-itut. kissalu atorfiup akisussaaffeqarfiisa tamarmiusut imaluunniit ilaasa iluini suliassatigut ilisimasaqarneq. Taakkununnga ilanngullugit:

  • Suliffeqarfimmi politikkikkut aqunneqartumi sulinermik misilittagaqarneq – ajornanngippat Kalaallit Nunaanni
  • Inuit arlallit sulinermi pisinnaatitaaffiinik aamma isumaqatiginninniartarneq pillugu ilisimasaqarneq
  • Aqutsinermik misilittagaqarneq
  • Suleriaatsinik pitsanngorsaanermik misilittagaqarneq
  • Inutsialaavutit sullisserusussuseqarlutit ilakkuminartuullutillu
  • Pitsaasunik oqalulluni allattarissatigullu ataqatigiinnermut- oqaasertaliornermullu piginnaasaqarluartoq

Kalaallit oqaasiinik, kulturiannik aammalu inuiaqatigiinni pissutsinik ilisimasaqarnissaq pingaartinneqarpoq.
 
Suliffik ulapaarfiusoq inuttut ineriartornissamik periarfissaqarluartoq aamma sulinerup sulinngiffeqarnerullu na-laani misigisassarpassuaqarfiulluni soqutiginartoq unammillernartorlu pineqarpoq.
 
Tassunga atorfimmut inuttassarsiornissaq pillugu Namminersorlutik Oqartussat Pointer A/S suleqatigivaat. Taamaammat tikilluaqquneqarputit attavigissallugu Pointer A/S-imi pisortaaneq Inger Ingvardsen +45 29368636 imaluunniit siunnersorti Morten Recipuert Christiansen +45 26170932 aqqutigalugit. Saaffiginnissutit tamarmik allanut tusarliunneqaratik suliarineqassapput.
Qinnuteqaat piaartumik kingusinnerpaamillu nassiunneqassaaq ulloq 22. april 2018 uunga kam@pointersearch.dk.
 
Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

1. april 2017 LR 38-mi akissarsiat imak isumaqagitiissutigineqarnikuupput qaamammut  Kr. 57.018,- ukiumullu Kr. 684.220,- tunngaviusumik aningaassarsiarititaasoq tapillu aalajangersimasut ilanngulugit.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.
 
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk