Skip to main content
58

Dette jobopslag er udløbet

KAF kollegieinspektørit marlunnik sulisussarsiorpoq

Ilinniartut ineqarfiisa Allaffeqarfiat (KAF) Nuuk, atorfiit kollegieinspektøritut marlunnik piaartumik sulilertussanik pissarsiorpoq.
KAF aaqqissuussaanikkut Ilinniartitaanermut, Kultureqarnermut Ilageeqarnermullu Naalakkersuisoqarfiup ataani inissisimavoq. Piffissami matumani kollegiainspektøri pisortaasoq aamma pisortap tullersortaa, kollegiainspektørit ataaseq, allaffissornikkut sulisut, eqqiaasut aammalu pedelit arlaqartut sulisorineqarput.

Atorfik pillugu
Kollegieinspektørit isumannaartartussaavaat ininik attartornermut isumaqatigiissutit atsiorneqartarnissaat, ineqartullu paasissutissittarlugit malittarisassat atuuttut pillugit, illuutit nakkutigisaralugit aammalu ilinniartut sullinnissaat. Kollegiainspektørillu aamma akisussaaffigaat kollegiani ineqartut siunnersuisoqatigeeqarnissaat - beboerråd-inik.  

Naatsorsuutigaarput illit:

  • Inuusuttunik sullissinissamik soqutigisaqartuusutit.
  • Suleqatikkuminartuusutit inuusuttunillu suliniuteqartitsillaqqissuusutit.
  • Inoqatinnut ammasuusutit ilakkuminartuullutit maligassiuisinnaallutillu.
  • Pinerluttuliorsimannginnermut uppernarsaat aamma meeqqanik pinerliisimannginnermut uppernarsaammik peqassasutit.
  • Naleqquttumik ilinniagaqarsimasutit perorsaanermullu ilisimasaqartuusutit, illuutillu aserfallatsaalineqarnissaannut ilisimasaqartuusutit.
    Biilersinnaanermut allagartaqartutit.
  • Nalinginnaasumik ammasarfiit avataanni pigaartuusarnerni peqataasarneq.
  • Aalajaatsuusutit inuusuttullu ulluinnarni inuunerannut akuunissannut kajumissuseqartutit.

Allaffissornermut piginnaaneqartutit, kiffartuussillaqqissuusutit nammineerlutillu suliassarsiorsinnaallutillu kollegiainspektøreqatinnik suleqateqallaqqissuusutit, - aamma piffissami ulapaarfiusumi.

Akissarsiat aamma atorfininnermi atugassarititaasut
Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimi qaanngiuttornermusiaqarsinnaavoq akunneri qaammatinullu pingasunut aalajangiussat qaanngersimagaani, taammaatoq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.
 
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Atorfimmut atatillugu annertunerusunik paasisaqarusukkuit tikilluaqquneqarputit kollegiainspektørit pisortap tullersortaa Vivian S. Isaksen attavigissallugu, oqarasuaat 342380 aqqutigalugu, mail visi@nanoq.gl.

Piffissaq qinnuteqarfissaq 27. juli 2018, nal. 12.00 naassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk