Skip to main content
79

Dette jobopslag er udløbet

Inuussutissarsiornermut Nukissiuuteqarnermullu Naalakkersuisoqarfik sulisussarsiorpoq

Nunami tamarmi siuarsarnermik pilersitseqataarusuppit, nunat tamalaanilu Kalaallit Nunaata inissilluarsimanissaanik qulakkeeralutit? Akisussaaffimmut annertuumut piareersimavit? Taava Inuussutissarsiornermut immikkoortoqarfimmi immaqa suleqatitaarissavatsigit. Inuussutissarsiornermut periutsinik ineriartortitsillutillu atuutsitseqataalerlutit qitiusumik inissisimaffeqassaatit. Naalakkersuinikkut pitsaalluinnartumik ikiorsiisinnaasuullutit atorfilittatut piginnaaneqartuunissat aamma piumasaraarput.

Inuussutissarsiornermut immikkoortoqarfik pillugu:
Inuussutissarsiornermut Nukissiuuteqarnermullu Naalakkersuisoqarfimmi Inuussutissarsiornermut immikkoortoqarfimmi atorfinissaatit. Immikkoortoqarfimmiippugut pisortaq ataaseq A/C-millu sulisut pimoorussisut arfineq-marluk, kiisalu suliffimmi sungiusartut aamma studentermedhjælperit arlariit, tamarmik nunami tamarmi siuarsarnermik pilersitsinissamik, aammalu Kalaallit Nunaata nunat tamalaani niuffaffinni nukittussuseqartumik inissisimanissaanik qulakkeerisussat.

Immikkoortoqarfiup ilaatigut makku suliarai: takornariartitsineq, nilammik imermillu avammut nioqquteqarneq, aallartisaaneq, inuussutissarsiornermik politikki, inuiaqatigiinni aningaasaqarneq/IBA pillugit isumaqatigiissutit, kiffartuussinissamik isumaqatigiissutinik malitseqartitsineq, kiisalu nunat tamalaani nittarsaaneq nunatsinni inuussutissarsiorfinni piukkunnaateqartunik avammut nioqquteqarnermik siuarsaaneq. Suliassaqarfiit tamakku iluanni periusissianik ineriartortitsinermik, atuutsitsilernermik, sulianik isumaginninnermik, kiisalu naalakkersuisunik kiffartuussinermik siamasissumik suliaqartoqarpoq. Tamatuma ilaatut immikkoortoqarfik Visit Greenlandilu, aamma Business Greenlandilu kiffartuussinissamik isumaqatigiissutaasunut akisussaasuuvoq.

Taamaattumik annertuunik anguniakkanik amerlasuunik peqartumik sammisatigut suliassaqarfeqarpugut annertuumik. Taamaattumik immikkoortoqarfik savitooq peqataaffigilissavat, tassani ataatsimoorluta suliassarpassuit assigiinngitsut kivitsiviginissaat sammisaralutigu, aammalu piffissamut qanittumut aamma ungasittumut piviusunik inernerisanik pilersuisuulluta.

Atorfik pillugu:
Namminersuutigisannik suliaqartussaassaatit, annertuumillu akisussaaffeqassallutit. Immikkoortoqarfimmi suliassat suussusaat siamasissut isumagisaraagut, ilaatigullu makkuninnga suliaqarsinnaassaatit:

  • Naalakkersuinermi sullissineq, ilaatigut Naalakkersuisut isummernissaannut tunngavissiissutinik suliaqarnerit, tunngavissatut allakkialiornerit, oqalugiaatit, § 37-mut tunngasutut apeqqutinik akissuteqarnerit, il.il.
  • Immikkoortoqarfinnut allanut, pisortanut inuussutissarsiorfimmullu akimuisutut ataqatigiissaarisutut atuuffiit
  • Inuussutissarsiorfimmi naalakkersuinermi ingerlatassat suliarinerinut atatillugu siulersuisullu siunnersoqatigiinneq
  • Inuussutissarsiorfimmi periusissianik nutaanik ineriartortitsillunilu atuutsitsilerneq
  • Immikkoortoqarfinnut attuumassuteqartunut kiffartuussinissamut isumaqatigiissutinik malitseqartitsinerit
  • Kalaallit Nunaanni inuussutissarsiorfimmik nunat tamalaani nittarsaanerit
  • Aningaasanik missingersuutinillu aqutsinerit, sulianik isumaginninnerit, qarasaasiamik toqqorsisarfimmik ineriartortitsinerit, kiisalu allattoqarfittut atuuffiit.

Suliassat piviusut piginnaasannit misilittakkannillu aalajangerneqarumaarput.

Illit pillutit:
Naalakkersuinermi kattuffimmit aamma/imaluunniit namminersorfigisatut inuussutissarsiorfimmit misilittagalimmik suleqatissarsiorpugut. Taamaattumik makkuninnga piginnaaneqarnissaat iluarissavarput:

  • Kandidatitut inissisimaffimmi attuumassuteqartumik sulianut tunngasumik ilinniagaqarneq
  • Naalakkersuinermi aqutaasumit kattuffimmit aamma/imaluunniit namminersorfigisatut inuussutissarsiorfimmit misittagaqarneq
  • Inuussutissarsiorfimmi naalakkersuinermut ilisimalluarnissaq
  • Suliniutinik anginerusunik namminersuutigalugit suliaqarsinnaaneq
  • Oqaatsinik piginnaasaqarluarnissaq, ilaallutik kalaallisut, danskisut tuluttullu

Suliassat isumagisatit naalakkersuinermi sianigineqarnerat iluarisimaarpat, oqaatsillu paasiuminartut atorlugit ajornartorsiutit paasiuminaatsut paasissutissiissutiginissaat piginnaaneqarfigaat. Namminersorsinnaanerit, pimoorussinerit, ingerlataqarluartartuunerit qiimasuunerillu pingaartuutippagut.

Inuussutissarsiornermut Nukissiuuteqarnermullu Naalakkersuisoqarfik pillugu:
Inuussutissarsiornermut Nukissiuuteqarnermullu Naalakkersuisoqarfik tassaavoq suliffik pissanganartoq. Ulluinnarni sulinerput akunnitsinni pitsaasumik ileqqoqarfiuvoq, angusanut nammineq ilisarnaasiinissamut inissaqarluni. Naalakkersuisoqarfimmi sulisut 36-uvugut. Tamatuma saniatigut naalakkersuisoqarfik marlunnik atasunik immikkoortortaqarpoq, Atuisartoqarnermut Unammilleqatigiinnermullu Aqutsisoqarfik aamma Nukissiorfiit. Naalakkersuisoqarfippiaq assigiinngitsunik immikkoortoqarfeqarpoq – Inuussutissarsiorneq aamma Nukissiuuteqarneq, kiisalu Uulia/Gassi. Tamakku saniatigut naalakkersuisoqarfiup pisortaanut toqqaannartumik attuumassutilimmik inatsisilernermik siulersuisoqarfittut atuuffeqartoqarpoq.

Aningaasarsiat atorfininnermullu atugassarititaasut:
Aningaasarsianut atorfininnermilu atugassarititaasunut, ilanngullugut atorfininnermi soraarnermilu angalanerit aamma pisattat nuutinneqarnerit piffissap atorfiniffiusup nalaani Namminersorlutik Oqartussat aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq naapertorlugu aalajangersarneqarput.

Atorfik aallaaviatigut fuldmægtigitut atorfittut inuttalerneqassaaq. Qinnuteqartumut naleqquttumik misilittagalimmut   pisutsit malillugit immikkut ittumik, imaluunniit chefkonsulentitut tapinik tunniussisoqarsinnaavoq.

Ineqarneq:
Qaqugukulluunniit malittarisassat atuuttut malillugit sulisumut inissiaq pequsersugaanngitsoq atorfimmut innersuutigineqarsinnaavoq. Inissiamut innersuussutaasumut malittarisassiat qaqugukulluunniit atuuttut malillugit inissiamik attartugaqarnermut depositumilu akilerneqassapput. Sulisumut inissiaq atorfinitsitaanermut attuumassuteqartuuvoq, atorfinitsitaanerullu naanerani qimanneqassalluni.
Inissiap pisoqaassusianit, piginnittoqarnermit il.il. aalajangerneqarlutik inissiamik attartornermut akiliut inissiallu qanoq issusia assigiinngiiaarsinnaapput. Atugassariuakkamut sulisumut inissiamik innersuussaanissaq utaqqiffissaqarsinnaavoq, taamaattumillu vakantimik inissiisoqarsinnaalluni, tassunga ilanngullugit aamma najugaqatigiinni ikinnerusuni, imaluunniit akunnittarfinni inissiani, taakkunani akileraarusiisoqartarluni.

Sukumiinerusumik paasissutissat
Atorfik pillugu annertunerusumik paasisaqarusukkuit Inuussutissarsiorfimmut immikkoortoqarfimmi immikkoortoqarfiup pisortaa Christian Hjerrild Ovesenip attaviginissaanut tikilluaqqusaavutit, e-mailikkut: chho@nanoq.gl, oqarasuaatikkut 345622 imaluunniit oqarasuaatikkut angallattakkakkut 564471.

Qinnuteqaat:
Qinnuteqarnermut killissarititaq tassaavoq ulloq 27. september 2018.


Ulloq atorfiniffik tassaavoq ulloq 1. novembari 2018, imaluunniit isumaqatigiissutigisaq malillugu.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk