Skip to main content
104

Dette jobopslag er udløbet

Ilinniartitsinermik Ilisimatusarfimmi studieadjunktimik/studielektorimik imalt. adjunktimik pædagogikkip iluani fagini atuartitsisussamik 1. april 2018 imaluunniit isumaqatigiissuteqarneq naapertorlugu atorfinittussamik inuttarsarsiuussineq

Ilinniartitsisunngorniarluni ilinniartitaaneq atorfinissutissamik bacheloritut ilinniarneruvoq, Ilisimatusarfiup  ataanni  Ilinniartitsinermik Ilisiatusarfimmi aaqqissugaalluni. Ilinniartitsisut 25-it missaanniittut  suleqatigissavatit.

 

Ilinniarfissuaq 180-it missaanik ilinniartoqarpoq, ingerlanneqarlutik qitiusumi ilinniartitaaneq aamma najugaq qimannagu ungasianiit qarasaasiaq atorlugu ilinniartitsinermik malinnaanikkut kiisalu katersuulluni pikkorissarnikkut-ilinniartitaaneq.  Tamatuma saniatigut isumagineqarput meeqqat atuarfianni ilinniartitsisunik pikkorissaaqqinnerit ilinniartitseqqinnerillu. Ilinniartitsinermik Ilisimatusarfik akademikerisut ilinniakkanik ilisimatuutut misissuinernik tunngaveqartunik ilisimatusarfiuvoq, ilinniartitsisut tamarmik suliamut atasumik ilisimatusarnissamikt inerisaanissamillu naatsorsuuteqarfigineqarlutik. Sulisut ph.d.-llit ilisimatusarnissamut piffissalerneqartarput.

 

Ilinniartitsisumik, ilinniartuutitta siunissami Kalaallit Nunaanni meeqqat atuarfianni ilinniartitsisunngornissaannut patajaallisarnissaannut, kiisalu ilinniartitsisooreersut Kalaallit Nunaanni piginnaasaasa qaffasinnissaannut piumasaqaataasup naammassinissaanut pikkorissaaqqinnerit- ilinniartitseqqiinerillu suliamut attuumassuteqarlutillu naapertuutut neqeroorutiginerisigut nukittorsaanissami sulerusussusilimmik pissarsiorpugut. Ilinniarnermik institutsimit piffissami matumani aaqqissuusseqqinneq- ineriartortitsinerlu annertooq ingerlanneqaleruttorput, taamaattumik aaqqissuussaasumik ineriartortitsilluni sulinermut peqataasinnaasumik sulisussarsiorpugut.

 

Suliassat:

  • Ilinniartitsisunngornianik pædagogikkip fagitut iluani atuartitsinissamik pilersaarusiorneq ilinniartitsinerlu
  • Pædagogikkip fagitut iluani atuartitsinissamik ataavartumik ineriartortitsineq
  • Fagit kattullugit suleqatigiinnermut peqataaneq
  • Ilisimatusarnikkut attuumassutilinnik sulianik aamma/imaluunniit ilisimatusarnissamut suliniutinik kisimiilluni imaluunniit suleqatit peqatigalugit kiisalu meeqqat atuarfiat suleqatigalugu ineriartortitsineq
  • Ilinniartitsisunngorniarluni ilinniartitaanerup atuartitseriaatsini ineriartortitsinermi ilinniartitseqqiinermilu suliniutinut pædagogikkip iluani atuartitsinissamik inerisaanissamik peqataaneq
  • Pisariaqassappat piukkunnassuseq aallaavigalugu ilisimatusarneq

Neqeroorutigaavut:

  • Sulinermi avatangiisit ineriartortuartut, suliassat naammassiniarneranni nammineersinnaassutsimik ataatsimoorlunilu suleqatigiinnermik oqimaaqatigiissitsiniarfiusut
  • Ilinniartitsinermi avatangiisit pikialaarfiusut, soqutiginnillunilu kajumissuseqarluarluni suleqatigiiffigiusoq
  • Ilisimatusarluni avatangiisit aallussilluarfiusut, suliamut pædagogikkimullu ineriartorfissaqarluartut

Piginnaasat pisinnaasallu qinnuteqarnermi pingaartinneqartut makkuupput:

  • Suliamut attuumaassuteqartumik ilinniagaqarsimaneq, pitsaassaaq kandidatitut qaffasissusiliuppat
  • ilinniartitsinermik misilittagaqarneq
  • Atuartitsinissamik aaqqissuussinermut ilinniagalittullu sulinermut sammisunik sulinermut misilittagaqarneq
  • Atuartitsinermut attuumassuteqartunik ineriartortitsinermik, ingammik meeqqat atuarfiannut tunngasunut attuumassutilinnik misilittagaqarneq
  • Suleriusissat suliallu ingerlannerani piumasaqaatit naapertorlugit ilinniartitsisoqatit suleqatigalugit ilusilersuisinnaaneq
  • Ilinniartitsisunngorniarnermut nalinginnaasumik ilisimasaqarneq, ilinniartitsisunngorniarnermilu ilinniagalittut sulinermut atassusiiniarluni sulinermi teoriit piviusullu ataqatigiisinnissaannik pingaartitsisinermik paasisimasaqarneq
  • Pædagogikkip iluani atuartitsinermut tunngasunik ilisimatusarnernik nutaanerusunik, ilinniartitsisunngorniarnermik meeqqallu atuarfiannut attuumassutilinnik paasisimasaqarneq
  • Fagit akuleriisillugit suleqatigiinnissamut periarfissanik pilersitserusussuseqarneq imaluunniit fagit akuleriisillugit ilinniartitsinissamut piumassuseqarneq
  • Pilersaarutinik ataqatigiissarinermik misilittagaqarneq
  • Suliffimmi uummaarissumi allanngoriataarsinnaasumilu suliassanik unammillernarsinnaasunik nutaanik ajattuinnginneq

Aningaasarsiat atorfeqarnermilu atugassarititaasut:
Atorfik 1. april 2018  imaluunniit isumaqatigiissuteqarnikkut inuttalerneqassaaq.

 

Aningaasarsiassat atorfeqarnermilu atugassat, ilaallutik atorfininnermi soraalernermilu akiliunneqarnerit, pisattanillu nassarnissamut akiliunneqarnerit, atorfininnerup nalaani isumaqatigiissutit Namminersorlutik Oqartussat  isumaqatigiinniarfissallu akornanni sulinermut isumaqatigiissutit aallaavigalugit pissapput.

 

Inissaq:
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu inigisaq atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

 

Paasissutissat annertunerusut:
Ilinniartitaaneq pillugugu annertunerusumik paasissutissat nittartakkami www.uni.gl-imi  takuneqarsinnaapput; tassani aamma ilinniakkamut malittarisassaq takuneqarsinnaavoq. Atorfik pillugu annertunerusumik paasissutissat pisortaq Britta Lohmann, oqarasuaat +299 38 57 02 atorlugu imaluunniit e-mailikkut: blo@uni.gl atorlugu saaffigineratigut pineqarsinnaapput.

 

Qinnuteqaat qinnuteqarfissarlu kingulleq:
Qinnuteqaat ilinniarsimanermut paasissutissanik, siornatigut suliffigisimasanik aamma pisaqiaqarpat oqaaseqaatinik imalik, soraarummeersimanermut allagartat kiisalu saqqummersissimasat allattorsimaffiannik il.il. assilinerinik imalik nassiunneqassaaq uunga: job@uni.gl ulloq 16.03.2018 nal. 12.00 nallertinnagu.

 

Søg stillingen online