Skip to main content
96

Ilinniartitaanermut nakkutilliisoq

Ilinniartitaanermut Aqutsisoqarfik ilinniartitaanermut nakkutilliisussarsiorpoq

Ilinniartitaanermut nakkutilliisup suliassaasa pingaarnersaraat meeqqanut suli atualinngitsunut, meeqqat atuarfiannut, atuarfinnut namminersortunut, efterskolinut, højskolinut kiisalu immikkut atuartitsinermut aamma immikkut atuarfinnut politikkikkut allaffissornikkullu anguniagarineqartunik sullissinissaq. Ilinniartitaanermut nakkutilliisoq pisortaqatigiinnut, sussassaqarfiup ataani suliffeqarfinnut, kommuninut Ilinniartitaanermullu Naalakkersuisoqarfimmut siunnersortaassaaq.
Ilinniartitaanermut nakkutilliisoq Ilinniartitaanermut Aqutsisoqarfimmi pisortaanerup tullersortaanit oqartussaaffigineqassaaq.

Ilinniartitaanermut Aqutsisoqarfiup ujartorpaa inuk ersarissumik piumassuseqarluarluni ineriartortitserusuttuusoq. Taassumap ilinniartitaanikkut iliuusissat aallartisartarsinnaavai ineriartortitseqataaffigalugillu, tamatumanilu suleqatigisassani Ilinniartitaanermullu Aqutsisoqarfimmi suleqataasut allat qanimut suleqatigisassallugit. Ilinniartitaanermut nakkutilliisup soqutigisaqarfiit arlallit akornanni ingerlatseqataallunilu, perorsaanikkut politikkikkullu tikkuussanik ineriartortitseqataasassaaq. Naalakkersuinikkut oqartussanik allatigullu suleqatigisat tungaanut qaammaasaqarluarluni suleqatiginnissuseqartuussalluni.

Qinnuteqaateqartup

  • Nunatsinni ilinniartitaanikkut pissutsit ilisimasaqarfigilluassavai, ilanngullugit naalakkersuinikkut anguniakkat taamatullu suliassaqarfimmut tunngatillugu inatsisitigut toqqammaviusut, 
  • Sapinngisamik ilinniagartuujussaaq, 
  • Pisortat ingerlatsiviini sulisutut misilittagaqartuussaaq, 
  • Suleqatikkuminartuujutigaluni aalajangiisinnaassuseqassaaq taamatullu 
  • Oqaatsit attaveqatiginnittarnermullu tunngassuteqartut piginnaaneqarfigilluassallugit. 
  • Taaneqartut saniatigut nammineersinnaassuseqarlunilu piffissakilliorfinni sullarissuussaaq.

Akisussaaffigisassat
Ilinniartitaanikkut nakkutilliisoq pisortaanerup tullersortaanut akisussaassuseqarluni piviusunngortitsinerit aammalu inatsisit toqqammavigalugit ilumut atuutsitsisoqarnersoq nakkutigisassarai.

Ilinniartitaanikkut pisortap allat suleqatigalugit suliniutit ineriartortitsinerillu allat aqutsisoqarfiup allalluunniit akisussaaffigisai suleqataaffigalugit ineriartortitseqataaffigisassavai.

Akissaatit atorfeqarnermilu tunngassuteqartut
Atorfik IMAK-ip isumaqatigiissuteqarfiata ataani LR 36-mi inissitaavoq. Akissarsiat (LR 36) tapisiat ilanngullugit: 1. april 2017-mi qaamm. 41.000 kr.-nit miss., ukiumullu 490.000 kr.-nit miss. annertussuseqarput.
Siunertarineqarpoq isumaqatigiissutit toqqammavigalugit atorfinittitsisoqassasoq. Qinnuteqaateqartorli atorfillit inatsisaat toqqammavigalugit nunatsinni tjenestemanditut inissisimareersimappat, periarfissaassaaq atorfilittut atorfinitsinneqarsinnaanissaq.

Sap.ak. suliffik nalinginnaasumik nal.ak. 40-upput.

Akissarsiat atorfeqarnermilu aalajangersakkat, ilanngullugit sulilernermi soraarneeermilu pisatta assartorneqarneri ilanngullugit akiliunneqarnissat neqeroorutigineqartarput. Tamakku Namminersorlutik Oqartussat illillu sulisutut soqutigisaqaqatigiiffippit isumaqatiginninniarsinnaatitaasup akornanni atorfininnermi atuuttut toqqammavigalugit aalajangersagaapput.

Najugaq
Atorfimmut atatillugu sulisunut inissiamik innersuussisoqarsinnaanngilaq.
Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfininnerup aallartiffia
Piaartumik imaluunniit isumaqatigiissuteqarnikkut.

Paasissutissat allat
Tikilluaqqusaavutit atorfik pillugu annertunerusumik paasisaqarusukkuit ukua paasiniaavigissallugit: Aqutsisoqarfimmi pisortaanerup tullersortaa Kaali Olsen, oqarasuaat +299 346158 imal. e-mail: kaol@nanoq.gl

Qinnuteqaat
Qinnuteqaateqarnermi ilinniarsimasaq siusinnerusumilu suliffigisimasat pillugit paasissutissartalik, ilanngullugit soraarummeersimanerni uppernarsaatit, oqaaseqaatit il.il. ilanngullugit kingusinnerpaamik 31. juli 2018 tiguneqareersimassapput.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk