Skip to main content
104

Dette jobopslag er udløbet

Ilinniartitaanermut Aqutsisoqarfik atuarfimmut siunnersortissarsiorpoq

Ilinniartitaanermut Aqutsisoqarfimmi atuarfimmut siunnersortitut atorfik, immikkut atuartitsissummut  kalaallisut ilitsoqqussaralugu oqaatsinut atuartitsinermut kiisalu kultureqarnermut inuiaqatigiillu pillugit atuartitsissutinut tunngasunik imaluunniit suliaqarnikkut nipilersornermillu atuartitsissutini immikkut ilisimasalimmik piaartumik isumaqatigiinnikkulluunniit inuttassarsiorneqarpoq.

 

Atorfik ukiunik pingasunik sivisussuseqarpoq sivitsoqqissinnaallunili.

 

Atorfimmi aallartinnissaq piaartumik imaluunniit isumaqatigiissuteqarnikkut pissaaq.

 

Atorfik perorsaanermut tunngasut pillugit immikkoortortami inissisimavoq pisortap ataaniilluni.

 

Atuarfimmut siunnersortip suliassai
Peqataaffigissallugit:

  • Oqaatsinik ilisimasallit innersuussutaat atuutilertissallugit
  • IT-mik periusissiaq atuutilertissallugu
  • Atuakkanik saqqummersitsisarfiup periusissiaanik atuutsitsilernissaq
  • Pikkorissartitsisarnerup periusissiaanik atuutsitsilernissaq
  • Ilinniartitaanerup aaqqissuuteqqinneranut suleqataanissaq

Atuarfimmut siunnersortip suliaasa ilagissavaat:

  • Kalaallisut atuartitsissutip, atuartitsissutit IT-mullu nutaamik eqqarsaatersuutiginissai
  • Ilinniartitsisunut ataasiakkaanut, atuarfinnut kommuninullu ilisimatitsineq
  • Allakkiorneq, akissuteqarneq, nalunaarusiornerit il.il.
  • Isumasioqatigiisitsineq pikkorissaanerlu
  • Ilinniusiornermut peqataaneq
  • Ilinniartitsisunik, atuarfinnik kommuninillu siunnersuineq ilitsersuinerlu
  • Misilitsinnerni atortussanik suliaqarneq
  • Aaliangersimasunik qulequtsikkanik, allanik peqateqarluni, suliaqarnermi peqataaneq – atuarfimmut siunnersortit allat immikkoortortaqarfiillu peqatigalugit kiisalu suliffiup avataaneersut suleqatit.

Ilinnut tunngasoq
Qinnuteqartoq piukkunnartoq:

  • Pædagogikimi aamma/imaluunniit oqaatsitigut master/kandidatgradilik imaluunniit master/kandidatgradimut ilinniartoq
  • Oqaatsini ilitsoqqussani atuartitsinermut didaktikkimullu ilisimasalik
  • Kalaallit Nunaanni meeqqat atuarfiannik kultureqarnermut inuiaqatigiinnullu sukumiisumik ilisimasalik
  • Piffinni assigiinngitsuni atortorissaarutinik digitaliusunik atuinissamut eqarisaqanngitsoq
  • Pædagogikkip atuartitsinerullu iluini assigiinngitsunik nutaarsiassanik ilisimaarinnilluartoq
  • Allannermi oqalunnermilu ersarissuliorsinnaasoq
  • Tulleriiaarisinnaasoq, akisussaassuseqartoq aaqqiissuteqarsinnaassuseqartorlu
  • Eqeersimaartoq namminersorlunilu sulisinnaassusilik kiisalu suleqatiginnissinnaassuseqartoq

Ilinniartitaanermut Aqutsisoqarfik pillugu:
Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, naalakkersuisoqarfimmik politikkerinillu sullissisoq kiisalu inerisaanermik  saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik saqqummersitsisarnerminillu nutarsaavoq – peqataaffigiumaagassannik.

 

Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik, atualinnginnerup nalaa, meeqqat atuarfiat, efterskolit friskolillu sammisarpai. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.

 

Akissarsiat atorfeqarnermullu atukkat:
Atorfik akissaateqarnermut inissinniarneqarpoq.

Tunngaviusumik isumaqatigiissutaasut aallaavigalugit atorfinitsitsisoqassaaq. Qinnuteqartoq Kalaallit Nunaanni suliffeqarfiit iluanni tjenestemanditut tjenestemandit inatsisaat aallaavigalugu atorfeqarsimappat, tjenestemanditut atorfinitsinneqarsinnaavoq.

 

Akissarsiat atorfeqarnermullu atukkat, taassuma iluani aamma atorfininnermut soraarnermullu atatillugu angalasinnaanermut pisinnaatitaanerit, atorfininnerup nalaani isumaqatigiissutip Kalaallit Nunaanni Namminersortut kattuffiullu isumaqatiginninniarsinnaatitaasup akornanni, pissapput.

 

Ineqarneq:
Atorfimmut inimik innersuussisoqassanngilaq

 

Qinnuteqarneq:
Atorfinikkusulluni qinnuteqaat, CV-mik nutartikkamik ilanngussanillu imalik, ataani nassiussiffissamut nassiunneqassaaq.

 

Qinnuteqarfissaq ulloq kingulleq:
19. marts 2018

 

Paasissutissat allat:
Atorfimmut tunngasunik allanik paasisaqarusukkuit saaffiginnissinnaavutit uunga

 

Ilinniartitaanermut Aqutsisoqarfimmi immikkoortortaqarfimmi pisortaq Ellen J Karlsen, eljk@nanoq.gl, +299 346212

 

Kalaallit Nunaat Namminersorlutillu pillugit paasisaqarnerorusukkuit www.naalakkersuisut.gl –ip ataani Suliffik-mi atuarsinnaavutit.

Søg stillingen online