Skip to main content
82

Dette jobopslag er udløbet

Ilanngaaserisoq

Namminersorlutik Oqartussat
Akileraartarnermut Aqutsisoqarfik
Ilanngaaserisumik ataatsimik 
sulisussarsiorpoq
 
Inuiaqatigiit toqqissisimasumik sullinneqarnissaannut suleqataarusuppit?
 
Kalaallit Nunaat tamakkerlugu suliffigaarput najugaqartut allallu tamaasa sullillugit.
 
Suliffitsinni pimoorullugu suleqataarusukkuit – taava ilanngaaserisutut atorfik Nioqqutissanik Akitsuutinillu Nakkutilliisoqarfimmi ilinnut piukkunnartuuvoq! Sulinitsinni angusagut pitsaasut suleqatigiilluarnitsigut takussutaassapput.
 
Ilanngaaserisutut allanik pingasunik ilanngaaserisunik suleqateqassaatit Nuummiit aallaaveqartunik.
 
Taamaattumik pingaaruteqarpoq, illit inuttut, allanik suleqatissarsiullaqqissuunissat aaqqiissuteqarnissamut ujartuisoq sulinerullu nalaani sullissaq qitiutillugu ulapaarsinnaasuussaallutit.
 
Sulinermi aaqqissuussaanermik inissisisimaneq suliassallu:
Atorfik Nuummi Nioqqutissanik Akitsuutinillu Nakkutilliisoqarfimmi, Akileraartarnermut Aqutsi-soqarfiup Siunnersuinermut Nakkutilliinermullu Immikkoortortaqarfiata ataani inissisimavoq.
 
Immikkoortortaqarfiup suliarai akileraarutinut tunngasut tamaasa, ilanngullugit nunami innut-taasut, ingerlatsiviit, suliffeqarfiillu namminersortut akileraarutaannik naliliinerit, kukkunersiui-nerit, apeqquteqaatit akineri kiisalu tamakkiisumik innuttaasunut suliffeqarfinnullu ilitsersuinerit, il.il. ilanngaaserisoqarnerlu.
 
Ilanngaaserisutut, makku suliarissavatit:

  • Umiarsuit timmisartullu ikiffigalugit misissuiffigineri il.il.
  • Timmisartukkut, allakkatigut umiarsuakkullu nassiussanik misissuinerit
  • Timmisartunut ilaallutik tikittunik misissuinerit
  • Kalaallit Nunaanni ilanngaaserisunik nakkutilliineq ilinniartitsinerlu
  • Ilanngaaserinermi sulinermi allaffissornermi suliassanik suliaqarneq, misissugassanik paasiniaaqqissaarneq, nioqqutissat eqqussukkat annissassallu uppernarsaataannik misissuineq il.il.

Naatsorsuutigissavat ukiup ingerlanerani arlaleriarlutit angalasarnissat.
 
Akileraartarnermut Aqutsisoqarfimmi makkuninnga ilinniartinneqassaatit:

  • Inatsisit, nioqqutissanik eqqussuinermi- annissuinermi, tikinnermilu tunngasut
  • Sulinermi qarasaasiat atortorissaarutit nammineq- allallu suleqatigisat pigisaat seqersaatillu (scannerit)
  • Tamakkiisumik misissueqqissaarnissamik suliaqarneq, sulianullu atatillugu isumasioqatigiinnerit
  • Immikkut ittumik umiarsuarni inini matoqqalluinnartuni misissuinermi ilinniarneq Qallunaat Nunaanni Kalaallit Nunaanilu

Ilinniartitaaneq nalinginnaasumik pissaaq Nuummi Akileraartarnermut Aqutsisoqarfimmi.

Pisinnaasat:
Illit atorfimmut qinnuteqartutut naatsorsuutigaarput:

  • Suleqatigiinnermut pingaartitsisuusutit
  • Suleqatiginnilluartuussasutit allanillu attaveqaqateqarluarsinnaasuullutit allakkatigut oqaloqatigiinnikkullu
  • Oqaatsitigut pisinnaasaqarluassasutit – kalaallisut, qallunaatut tuluttullu.
  • Inussiarnersuullutit, peqqissaartuullutit suliassanullu akisussaassusilimmiksuleriaaseqarlutit, sullissinissaq pingaartitaralugu.
  • Oqartussaassusilittut  pissuseqarnissat
  • Pisariaqarfiisigut kivitassanik oqimaatsunik sulisinnaassaatit

Suleqataalluarnerpit saniatigut suliartornissannut kajumissuseqartuussaatit saamasuullutillu, imaassinnaavoq  tassaasutit atorfimmut inuttassarsiuussatsinnut ujartugarput.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sapaatip akunneranut akunnerit 40-it suliffiussapput, kisianni naatsorsuutigissavat suliffiit nikerar-sinnaanneri aamma sapaatsip akunnerisa naanerini.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Suliffik pillugu saaffissaq
Tikilluaqqusaavutit atorfik pillugu annerusumik paasiniaassallutit saaffiginninnikkut uunga, Immikkoortortaqarfimmi Aqutsisoq Uvdloriánguak Hansen, tlf. (+299) 34 65 83, e-mail uvh@nanoq.gl
 
Qinnuteqaat, ilinniarsimanermik uppernarsaatinik, siusinnerusukkullu suliffigisarsimasanik paasis-sutissanik kiisalu soraarummeersimanermut allagartat assilineqarnerinik ilalerlugu uunga nassiunneqassaaq:
 
Namminersorlutik Oqartussat
Akileraartarnermut Aqutsisoqarfik
Postbox 1605
3900 Nuuk
 
Atorfik inuttassarsiuunneqartoq aamma "qinnuteqaat nassiuguk"-ikkoorlugu qinnutigineqarsinnaavoq.

Piffissaq atorfiniffissaq: 1. august 2018-imiit imaluunniit immikkut isumaqatigiissuteqarnikkut.
 
Qinnuteqaat Akileraartarnermut Aqutsisoqarfimmut tunniunneqareersimassaaq 16. juli 2018-imi.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk