Skip to main content
82

Dette jobopslag er udløbet

Atuarfinnut siunnersorti

Ilinniartitaanermut Aqutsisoqarfik atuarfinnut siunnersortissarsiorpoq
 
Ilinniartitaanermut Aqutsisoqarfimmi atuarfinnut siunnersortissarsiorpoq, meeqqat atuarfianni alloriarfinni inaarutaasumilu naliliinermut tunngasunik suliaqartussamik, piaartumik imaluunniit isumaqatigiissuteqarnikkut sulilertussamik.
Atorfik perorsaanermik tunngasunut immikkoortortaqarfimmi inissisimavoq, tassani pisortap ataaniilluni.

Atuarfimmi siunnersortip suliassai

  • Meeqqat atuarfianni inaarutaasumik naliliinermi ataqatigiissaarinermik akisussaaffeqarneq, tassunga aamma ilanngullugu inaarutaasumik misilitsinnerit projektopgavelerineq
  • Nukarlerni akullernilu alloriarfimmi misiliinerit ingerlanneranni ataqatigiissaarineq
  • IT pillugu periusissiamik atuutsitsilernissaq
  • Ilinniartitaanerup aaqqissuuteqqinneranut suleqataassalluni
  • Pikkorissaanermi periusissiap piviusunngortinneqarnissaanut suleqataassalluni
  • Atuartitsissummik imaluunniit atuartitsissutit qanitariinni akisussaaffeqassalluni

 
Atuarfimmut siunnersortip suliaasa ilagissavaat:

  • Meeqqat atuarfiani inaarutaasumik misilitsitsinerup aaqqissuunneqarnerata ingerlanneqarneratalu pitsaassusaanik qulakkeerinninnissaq
  • Meeqqat atuarfiani atuartitsissutinik misiliinermik inerisaaneq misileraanerlu kiisalu ilitsersuineq, pingaartumik oqaluttariarsornikkut allattariarsornikkullu misilitsitsinermi
  • Ilinniartitsisunik, atuarfinnik kommuninillu siunnersuineq ilitsersuinerlu
  • Allakkiorneq, akissuteqarneq, nalunaarusioneq il.il.
  • Isumasioqatigiisitsineq pikkorissaanerlu
  • Aaliangersimasunik qulequtsikkanik allanik peqateqarluni suliaqarnermi peqataaneq – atuarfimmut siunnersortit allat immikkoortortaqarfiillu suleqatigalugit kiisalu suliffiup avataaneersut suleqatigalugit.

Ilinnut tunngasut:
Qinnuteqartoq piukkunnaateqarluartoq:

  • Ilinniartitsisutut ilinniarsimasoq, oqaatsit aappaattut- ilitsoqqussarinagillu oqaatsit pillugit, imal. oqaatsit pillugit master/kandidatgradilik imaluunniit master/kandidatgradimut ilinniartoq
  •  Atuartitsissummik imaluunniit atuartitsissutini qanitariissuni didaktikimillu ilisimasalik
  • Kalaallit Nunaanni meeqqat atuarfiannik kultureqarnermut inuiaqatigiinnullu sukumiisumik ilisimasalik
  • Digitalitigut ilinniartitsissutinik assigiinngitsutigut atuinissamut ilisimaarinnilluartoq
  • Pædagogikkip atuartitsinerullu iluini assigiinngitsunik nutaarsiassanik ilisimaarinnilluartoq
  • Allannermi oqalunnermilu ersarissuliorsinnaasoq
  • Tulleriiaarisinnaasoq, akisussaassuseqartoq aaqqiissuteqarsinnaassuseqartorlu
  • Eqeersimaartoq namminersorlunilu sulisinnaassusilik kiisalu suleqatiginnissinnaassuseqarluartoq 

Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, naalakkersuisoqarfimmik politikkerinillu sullissisoq kiisalu inerisaanermik  saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik saqqummersitsisarnerminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai atualinnginnerup nalaa, meeqqat atuarfiat, efterskolit friskolillu. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.
 
Akissarsiat atorfeqarnermullu atukkat
Tunngaviusumik isumaqatigiissutaasut aallaavigalugit atorfinitsitsisoqassaaq. Qinnuteqartoq Kalaallit Nunaanni suliffeqarfiit iluanni tjenestemanditut tjenestemandit inatsisaat aallaavigalugu atorfeqarsimappat, tjenestemanditut atorfinitsinneqarsinnaavoq.
Akissarsiat atorfeqarnermullu atukkat, taassuma iluani aamma atorfininnermut soraarnermullu atatillugu angalasinnaanermut pisinnaatitaanerit, atorfininnerup nalaani isumaqatigiissutip Kalaallit Nunaanni Namminersortut kattuffillu isumaqatiginninniarsinnaatitaasup akornanni.
Atorfik inissisimavoq Løntrin 39. Akissarsiat (soraarn. akilereerlugit) ima inissisimavoq: 1. April 2017 qaamm. Kr. 38.770 miss. ukiumullu kr. 465.000 miss.  
 
Ineqarneq
Atorfimmut atatillugu atorfeqarnermut inimik innersuussisoqarnissaa naatsorsuutigineqassanngilaq. Pineqartoq Namminersornerusut aqqutigalugit inissaqartinneqareersimaguni najugaqarfigineqaannarsinnaanissaa aaqqiissuteqarfigineqarsinnaassaaq. Taamatut atorfimmut atatillugu ineqartinneqarsimagaanni ini atorfimmut tunngalluinnarpoq, soraarnermullu atatillugu qimanneqassalluni.
 
Qinnuteqarneq
Atorfinikkusulluni qinnuteqaat, CV-mik nutartikkamik ilanngussanillu imalik, ataani nassiussiffissamut nassiunneqassaaq.
Qinnuteqarfissaq ulloq kingulleq tassaavoq 5. juli 2018

Paasissutissat allat
Atorfimmut tunngasunik allanik paasisaqarusukkuit saaffiginnissinnaavutit uunga
Ilinniartitaanermut Aqutsisoqarfimmi immikkoortortaqarfimmi pisortaq
Ellen J Karlsen
eljk@nanoq.gl
+299 346212
Kalaallit Nunaat Namminersorlutillu pillugit paasisaqarnerorusukkuit www.nanoq.gl –ip ataani Suliffik-mi atuarsinnaavutit.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk