Skip to main content
79

Dette jobopslag er udløbet

Atorfimmik inuttassarsiueqqinneq. Katsorsaasut marluk ilinniarluarsimasut Allorfik Avannaata Ilulissaniittumi

Allorfik innuttaasunut aanngajaarniutinut aningaasanoornermillu ajornartorsiutilinnut katsorsaavimmik pilersitsineranut atatillugu katsorsaasussanik marlunnik inuttassarsiuivoq. Atorfik oktoberip aallaqqaataani 2018-mi imaluunniit isumaqatigiissutit malillugit sulilernissaat kissaatigaarput.

Ilinniagaqarnermut tunngatillugu naatsorsuutigaarput tunngaviusumik ilinniagaqartuusimassasutit, soorlu ilinniartitsisutut, perorsaasutut, isumaginninnermut siunnersortitut, peqqissaasutut assigisaannilluunniit. Tamatuma saniatigut pitsaassaaq aanngajaarniutinik atornerluinermik katsorsaasutut, ilitsersuisutut nakkutilliisutullu, psykoterapeutitut assigisaanilluunniit qaffasinnerusumik ilinniagaqarsimaguit.

Kissaatigaarput sulilersussat arlaat peqqissaasutut ilinniagaqarsimassasoq taassumap timikkut, tarnikkullu ataatsikkut nappaatit immikkut attuumassuteqanngitsunik takunnissinnaanermi naliliisinnaasumik atuisimanermilu kingunerlutitsisunillu nakorsaasinnaasoq.

Allorfik Avannaata pilersinnaqaqqammerpoq, tassani innuttaasunik Avannaata Kommuniani najugalinnik imigassamik, ikiaroornartumik aningaasanoorajunnermillu ajornartorsiutillinnut katsorsaaviussaaq. Sullissivimmi sulisut pingasut katsorsaasuusapput, allatseqarlunilu. Katsorsaasut arlaat aqutsisuussaaq.

Allorfik Avannaata aatsaat pilersinneqalermat suliassannut sunneeqataalluarsinnaavutit sulisuni aqutsisoq Pinngitsuuisinnaajunnaarnermilu Paasisimasaqarfik suleqatigalugit, taakkua aamma ilinnut ilitsersuissapput. Sullissivik Pinngitsuuisinnaajunnaarnermik Paasisimasaqarfik Nuummiittup ataani inissisimavoq, taanna ilaatigut nuna tamakkerlugu katsorsaanermi pilersaarut malillugu siunissami katsorsaanissamut atuutilertitsinermik suliaqarpoq.

Allorfimmi katsorsaariaaseq kognitiv adfærdsterapi (qanoq pissuseqartarneq – ileqqoqartarneq) atorlugu katsorsaaneruvoq. Taassuminnga ilinniagaqanngikkuit Allorfiup tamatumunnga tunngasumik ilinniarnissat isumagisinnaavaa.
Allorfik Avannaata, Avannaata Kommunia tamaat sullippaa. Taamaammat angalasarnerit pisassapput.

Katsorsaasutut ilaatigut makku suliassaraatit:

  • Katsorsartinnissamut kajumissaarisassaatit Motivational Interviewing atorlugu
  • Innuttaasunik imigassamik, ikiaroornartumik aningaasanoorajunnermilu ajornartorsiutilinnut katsorsaaneq ilitsersuinerlu
  • Katsorsartereernerup kingorna katsorsaaqqinneq, qanigisanilu ilitsersuineq
  • Oqaloqatigiittarnerni erseqqissaaneq nunalu tamakkerlugu paasissutissanik katersivimmut nalunaarsuineq
  • Katsorsartissimasup katsorsartereernerup kingorna pilersaarneqarnera kommunilu ajoqutaasinnaasunik suleqatigiissutigalugu

Naatsorsuutigaarput:

  • Katsorsaaneq pikkoriffigalugu soqutigisarigit
  • Inuttut inissaqartitsisuusutit akuersaartuullutillu
  • Innuttaasut salliutissinnaagitit
  • Namminersorsinnaallutillu akisussaaffeqartuusutit
  • Ullup ingerlanissaa aaqqissuutillaqqikkit
  • Aanngajaarniutit pillugit ingerlaavartumik ilinniaqqinnissat kissaatigigit
  • Faginut arlalinnut sammisut akimorlugit suleqatiginnissinnaasutit faginillu allani ilinniartitsisinnaasutit

Katsorsaaneq kalaallisuunerusoq ingerlanneqartarpoq, ilinniarnerlu qallunaatut ingerlanneqartarluni. Taamaammat marluinnik oqaaseqartuunissat pisariaqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Pineqaatissinneqarsimannginnermik- Meeqqanillu innarliisimannginnermik  uppernarsaatit:
Tamatumuuna naatsorsuutigineqassaaq Pineqaatissinneqarsimannginnermik- Meeqqanillu innarliisimannginnermik uppernarsaatinik pisinnaanermut akuersissut piumaneqassammat nammineq uppernarsaatit taakkua nassanngikkukkit.

Ulloq qinnuteqarfissaq kingulleq:
21. august 2018.
 
Paasissutissat allat:
Atorfik pillugu apeqqutissaqaruit attavigissavat nakorsatut siunnersortaaneq, Allorfimmi ingerlatsisoq Birgit Niclasen oqarasuaat: 525343, mail: bivn@allorfik.gl–mut imaluunniit allaffissornermi aqutsisoq Keun Hwang, keun@allorfik.gl attavigigigit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk