Skip to main content
85

Dette jobopslag er udløbet

Atorfimmik inuttassarsiueqqinneq. Allaffissornikkut ataqatigiissaarisoq/Allorfimmut kontorfuldmægtigi – Pinngitsuuisinnaajunnaarnermik Ilisimasaqarfik

Allorfimmi atorfik allaffissornikkut ataqatigiissaarisoq/kontorfuldmægtigi inuttassarsiorneqarpoq Pinngitsuuisinnaajunnaarnermik Ilisimasaqarfimmi Nuummiittumi. Sulilersussaq septemberip aallaqqaataa 2018-miit atorfinitsinneqarsinnaavoq imaluunnit isumaqatigiissuteqarnikkut.

Pingaarnertut atorfimmi akisussaaffiit- suliassallu tassaapput katsorsartinniarlutik qinnuteqartunik misissuinermi ataqatigiissaarineq katsorsartittussanillu misissuineq, avataaniittunik katsorsaasunik attaveqaatinut suleqateqarneq, Allorfinniillu, najukkanilu katsorsaanermi sullissineq. Suliallu allat, soorlu oqarasuaammik paarsineq suliffiup nalaani, IRIS-imilu naatsorsuusserineq.

Sulilersussaq namminersorluni ataqatigiissaarisinnaasoq ujartorparput, katsorsaanissanilu neqerooruteqartunik isumaqatigiissutinik, katsorsartittussallu pisariaqartitsilluinnartunik aqutsisinnaasoq.

Naatsorsuutigaarput,

  • Allaffimmiutut ilinniarsimanissat, ajornanngippat EVU assigisaannilluunniit
  • Marluinnik oqaaseqartutit, atorfimmi ataqatigiissaarinermi pingaaruteqarmat
  • Suleqatiginnillaqqissuussutit
  • Kiffartuussinissannut ammasuusutit sukkasuumillu sullissisinnaasutit
  • F2 atornissaanut ilisimasaqarluartutit nittartakkamilu kiisalu qarasaasianik atuisinnaasutit

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqarnissamut piffissaliussaq
15. juli 2018

Atorfimmut tunngatillugu apeqqutissaqaruit Allorfiup aqutsisua Birgit Niclasen tlf. 525343-mut imaluunniit bivn@allorfik.gl–mut imaluunniit allaffissornermi aqutsisoq Keun Hwang, keun@allorfik.gl attavigigigit.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk