Skip to main content
81

Dette jobopslag er udløbet

Aqutsinermut allattoqarfimmi allaffimmut fuldmægtigi

Ineqarnermut Attaveqaqatigiinnermullu Naalakkersuisoqarfik allaffimmi fuldmægtigimik, pingaartumik Naalakkersuisoqarfiup aqutsinermut allattoqarfiani kiffartuussinermik suliaqartussamik, 1. september 2018-imi atorfinissinnaasumik pissarsiorpoq.
 
Atorfik pillugu
Naalakkersuisoqarfik Nuummi inissisimavoq. Naalakkersuisoqarfiup ineqarnermi, illuuteqarnermi, sanaartornermi attaveqaqatigiinnermilu suliassat isumagisarai. Naalakkersuisoqarfimmi sulisut 30-it missaanniipput, immikkoortortaqarfinnut pingasunut agguarsimasut.
 
Aqutsinermut allattoqarfik immikkoortortat pingasuusut ilagaat, atorfillu tassani inissisimavoq. Aqutsinermut allattoqarfimmi immikkoortortaqarfimmi pisortaq ataaseq, allaffimmi pisortaq ataaseq, immikkoortortaqarfimmi aqutsisoq ataaseq, qullersaqarfimmi allatsi ataaseq, naalakkersuisumut allatsi ataaseq, fuldmægtigi ataaseq sulisorlu kiffartuussinermik suliaqartoq ataaseq atorfeqarput.
 
Aqutsinermut allattoqarfiup Naalakkersuisunut ilaasortaq, Naalakkersuisoqarfimmi pisortaaneq Naalakkersuisoqarfimmilu sulisut allat kiffartuunneqarnerat, Naalakkersuisunut Inatsisartunullu aammalu taakkunanngaanniit suliat ataqatigiissaarneqarnerat ingerlateqqinneqartarnerallu, allakkat, tusarniaanerit, nutserinerit, pitsaassutsimik qulakkeerisarnerit, toqqorterinerit il.il. isumagisarai.
 
Allaffimmi fuldmægtigitut aqutsinermut allattoqarfimmi sulisut qanillugit suleqatigissavatit, aammalu Naalakkersuisumut, Naalakkersuisoqarfimmi Pisortaanermut Naalakkersuisoqarfimmilu sulisunut allanut atatillugu kiffartuussinermi ingerlatsinermilu suliassat isumagisarissavatit. Kiisalu Naalakkersuisoqarfimmi sulisut atugarissaarnissaannut toqqissisimanissaannullu suliniutit pilersaarusiorneqarnerini ingerlanneqarnerinilu ataqatigiissaarisuussaatit. Kiffartuussinermi suliassat maleruagassat aalajangersimasut malillugit aalajangersarneqarsimapput, kisiannili namminersorluni suliniuteqarnissamut ineriartortitsinissamullu periarfissaqarluassaaq. Piffissalli ilaani aqutsinermut allattoqarfiup pitsaassutsinik qulakkeerisarneq, nutserisarneq ataqatigiissaarisarnerlu ulapputigingaatsiartartussaammagit, piffissani taakkunani allaffimmi fuldmægtigitut inissittassaatit sulisassallutillu.
 
Suliassatit tassaassapput,     

  • Naalakkersuisumik Naalakkersuisoqarfimmilu pisortamik kiffartuussineq
  • Naalakkersuisoqarfimmi sulisunut allanut kiffartuussineq ataatsimiinnernullu piareersaaneq
  • Uninngasuutinik aqutsineq misissuisarnerlu
  • Allaffimmi atortussanik pisiniartarneq ingerlatsinerlu. Allaffimmi maskiinanik pequtinillu il.il. suliaqartarneq. Allakkerineq
  • Allaffimmi suliassaalersut
  • Nutsikkat pitsaassusiinik qulakkeerisarneq. Nutsigassanik annikinnerusunik suliaqartarneq
  • Naalakkersuisut Inatsisartullu suliassaannik piareersaasarneq

Uku piginnaaneqarfigissavatit,

  • Kiffartuussinissamik ilisimaarinnilluarputit suleqatikkuminartuullutillu
  • Torersaarnissaq sungiusimalluarpat
  • Tunniusimasuuvutit suliannullu akisussaaffimmik tigusisarlutit
  • Allaffissornermi, niuernermi kiffartuussinermilu attuumassutilimmik ilinniagaqarputit
  • Suliatigut sammiviit amerlasuut suliaqarfiginissaat nuannaraat, isummerfissanullu nutaanut pilertortumik paasinnissinnaavutit
  • Namminersorlutit sulisinnaavutit suleqatitillu suleqatigisinnaallugit. Ammasuuvutit suliniuteqarumatuujullutillu
  • Allattariarsornikkut oqaluinnarnikkullu marluinnik oqaaseqarputit (kalaallisut/danskisut)

Akissarsiat atorfeqarnermilu atugassarititaasut
Akissarsiat aamma atorfeqarnermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerannut akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.
 
Sapaatit akunnerinut suliffiusut nalunaaquttap akunneri 40-uupput.
 
Kisiannili unnukkut sapaatillu akunnerisa naanerini, kiisalu piffissakilliorfiusuni sulisarnissaq naatsorsuutigineqassaaq. Tamanna pingaartumik Inatsisartut ataatsimiinnerisa nalaanni pisarpoq.
 
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
 
Paasissutissat amerlanerusut
Atorfik pillugu annertunerusumik paasisaqarusukkuit, allaffimmi pisortaq Else Løvstrøm telefon nr. 34 52 55-imut imaluunniit e-mail else@nanoq.gl aqqutigalugu attaveqarfigisinnaavat.
 
Namminersorlutik Oqartussat pillugit annertunerusumik paasisaqarusukkuit, Naalakkersuisut nittartagaat www.naalakkersuisut.gl aqqutigalugu amerlanerusunik atugaqarsinnaavutit.
 
Qinnuteqaat
Qinnuteqarnissamut killigitinneqarpoq ulloq  3. august 2018. 
Atorfinitsitsinissamut atatillugu oqaloqatiginninnerit sap. ak. 32mi aamma 33-mi ingerlanneqarnissaat naatsorsuutigineqarpoq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk