Skip to main content
90

Dette jobopslag er udløbet

Aningaasaqarnermut Sulisoqarnermullu Aqutsisoqarfimmi Aqutsinermut pisortaq

Aqutsisoqarfimmi pisortaq aningaasanik aqutsinermi misilittagaqarluartoq, aqutsinermi annertuumik misilittagaqartoq, suliffeqarfimmilu allanngorartumi aqutsinissamut kajumis-saarinissamullu piumassuseqartoq piginnaasaqartorlu Aningaasaqarnermut Sulisoqarner-mullu Aqutsisoqarfimmiit (ASA-miit) ujartorneqarpoq.
 
ASA Aningaasaqarnermut Naalakkersuisoqarfiup ataani immikkoortortaqarfiuvoq. Aqutsisoqarfik aqutsinerup pilersaarusiornerullu tungaatigut minnerunngitsumillu susassaqarfiit akimorlugit Nam-minersorlutik Oqartussat sinnerlugit suliassanik isumaginnittarpoq. ASA-mi 135-inik sulisoqarpoq. Aqutsisoqarfik katillugu 145 mio. kr.-nik aningaasaliiffigineqartarpoq.
 
Suliassat taaneqartut ilaatigut tassapput Nunatta karsiata naatsorsuutai, namminersorlutik oqartussa-ni ingerlatseqatigiiffillu pisortanit pigineqartut ilaasa sulisuisa akissarsisittarneri, pisortat suliassa-qarfii tamaasa eqqarsaatigalugit akissarsiat pilugit isumaqatiginninniartarnerit, Namminersorlutik Oqartussani atorfilinnut tunngasut allaffissorluni suliarisarneri, nutserinikkut sullissisarneq, HR-ineriartortitsienq, Namminersorlutik Oqartussat ataatsimoorussamik pisiniartarnerit, qitiusumik allaffeqarfimmi illuutit allaffissorluni suliarisarneri aserfallatsaaliortarnerilu, sullissisarnermullu tunngatillugu suliassat allat.
 
ASA-mi naleqartitat pingasut tassaapput:

  • Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaf-feqarpugut
  • Suleqatigiinneq - Suleqatigut sullitavullu pitsaasumik suleqatigaagut
  • Isumassuineq - Ikiuukkumatuujuvugut akunnitsinnilu paareqatigiilluta

ASA-mi aqutsinermut pisortaq Aningaasaqarnermut Naalakkersuisoqarfimmi naalakkersuisoqarfiup pisortaanik qullersaqarpoq. Tamatuma saniatigut aqutsinermut pisortaq naalakkersuisoqarfimmi aqutsisoqatigiinni aammalu Namminersorlutik Oqartussani Naalakkersuisoqarfiit pisortaqatigiinni attuumassuteqarpoq.
 
Aqutsinermut pisortap ataani immikkoortortani pisortat tallimat inissisimapput.  Aqutsisoqarfimmi Pisortap tamakku aqqutigalugit suleqatigalugillu pilersaarusiornermut tunngassuteqartunik suliaqartassaaq ASA-llu anguniagaasa anguneqarnissaat anguniarlugu ingerlaavartumik nalunaarusiortassalluni, tamannalu ilutigalugu ASA-mi aningaasatigut anguniagassanngortinneqarsimasut anguniarnissaanut toqqaanartumi suleqataasassalluni tassunga ilanngullugit suleriaatsit pitsaasut, atuisunut angusaqarfiusussamik oqaloqateqartarnerit aammalu suliassat pitsaasumik suliarineqartarnissaat qulakkiigassaralugu.
 
Aqutsisoqarfimmi Pisortap namminersorlutik oqartussat kommunillu aningaasanik ataatsimut aqu-tsissutaata ERP-ip atulernissaanut atatillugu inuttut tunniussimalluni suliaqarnissaa naatsorsuutigineqarpoq.  Aqutsissut ilaatigut atulereerpoq naatsorsuutigineqarlunilu ukiuni aggersuni tamakkiisumik atorneqarsinnaalersimanissaa.
 
Namminersorluni oqartussani allaffiit tamarmik ASA-mit sullinneqartarmata Aqutsisoqarfimmi Pisortaq assigiinngitsorpassuarnik suliaqartartussaavoq sorluttaaq pineqartoq kommuninut suleqatigi-sanut tunngatillugu pilersaarusiornermut piviusunngortitsisarnermullu tunngatillugu suleqateqartartussaassasoq. 
 
Suliffeqarfik pillugu sukumiinerusumik paasisaqarusuttunut ASA-p nittartagaanut uunga innersuus-sisoqarpoq http://naalakkersuisut.gl/da/Naalakkersuisut/Departementer/Finans/Okonomi-og-perso-nalestyrelsen
 
Piginnaasaqarfiit
Aqutsinermut pisortaq tassaassaaq inuk patajaatsoq piumassuseqarluartorlu, suliamik ingerlatsinermi naleqquttumik tunuliaquteqartoq qaffasissumillu ilinniagaqarsimaneq pitsaaqutaassaaq, pilersaarusiornermi ilisimasaqarluartoq aammalu aningaasanik aqutsinermi misilittagaqarluartoq. Aqutsinermi annertuumik misilittagaqarnissaq naatsorsuutaavoq, tamatumalu saniatigut suliffeqarfimmi politikkikkut aqunneqartumi allanngorartumilu aqutsinissamut periartarnissamullu piumassuseqarnissaq piginnaasaqarnissarlu naatsorsuutigineqarlutik. Suliassat assigiinngitsorpassuit isumagisinnaanissaat piumasaqaataavoq. Inunnut ataasiakkaanut atorfinitsitsinermi pisinnaatitaaffiinut, inuillu arlallit sulinermi pisinnaatitaaffiinik ilisimasaqarneq iluaqutaassaqaaq.
 
Atorfimmut piumasaqaatit ilagaat suliassatigut piginnaasaqarnissaq aamma nalinginnaasumik piginnaasaqarnissaq, taakkununnga ilanngullugit kalaallisut, danskisut tuluttullu oqaatsitigut piginnaasaqarnissaq kiisalu kalaallit kulturiannik inuiaqatigiinnilu pissutsinik ilisimasaqarnissaq.
 
Atorfinitsitaanermi atugassarititaasut 
Akissarsiatigut aamma atorfeqartitaanermi atugassarititaasut, taakkununnga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunneqartarneq, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.
 
Atorfik akissaateqarfimmi Lønramme 39/40-mi maanna inissisimavoq. Akissarsiat aalajangersimasut LR 39-mi imatut isumaqatigiissutigineqarsimapput: 1. april 2018-imiit qaammammut kr 64.245 ukiumullu kr 770.944. Aallaavittut isumaqatigiissutit naapertorlugit atorfinitsitsisoqassaaq. Qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.  Atorfik ukiuni aalajangersimasuni atorfigineqartussatut inuttalerniarneqarpoq, tamannalu pissutigalugu qulaani pineqartut saniatigut tapisiaqartinneqassaaq.
 
Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finans-ministeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunanut Allanut ministeeriaqarfiup kommuninut nunallu immikkoortortaanut inassutigisimavaa, Kalaallit Nunaanni Namminersorlutik Oqartussat ataanni atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussat ataanni inuit atorfinitsinneqartut uiinut nuliaannut/ aappaannut aamma atuupput.
 
Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat. Piffissap suliffiusussap sivisus-susissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.
 
Atorfimmut atatillugu pisatsersugaanngitsumik inissaqartitsisoqarsinnaavoq. Malittarisassat atuuttut naapertorlugit inigisamut qularnaveeqqummullu akiliisoqartassaaq. Inissiap pisoqaassusaa, inissiamut tunngasut il.il. apeqqutaallutik inissiamut akiliut pitsaassuserlu assigiinngissinnaapput. Aalajangersimasumik najugassaqalernissamut innersuunneqarnissamut utaqqineq sivisusinnaavoq, taamaammallu utaqqiisaasumik inimik tunineqarneq pisinnaavoq. Atorfimmut atatillugu ini atorfeqarnermut tungavoq atorfeqarnerullu unitsinnerani qimanneqassalluni.
 
Isumaqatigiissuteqarnikkut atorfinitsitsisoqassaaq, sapinngisamilli piaarnerpaamik.
 
Atorfik pillugu paasissutissat naalakkersuisoqarfimmi pisortaq Nikolai Steen Christensen saaffigin-niffigalugu pissarsiarineqarsinnaapput, uunga: telefon +299 346675, mail nsch@nanoq.gl.
 
Qinnuteqaat ilinniarsimanermik siusinnerusukkullu suliffigisimasamik paasissutissartalik, soraa-rummeersimanermut uppernarsaatit assilinerannik oqaaseqaatinillu il.il. ilanngussartalik kingusin-nerpaamik 27. juli 2018 nal. 09.00 naalakkersuisoqarfimmiit tiguneqareersimassaaq. Kingunee-rannguani suliffissarsiortunik oqaloqatiginnittoqarumaarpoq.
 
Qinnuteqartut misilitsinnissartik naatsorsuutigissavaat. 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk