Skip to main content
81

Dette jobopslag er udløbet

AC-Fuldmægtig

Nuna tamakkerlugu inunnut innarluutilinnut sullissivik Pissassarfik ac-fuldmægtigissarsiorpoq 
Sullissivimmi nutaami pissanganartumi, suliamik ilisimasaqassutsip ilisimasanillu paarlaasseqatigiinnerup oqartussaasoqarfiillu assigiinngitsut suleqatiginerisa pingaartinneqarfianni nuna tamakkerlugu inunnik innarluutilinnut tunngasutigut ineriartorneq sunneeqataaffigalugulu pitsanngorsaaqataaffigerusuppiuk? – Taamaappat immaqa tassaavutit suleqatitaassarput 
 
Ulloq atorfiniffissaq: 1. aggusti 2018 imaluunniit isumaqatigiissuteqarnikkut.
 
Pissassarfik pillugu
Nuna tamakkerlugu inunnut innarluutilinnut sullissivik, Pissassarfik, aallarnisarneqaleruttortoq, ilutsimigut tunngavimmigullu nutaarluinnaavoq. 19. februaari 2018 ammarpoq, Isumaginninnermut Aqutsisoqarfiullu ataani immikkoortuulluni.  

Sullissiviup neqeroorutigai:

  • Siunnersuineq
  • Ilitsersuineq
  • Sungiusaaneq
  • Paasisanik siammarterineq
  • Pikkorissaanerit

Pissassarfiup sulianik paasisimasaqassuseq ineriartornerlu pingaarluinnartippai, ilutigalugulu innuttaasup aammalu kommunit ataasiakkaat pisariaqartitaat aallaavigalugit sullissineq ingerlassalluni.  
Sullissivimmit suliassat sullissivimmi aammalu innuttaasut ataasiakkaat najugaanni tigussaasumillu pisariaqartitsiffiusumi suliarineqassapput.  

Atorfik pillugu 
Pissassarfimmi allaffissornikkut suliassanik suliniutinillu suliaqartassaatit. Tamatumap kingunerivaa, pikkorissartitsinissamut neqeroorutinik nassiussisarnissat, pikkorissarnissamut nalunaartut nalunaarsornissaat, Pissassarfimmut innersuussutinik tigusisarnerit innersuussinermilu nalilersuinermut peqataasarnissat, kiisalu pikkorissartussat aammalu innuttaasut innersuussat angalanissaannik pilersaarusiortarnissat.

Allaffissornikkut aaqqissuussaanerit ineriartortinneqarnerannut ingerlaavaartinneqarnissaanullu akisussaaffeqassaatit. Aammattaaq suliassavit ilaatigut imarisassavai, sullissivimmit suliat pillugit nalunaarusiorneq, sullissivimmi kiisalu avataanit suleqateqarluni suliniuteqartarnissaq. Taakku saniatigut avataani oqallittarfinnut attuumassuteqartunut sullissiviup suliai pillugit oqallissaarutinik saqqummiussassanik allattariarsorluni suliaqartarnissaq, sullissivik pillugu nittartakkamik nutaanik ilaartuineq il.il. naatsorsuutigineqassaaq.

Atorfik angalanertaqartartussaavoq, suliassat suliarineqartartussaammata sumiiffinni siunertamut naapertuunnerpaajusuni.
 
Ilimagaarput

  • Attuumassuteqartumik ilisimatusarlutit ilinniagaqartuussasutit
  • Inunnik innarluutilinnut sullisserusussuseqartutit
  • Allaffissornikkut aaqqissuussaanerit ineriartortissinnaallugillu ingerlaavartissinnaassagitit
  • Suliniutinik suliaqarneq misilittagaqarfigalugulu soqutigisarissagit
  • Suleqateqallaqqissuussasutit nuannaartuullutillu

Neqeroorutigaavut:

  • Atorfik pissanganartoq, neqeroorutip periutsillu nutaarluinnaap inerisarnerani sunneeqataaffigisinnaasat
  • Atorfiup imarisaata ulluinnarni periutsitut ilusilernissaanut oqartussaaqataaneq
  • Sulinermi avatanngiisit, suleqatinit pikkorissunit unammilligassinneqarfigisatit, illillu taakkuninnga unammilligassiiffigisinnaasatit, imminullu unammilligassillutit
  • Suliffik inunnik innarluutilinnik angusaqartitsiffissatut pilersitaq, suliallu nalinginnaasumik suliatigut killiffigisanik qaffassaaffiusoq
  • Suliffik assigiinngissutsit pingaartinneqarfiat, sullivimmilu avatangiisit pimoorunneqarfiat

Akissarsiatigut atorfinitsitaanermilu atugassarititat
Akissarsiatigut atorfinitsitaanermilu atugassarititat, tamatumunnga ilannngullugit atorfininnermi soraarnermilu angalanermik kiisalu pisattat angallannerinik akiliunneqarsinnaatitaaneq, aalajangersarneqassapput atorfininnerup nalaani Namminersorlutik Oqartussat pineqartullu kattuffiata isumaqatigiinniarsinnaatitaasup akornanni isumaqatigiissutit atuuttut naapertorlugit.
 
Piffissaq suliffissaq tassaavoq sapaatip-akunneranut nalunaaquttap-akunneri 40-t.
 
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat annertunerusut
Atorfik pillugu annertunerusunik paasiniaaniaruit Sullissivimmi pisortaq Martha Labansen attavigisinnaavat, tlf. +299 53 87 02 imlt. E-mail: mlab@nanoq.gl atorlugit.

Namminersorlutik Oqartussani sulineq pillugu paasissutissarsiorusukkuit uani annertunerusunik paasissutissaqarpoq: www.naal.gl, ”atorfiit” ataanni.
 
Qinnuteqarneq
Qinnuteqarfissaq kingulleq: 23.07.2018.
Oqaloqatiginninnerit kingunitsiannguagut pissasut naatsorsuutigineqarpoq, ornigulluni oqaloqatigiinnertut imaluunniit videokonference atorlugu ingerlanneqassallutik.
 
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk