Skip to main content
88

Dette jobopslag er udløbet

Aatsitanut tunngatillugu Avatangiisinut Aqutsisoqarfik studentermedhjælperissarsiorpoq

Aatsitanut tunngatillugu Avatangiisinut Aqutsisoqarfik attaveqaqatigiinnermi nutsigassanullu atatillugu peqqissaartumik annikitsunnguakkutaanullu eqqumasumik studentermedhjælperissarsiorpoq, taassuma sapaatip akunneranut 10 – 15 tiimini ikiuutaasarnissaa ilimagaarput.
 
Sulilerfissaq 1. september 2018 imaluunniit isumaqatigiissuteqarnikkut. 
 
Atorfik pillugu 
Atorfinittoq sapaatip akunnerani 10 – 15 tiimini atorneqartassaaq, ullunut 2 – 3 agguataarlugit.

Soqutigisatit tunngavigalugit suliassiissutaasartut allanngorassapput, immikkoortortamili sulianik suliarinnittartut, tassa sagsbehandlerit, arlallit pingaarnertut ulluinnarni tuluttut, kalaallisut qallunaatullu attaveqaqatigiittarnerni ulluinnarni ikiortassavatit, tassani quppersakkani allatat, paasissutissiissutitut atugassat kiisalu nutsigassat ajornannginnerumaat nutserneqartarnerisa ineriartortinnerinut ikiuutaasartassaatit.  
 
Avatangiisinut Aqutsisoqarfimmi suleqatit pingasut, tassa aqutsisoqarfimmi pisortaq AC-fuldmægtigillu marluk, qanittumik suleqatigisassavatit. Pinngortitamut Avatangiisinullu Naalakkersuisoqarfimmi kiisalu Nationalt Center for Miljø og Energimi Aarhus Universitetip ataani ittumi Pinngortitaleriffimmilu ilisimatuussutsikkut siunnersuisartut ulluinnarni suliasani aamma suleqatigisassavatit. Taakku saniatigut aatsitassanut selskabinut pineqartunullu soqutiginnittunut allanut ulluinnarni ataavartumik attaveqaqateqartarpugut.  
 
Ilinnut tunngasut: 

  • Ilinniakkamut annertuumut ilinniartuussatit, soorlu inuiaqatigiilerinermut, pinngortitamik ilisimatusarnermut imaluunniit attaveqaqatigiinnermut nutserinermullu tunngasunut  
  • Kallaallit Nunaata avatangiisii aatsitassartaalu pillugit soqutiginnittuussaatit 
  • Ilinnut suliassiissutini suliaqarluartarnissamut aaqqissuulluakkamillu angusaqarusussuseqassaatit
  • Tuluttut allattarnermik suliaqarsinnaanermillu piginnaasaqassaatit, sulinitsinnimi tuluit oqaasii attaveqaqatigiittarnerni atortorujussuugatsigik
  • Qarasaasiat pillugit piginnaaneqarluassaatit quppersakkamillu aaqqissuinermik ilinniarnissamut soqutiginnillutit 
  • Suliamut oqaatsinik ilisimatuussutsikkullu tunngavissianik tunniussaqartarneq pissanganartutut isumaqarfigissavat

Qinnuteqarfissaq kingulleq 2.august 2018.  

Paasissutissat allat  
Atorfik pillugu paasisaqarnerorusukkuit aqutsisoqarfiup pisortaa Najaaraq Demant-Poort saaffigiuk telefon +299 34 68 38/ mobil +299 56 06 60 imaluunniit e-mail: nasd@nanoq.gl
 
Aatsitassat pillugit oqartussaaffeqarfik pillugu amerlanernik paasisaqarusukkuit quppersagaq www.govmin.gl takuuk.
 
Aatsitanut tunngasut Avatangiisinut Aqutsisoqarfik Naalakkersuisut quppersagaanni www.naalakkersuisut.gl-mi aamma nassaarisinnaavatit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk