Skip to main content
82

Dette jobopslag er udløbet

TUSARTAATSIKKUT INNARLUUTILINNUT SIUNNERSORTI

Isumaginninnermut Aqutsisoqarfik tusartaatsikkut innarluutilinnut siunnersortissamik 1. Maj 2017 tamassumaluunniit kingorna sulilertussamik pissarsiorpoq.

Isumaginninnermut Aqutsisoqarfik nutaajuvoq pingaarnertullu kommuninut inulerinermi ingerlatsiveqarfinnullu allanut siunnersuinermik ingerlatsisussaalluni. Tusartaatsikkut ajornartorsiuteqartunut siunnersortitut sullitassatit tassaapput tusaaniarnerminnik innarluutillit tusartaatikkullu ajornartorsiuteqartut taakkulu qanigisaat kiisalu kommuninut innuttaasunullu kalaallisut qallunaatullu suliassaqarfimmi siunnersuineq ilitsersuinerlu. Suliassaqarfiit pillugu kalaallisut qallunaatullu allakkatigut oqalunnikkullu katersinermi, ineriartortitsinermi paasissutissiisarnermilu suleqataassaatit. 

Naatsorsuutigaarput

  • Isumaginninnermik tunngasumik ilinniagaqartutit
  • Suliamut tunngatillugu ukiunik minnerpaamik pingasunik misilittagaqartutit
  • Kalaallit Nunaanni innarluutilinnut tunngasunik ilisimasaqartutit nunanilu allani periarfissanik aamma ilisimasaqarlutit
  • Qallunaatut ussersorsinnaallutillu ussersornermiit oqalunnermut nuutsisinnaasutit
  • Inunnik tusilartunik atuartitsinermik misilittagaqartutit
  • CI pillugu ilisimasaqartutit
  • Qallunaatut kalaallisullu oqalullutit aamma allallutit attaveqaqatigiissinnaasutit
  • Suliumatuujusutit, ineriartortitsinermik soqutigisaqartuusutit qiimasuullutillu

Neqeroorutigaagut:

  • Atorfik innarluutilinnut tunngasumik ilisimasanik ineriartortitsinermullu sammisumik suliffiusoq
  • Sullissivimmi nutaami sulianut tunngasuni aaqqissuunneranut ineriartortinneranullu peqataassasutit aammalu nuna tamakkerlugu innarluutilinnut suliffeqarfimmut suleqateqarnissamut pilersitseqataassasutit
  • Ilisimasanik katersineq, ineriartortitsineq paasisitsiniaanerlu sammillugit
  • Suliffiup iluani suliassaqarfiillu akimorlugit isumasiorneq
  • Piginnaanngorsaqqinnikkut pikkorissaqqinnikkut kommunit soqutigisaqartullu allat peqatigalugit ineriartortitsineq

Atorfik Nuummi Isumaginninnermut Aqutsisoqarfimmi inissisimavoq naatsorsuutigineqassaarlu sulinermut atatillugu akuttunngitsunik angalasoqartarnissaa.

Akissarsiat atorfinitsitaanermilu atugassarititaasut
Aningaasarsiatigut aamma atorfeqartitaanermi atugassarititaasut, taakkununnga ilanngullugit akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat isumagineqartarput, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaa/sulisunut isumaqatigiissutaa naapertorlugu.                                 

Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq.

Ulloq sulilerfissaq 1. maj 2017 isumaqatigiissuteqarnikkulluunniit.

Ineqarneq
Atorfimmut atatillugu malittarisassat qaqugukkulluunniit atuutsinneqartut naapertorlugit sulisunut inissiamik pequsersoriigaanngitsumik innersuussisoqarsinnaavoq.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqartassapput. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.

Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaasumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqarneq killiliussarlu
Atorfik pillugu annertunerusunik paasisaqarusukkuit  Isumaginninnermut Aqutsisoqarfimmi Pisortaq Hans-Peder Barlach Christensen, hpbc@nanoq.gl, imaluunniit Immikkoortortami Pisortaq Lene Rohman Hansen, lrh@nanoq.glattavigineqarsinnaapput.

Qinnuteqaat Isumaginninnermut Aqutsisoqarfimmit tiguneqareersimassaaq ulloq kingusinnerpaamik 30. Marts 2017
Oqaloqatiginninnissat akunnermi 13-mi ingerlanneqarnissaat naatsorsuutigineqarput.

Qinnuteqaat uunga nassiunneqassaaq: iniian@nanoq.gl ima ilisarnaaserlugu: Tusartaatikkut innarluutilinnut siunnersortitut qinnuteqaat/Isumaginninnermut Aqutsisoqarfik.

Sidste publiceringsdato:
30/3 - 2017

Søg stillingen online:http://ssl1.peoplexs.com/Peoplexs22/CandidatesPortalNoLogin/ApplicationForm.cfm?PortalID=2770&VacatureID=895943