Skip to main content
94

Dette jobopslag er udløbet

PEQQISSUTSIMUT NAALAKKSERSUISOQARFIMMI INATSISILERITUUTUT FULDMÆGTIGINIK/IMMIKKUT SIUNNERSORTI

Inatsisileritoorisarput pikkorissoq nutaanik pissanganartunik ujarlersimavoq aalajangersimavugullu suliassatta aaqqissugaanerat allanngortinniarlugu. Inatsisilernermut Ataqatigiissarinermullu immikkoortortarput nutartigaq ilusilersueqataaffigerusukkukku atorfimmik pissanganartumik pissaqartippatsigit.

Peqqissutsimut tunngasutigut Peqqissutsimut Naalakkersuisoqarfik qullersaalluni oqartussaasuuvoq. Suliassatsinni pingaarnerpaaq tassaavoq, Naalakkersuisut Kalaallit Nunaanni peqqissutsikkut siuarsaaniarnermi peqqinnissaqarfiup iluani suliniutinik ineriartortitsisarnernik tatiginartumik aalajangiinissaannut tunngavissalissallugit.

Suleqatigiit uagut tassaavugut inatsisilerituunik, peqqinnissaqarfimmi sulianut tunngasunik immikkut ittumik ilisimasallit, nutserisoq, AC-fuldmægtig-it, suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Sulinermi avatangiisigut ammasuupput persuarsiortuunatillu. Kultureqarpugut, kikkunnut tamanut nutaaliorluni aaqqissuussinissanut suliatsinnillu naammassinninnissatsinnut tapersiuteqarnissamut periarfissiisarluta. Taamaattumik peqqinnissaqarfik soqutigigukku iluaqutaassaaq, ammasuunissalli suleqatiginnikkusussuseqarlutillu pingaarneruvoq.

Peqqissutsimut Naalakkersuisoqarfiup siunissami suliatigut ineriartornissat aaqqissuussaanermilu naalakkersuinikkut aqutaasumik peqqinnissaqarfimmillu ilisimasaqalernissat neqeroorutigai. Ulluinarni suliassat annertunerusut annikinnerusullu allanngorartut nukinginnarsinnaasartullu suliarisassavatit, pingaartumik inatsisartut ataatsimiilinnginnerini ataatsimiinnerinilu ulapinnartassalluni.

Illit suliassatit
-   Inatsisartut aamma Peqqissutsimut Naalakkersuisoq sullisissavatit
-   Inatsisissanut siunnersuutissanik kaajallaasitallu peqqissutsimut tunngassuteqartut suliarisassallugit.
-   Inatsisinut atuutereersunut attummassutilinnik suliaqartarneq pitsaasumillu aaqqiissuteqartarnermik suliaqarnissaaq
-   Naalakkersuisoqarfinnik allanik suliassat assigiinngisitaartut pillugit suleqatiginnissinnaassasutit
-   Suliassanik piviusumik suliaqarneq inatsisinillu aalajangersimasumik suliarinninneq nassuiaanerlu
-   Allakkianik nassuiaatinillu il.il. suliaqarneq
-   Aatsitassanut Ikumatissanullu oqartussaaffiup iluani inatsiseqarnernikkut apeqqutit peqqinnissaqarfimut attumassutillit

Naalakkersuisoqarfiup inatsisilerituui qanittumik suleqatigissavatit  aamma sulianut tunngasutigut siunnersueqatigiittarnissamut periarfissaqarluassaatit. Sulianut tunngasumik annertuumik siunnersueqateqartarnissamut periarfissaqassaaq aammalu pisortarisat oqaloqatigineratigut suliassavit ineriartortinnissaanut sunniuteqaqataaffigisinnaavatit.

Naatsorsuutigaarput
-   Inatsisilerituutut ilinniarsimasoq
-   Naalakkersuinikkut aqunneqartumik aaqqissuussaasumi suliaqarnermik misilittagaqarneq iluaqutaassaaq
-   Pitsassutsimik ilisimasaqarneq aamma ataatsimut isigaluni aaqqiisinnaassuseqartoq 
-   Nammineersinnaassusilik, suleqatigiinnermili sunniuteqaqatigiittarnermik suliaqatigiinnilu assigiinngitsunik suleqateqarsinnaanermik pingaartitsisoq
-   Ilusilersugaasumik suleriaaseqartoq, ulapaarfiup nalaani sulilluarsinnaasoq piffissamillu killissarititaasumik alaatsinaassinnaassoq
-   Peqqinnissaqarfimmit soqutiginninneq aamma / imaluunniit misilittagaqarneq iluaqutaassaaq

Nalinginnaasumik
Akissarsiat atorfinitsitaanermilu atugassarititaasut, tassunga atatillugu atorfinitsitaanermi atorfimmiillu soraarnermi angalanissamut akiliunneqarnissamut piginnaatitaaffeqarneq tassunga ilanngullugit pisattanik nassiussineq Kalaallit Nunaanni Namminersorlutik Oqartussat DJØF-illu akornanni isumaqatigiissutaasut atorfininnerup nalaani atuutsinneqartut naapertorlugit pissapput. Aalajangersimasumik nali-leereernikkut immikkut siunnersortitut tapeqartitsisoqarsinnaavoq.

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissiamut innersuussutigineqartumut ineqarnermut qularnaveeqqusiinermullu malittarisassat sukkulluunniit atuuttut naapertorlugit akiliisoqartassaaq.  Inigisap qanoq pisoqaatiginera, piginnittuuneq il.il. ineqarnermut akiliutit inillu qanoq pitsaatiginera apeqqutaallutik allanngorarsinnaapput. Sulisunut inissiaq atorfeqarnerup taamaatinnerani qimanneqassaaq. Sulisutut inissamik innersuunneqarnissaq sivisuumik utaqqinarsinnaavoq, taamaattumik inimik utaqqiisaagallartumik najugarisassamik atugassiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfiup inissiaataanut inissiisoqarallarsinnaalluni.

Atorfiit Nuummi inissisimapput. Illoqarfimmi sunngiffimmi sammisassarpassuarnik periarfissaqarpoq, soorlu kulturikkut illorsuaq, filmertarfik, naluttarfik, timigissartarfiit, cafiit, neriniartarfiit peqatigiiffiillu assigiinngitsut. Nuup eqqaani pinngortitami periarfissarpassuaqarpoq tamakkualu saniatigut sisorartarfeqarpoq golfbane, kiisalu qajartornissamut periarfissarpassuit, imaatigut angalaffissat, pisuttuarfissat sammisassaqarumatuumullu  arlalissuarnik  sunngiffimmi sammisassarpassuaqarluni.

Qinnuteqarnissamut killiliussaq: 30. Januar 2017, nal. 10:00.

Isumaqatigiissuteqarnikkut atorfinittoqarsinnaavoq. Atorfik imaluunniit atorfinitsitaanermut tunngasunik allanik apeqqutissaqaruit, taava immikkoortortaqarfiup pisortaa Gitte Arvegaard ugguuna attavigiuk (+299) 34 66 18 – giar@nanoq.gl.

TUSARFIGINISSAT QILANAARAARPUT

Peqqissutsimut Naalakkersuisoqarfik Kalaallit Nunaannilu Namminersorlutik Oqartussat pillugit annertunerusumik paasisutissat www.nanoq.gl takuuk.

Søg stillingen online