Skip to main content
89

Dette jobopslag er udløbet

Peqqissutsimut Naalakkersuisoqarfik peqqinnissamut tunngatillugu siunnersorti

Peqqinneq soqutigisaraajuk– taava atorfimmik peqarpugut! Peqqissutsimut Naalakkersuisoqarfik peqqinnissamut tunngatillugu siunnersortimik pitsaaliuinermik suliaqartussamik piaarnerpaamik sulilersinnaasumik pissarsiorpoq.

Atorfik Peqqissutsimut Naalakkersuisoqarfimmi Pitsaaliuinermut immikkoortoqarfimmi inissisimavoq, Peqqinnissaq pillugu immikkoortortap qitiusumik pilersaarusiorneq ataqatigiissaarinerlu isumagisarai.

Suliassat Inuuneritta II tunngavigalu aallaaveqarput sulinerillu projekt-iut ingerlallutik. Naalakkersuisoqarfiit allat kommunillu qanimut suleqatigineqarput.

Ulluni makkunani nunarput tamaat isigallugu peqqinneq, qajannaatsuuneq ilinniartitaanerlu isiginiarneqartupilussuupput, taamaammat pitsaaliuineq pingaaruteqarluinnartuuvoq. Inuttut nunarput ajunnginnerpaamik sullinnissaanut piumassuseqassaatit, siuttuullutit maligassiuerusuttuussaatit.   

Neqeroorutigisinnaavavut:
-   Suliffik pissanganartunik imaqarpoq
-   Immikkoortortami suleqatit suliaminnik pimoorussisut
-   Suliffik nammineersinnassutsimik aalajangiisinnaatitaanermillu pingaartitsisoq
-   Suliffik sulisut ataasiakkaat piginnaasaannut ammasumik ataqqinnittumillu pissuseqarfiusoq
-   Ilinniakkat akimorlugit suliffik

Siunissami suliassatit ilaatigut makkuussapput:
-   Inuuneritta II aallaavigalugu suliaqarneq, taassumalu ataani pujortartarlernissamik pinaveersaartitsineq pingaarnertut suliassaralugu.
-   Kalaallit Nunaanut tunngasunik ilisimasaqarluartoq
-   Attaveqatigiinnermut piginnaassuseqarluarneq, marlunnik oqaasilik (Kalaallisut qallunaatullu) allattarissatigut oqaluttarissatigullu oqalulluarsinnaaneq
-   Peqqissutsikkut ineriartortitsinermi sulinasuartutut suliaqarneq
-   Suleqatitit peqatigalugit isumasioqatigiinnerit, sulinngiffeqarnerni sinniisoq / attavik.

Kissaatigaarput siunissami suleqatissatut makkua ilinniagaqarfigissagitit:
-   Naleqquttumik qaffasissumik ilinniagaqarsimaneq,
-   Kalaallit Nunaannut tunngasunik ilisimasaqarluarneq
-   Attaveqatigiinnermut piginnaassuseqarluarneq, marlunnik oqaasilik (Kalaallisut qallunaatullu) allattarissatigut oqaluttarissatigullu oqalulluarsinnaaneq
-   Suliniutinik aqutsinermi ilinniakkallu akimorlugit suleqatigiinnermi misilittagaqarneq
-   Nammineersinnaassuseqarneq, ineriartortitserusussuseqarneq siunnerfeqarnerlu

Naalakkersuisoqarfimmi peqqinneq, pinaveersaartitsineq peqqissuunissarlu pillugit misissueqqissaarnerit ineriartortitsinerlu, Kalaallit Nunaanni atugarissaarnermut siuarsaataasut Naalakkersuisoqarfimmilu ilinniagaqassutsip qaffasissuunissaanik qulakkeerisut, suliassat pingaarnersaraat.

Naalakkersuisoqarfimmi anguniagaraarput suleqatigiinnermi ineriartortitsineqataaneq aaqqissuussaanermilu nutaaliorneq. Taamaammat pingaaruteqarpoq suleqatigiissinnaaneq pingaartikkit suleqatitillu nuannaarlutit ataqqinnillutit soqutiginnillutillu pisassagitit.

Akissarsianut atorfininnermilu atugassarititaasunut tunngasut
Atorfininnerup nalaani Namminersorlutik Oqartussat kattuffiullu isumaqatigiissuteqarsinnaasup isumaqatigiissutaat atuuttoq naapertorlugu, akissarsiat atorfeqarnermilu atugassarititaasut- ilaatigut atorfininnermi suliunnaarnermilu angalanermut pisattallu angallanneqarnerannut akiliunneqarneq.

Atorfimmut atasumik inissamik peqanngilaq qinnuteqartoq Namminersorlutik Oqartussani atorfeqarnikkut inigisaqaruni innersuussineq pigiinnassavaa, atorfimmut inigisaq atatinneqarmat suliunnaarnermi qimanneqassaaq.

Paasissutissanik allanik pisariaqartitsiguit saaffigisinnaasat:
Immikkoortortami pisortaq Kirsten Fencker oqarasuaat 34 69 06 imaluunniit  email kfen@nanoq.gl.

Qinnuteqarfissaq kingulleq tallimanngorneq 27. januar 2017.

Søg stillingen online