Skip to main content
90

Peqqissaanermik Ilinniarfik kantiinami aqutsisussarsiorpoq

Kantiinatsinni aqutsisuunissamut kajungertumik -ilinniartunut, pikkorissartunut sulisunullu nerisassanik peqqinnartunik pissanganartunillu neqerooruteqarnerup inerisarneranik ingerlatitseqqikkusuttumik aqutsisussarsiorpugut.

Atorfik septembarip aallaqqaataaniit immikkulluunniit isumaqatigiissuteqarnikkut inuttassarsiuunneqarpoq.

Kajungeraajuk:

  • Ulluinnarni kantiinamik aqutsineq
  • Peqqinnartumik kantiinaqarnermut politikkip iluani sulisut allat suleqatigalugit ullormut nerisassanik isumaginninneq
  • Kantiinami atugassanik tamaginnik pisiniarneq
  • Pikkorissarnermi, ilinniarnermi sullivimmilu pitsaasunik avatangiiseqarnissamut peqataaneq

Neqeroorutigaarput:

  • Igaffik nutarpasissoq, kantiina nutaalianik avatangiisilik ulluinnaallu allanngorartut.
  • Suleqatit suliaminnik pimoorussisut

Piginnaasaqarfissat:

  • Inuussutissanut peqqinnermullu bacheloritut ilinniarsimaneq, økonoma, igaffimmi aqutsisoq imal. Inuussutissalerinermi immikkut ilisimasalittut igaffimmi aqutsisoq (ernæringstek-nolog) ataatsimoorluni sulianik naammassinninnissamut kajumissusilik pimoorussisorlu.
  • Aalajaassuseq, eqaatsumik pissuseqarneq, suleqatiginnissinnaaneq akisussaassuseqarnerlu.
  • Aningaasanik nukinnillu atugassanik aqutsinermik ilisimaarinninneq
  • Isumassarsiullaqqinneq nutaaliorsinnaassuseqarnerlu
  • Atorfiup taamaaqataanit misilittagarneq iluaqutaassaaq

Akissarsiat atorfininnermullu atatillugu atugassarititaasut
Akissarsiaqarnermi atorfininnermilu atugassarititaasuni tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarneranni- Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut- naapertorneqassapput

Sap. ak. nal. ak. suliffiusartut: 40.
Sap.ak. naanerini unnukkullu sulisarsinnanissaq naatsorsuutigineqassaaq

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat sukumiinerusut
Atorfimmut tunngasut atorfinitsitaanermilu atugassarititaasut pillugit paasissutissat sukumiinerusut ilinniarfiup pisortaanut Lisa Ezekiassen-imut oqarasuaatikkut: 349950/349953, e-mailikkut: lie@nanoq.glimal. allaffimmi aqutsisumut Johanne Jørgensen-imut oqarasuaatikkut: 349950/349956, e-mailikkut: jjor@nanoq.gl attaveqarnikkut pissarsiarineqarsinnaapput.

Kalaallit Nunaat Namminersorlutillu Oqartussat pillugit annertunerusumik paasisaqarusukkuit nittartakkami www.nanoq.gl-imi atorfiit pillugit immikkoortoq alakkarsinnaavat.

Qinnuteqaat
Qinnuteqarfissaq ulloq kingulleq 7. Juli 2017.

Qinnuteqartunik oqaloqateqarnissap sap. ak. 29-mi pinissaa naatsorsuutigineqarpoq

Namminersorlutik Oqartussat naatsumik oqaatigalugit
Kalaallit Nunaanni namminersorneq eqqunneqarpoq juunip 21-ani 2009. Namminersorlutik Oqartussat Naalakkersuisoqarfinnut qulinut agguakkamik 650-illu missaannik sulisulimmik qitiusumik aqutsisoqarfeqarput, taakku ataanni immikkoortortarpassuaqarpoq katillutalu 2500 missaanniippugut.

Naalakkersuisoqarfiit politikkikkut aalajangiinissamut patajaatsumik tunngavissinnissaasa qulakkeerneqarnissaa politikkikkullu aalajangiussat piviusunngortinnissaat, qitiusumik aqutsisoqarfiup suliassarai. Innutaasunik 56.000-iusunik qanimut sullissinissaap piviusunngortikkiartuaarnissaa, pisortaqarfiit iliuusissatut siunniussaasa pingaarnerit ilagaat.

Søg stillingen online