Skip to main content
89

Dette jobopslag er udløbet

Nuna tamakkerlugu innarluutilinnut sullissiviusussamut allaffeqarfimmi sulisussarsiorneq

Ulloq sulilerfik 1. februar 2017 imaluunniit isumaqatigiissut malillugu.

Sullissivik pillugu
Nuna tamakkerlugu innarluutilinnut sullissiviusussaq immikkoortortaavoq Isumaginninnermut, Ilaqutariinnut, Naligiisitaanermut Inatsisinillu atortitsinermut Naalakkersuisoqarfiup ataaniittoq, Sisimiuni inissisimasoq. Innarluutillit pillugit Ilisimasaqarfik Siunnersuisarfiutigisoq, IPIS, nuna tamakkerlugu innarluutillit sullissivianut ilanngunneqassaaq. Sullissiviup neqeroorutiginiarpai, siunnersuinerit, ilitsersuinerit, pitsaaliuinermik sungiusarnerit, pikkorissarnerit, innarluutillit pillugit ilisimasaqarfik sullissiviusussarlu.

Atorfik pillugu
-   Pikkorissarnernut, angalanernut, kommunenit misissuinernut, atortussanik sanaartornernut il.il. atatillugu allaffeqarfimmi suliassanik assigiinngitsunik suliaqarneq
-   Aningaasaqarnikkut ingerlatsineq ilaatigut akiliussinernik matussusiinerit, inniminniinerit il.il.
-   Pikkorissarnernut, ataatsimiinnernut il.il. atatillugu isumagisassanik kiisalu saaffiginnittarfimmi suliaqarneq

Naatsorsuutigaarput
-   Suliassanut attuumassutilimmik ilinniarsimasuunissat
-   Inuussutissarsiornermik minnerpaamik ukiut pingasut misilittagaqarsimassasutit, Namminersorlutik Oqartussaniusinnaalluarpoq
-   Naatsorsuutinik allattuinermut ilisimasaqarlutillu misilittagaqariissasutit
-   Qarasaasianik atuillaqqissuussasutit office-pakken atorsinnaassagillu, aaqqissuussinermi programmi ilanngullugu
-   Suliffimmi atugarissaarnermut suliffimmilu pissutsinut pitsanngueqataanissasutit.

Neqeroorutigaagut
-   Sulianut tunngasunik siunnersiuinissanik ukkataqarneq
-   Sullissiviup nutaap sannaa ineriartortinneqarneranilu peqataaneq
-   Sulianut attuumassuteqartunik ineriartorfissaqarneq piukkunnarsarnerillu, pikkorissarnerit il.il. aqqutigalugit

Akissarsiat atorfinitsitaanermilu atugassarititaasut 
Akissarsianut atorfininnermilu atugassarititaasunut, tassungalu ilanngullugu atorfininnermut soraarnermullu atatillugu angalanernut pequtinillu nassiussinermut akiliunneqarsinnaatitaanermut, piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissutit najoqqutarineqassapput.

Sapaatip akunneranut nalunaaquttap akunneri 40-t suliffiupput.

Ineqarneq
Atorfimmut atatillugu malittarisassat sukkulluunniit atuutsinneqartut naapertorlugit sulisunut inissiamik pequsersoriigaanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqartarput.

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu kipinerani qimanneqartussaalluni.

Ineqarnermut akiliut inissiallu pitsaassusia nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaasarpoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqarneq aamma piffissaliussaq
Atorfik pillugu suli paasisaqarusukkuit Isumaginninnermut, Ilaqutariinnut, Naligiisitaanermut Inatsisinillu atortitsinermut Naalakkersuisoqarfiup immikkoortortaqarfiani pisortaq Kirsten Olesen, kiol@nanoq.gl+299 34 66 57saaffiginissaanut tikilluaqusaavutit.

Qinnuteqaat Isumaginninnermut, Ilaqutariinnut, Naligiisitaanermut Inatsisinillu atortitsinermut Naalakkersuisoqarfimmiissaaq kingusinnerpaamik ulloq 20. januar 2017-imi.

Qinnuteqaat uunga: iniian@nanoq.gl nassiunneqassaaq allassimassallunilu: Qinnuteqaat allaffeqarfimmi sulisoq – Nuna tamakkerlugu innarluutilinnut sullissivik.
 

Søg stillingen online