Skip to main content
91

Dette jobopslag er udløbet

Namminersorlutik Oqartussat kantiinap aallarnisarneqarnissaanut sulisussarsiorput

Namminersorlutik Oqartussani kantiinap nutaamik peqqinnartumik pilersaarusiornerata piviusunngortinneqarnissaanut piaartumik atorfininnikkut peqataarusuppit.

Kantiina pillugu:
Maannakkut kantiina allanngortiterlugu sanaqqinneqarpoq nutaamillu pissanganartumik pilersaarusiorlugu ammaqqissalluni 2017-imi sapaatip akunnerisa 16-ianni. Kantiinap matuni ammaqqikkunigit, peqqinnartunik nerisaqarnissamut politikkimik aamma ullup qeqqani ataatsimoortunik nerisassaqartitsisarnermut ikaarsaariarnermik atuutilersitsisimassaaq.

Kantiinap neqeroorutigai piffissami 7.30 – 15.00 ullaakkorsiutit, ullup qeqqani nerisassat, akorniinnakkut nerisassat ullullu tamaasa nerisassat piariikkat annissassat.

Kantiinap nerisassat qaffasissumik pitsaassusillit sassaalliutigisarpai kiisalu kantiinamut neriartortartut assigiinngisitaartunik pitsaasunik misigisaqartittassallugit. Tamanna nerisassanik mamarluartunik nererusussuseqalersitsisartunik, peqqinnartunik toqqaanissamut kajumilersitsinikkut qulakkeerneqassaaq. Nerisassat tunisassiassanit nutaarluinnarneersuussapput inuussutissaqarnermikkut qaffasissumik pitsaassusillit piffissamilu saqqumilaarnermeersuussallutik. Nerisassiorneq avatangiisit eqqarsaatigalugit akisussaassuseqartumik suliaassaaq nerisanik igitsisarneq annikillisinneqarsimassalluni kalaaliminernillu tunisassianit atuiffiussalluni.

Igaffik nillataartitsivinnik qerititsivinnillu atortorissaarusersorneqarsimavoq nutaaliaasunillu atortoqarluni.

Kantiina ingerlaavartumik ilinniartoqartarpoq Suliffissarsiuussisarfillu suleqatigalugu suliffeqanngitsunut sivikitsumik suliffimmik misiliinissamut neqerooruteqartarluni.
 
Atorfik pillugu:
Namminersorlutik Oqartussani peqqinnartumik pilersaarusiaq aallaavigalugu aallarnisarnissamut peqataasinnaasumik sulisussarsiorpugut, naatsorsuutigineqarpoq kantiina ullormut atuisunik 150-it missaaniittunik kiffartuussisassasoq. Atorfik suliniummut ingerlatsinissamut qaammatini 3-ni atorfinitsitsineruvoq, kantiinamik ingerlatsinerup pitsaasumik aallarnisarneqarnissaanut qularnaarisussaq.

Naatsorsuutigaarput illit:

  • Pilersaarusiap nutaap piviusunngortinneqarneranut atatillugu allaffissornikkut suliassanik kantiinap pisortaa ikiortassagit, tassunga ilanngullugu suleriaatsinik suliaqarneq aamma atulersitsineq.
  • Eqqiluisaarneq aamma pitsaasunik suleriaaseqarnerit pillugit ilinniakkatigut ilisimasanik paasissutissiinissaq pikkoriffigigit.
  • Aallarnisarnermut atatillugu kantiinap pisortaa piareersaatinik aamma suliassanik ajornaatsunik ikiortassagit.
  • Nunatsinni nerisaqarnikkut siunnersuutit ilisimagitit.
  • Pilersaarusiornermut, ilitsersuusiornermut aamma nerisassat allassimaffiliornerannut, kiisalu nioqqutissianik pisiortornermut ikiuussinnaasutit.
  • Ulluinnarni nerisassiornermut, tassunga ilanngullugu nillertunik aamma kissartunik, ikiuussinnaasutit.
  • Nutaanik pilersitsisinnaassaatit pikkorillutit paatsiveeruttartuussanngilatit.
  • Suleqatiginnikkusuttuuvutit, suliniuteqarumatuujullutit kiisalu akisussaassuseqarluarlutit, suliavillu naammassinissaasa tungaanut malinnaavigisassallugit.
  • Suliamut attuumassutilimmik ilinniagaqarsimasutit, assersuutigalugu Nerisaqarnermut Peqqissutsimullu bacheloritut ilinniagaqarneq.
  • Suliartortuaannartuullutit takujuminartuullutillu

Attaveqarfissaq qinnuteqarnerlu
Atorfik pillugu apeqqutissaqaruit, tikilluaqquneqarputit saaffigissallugu Immikkoortortaqarfiup pisortaa Lise Sand Ellerbæk uani liel@nanoq.gl imaluunniit ugguuna +299 34 66 81. Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartakkakkut www.naalakkersuisut.gl.

Qinnuteqaat nalunaaqutserneqassaaq ”Aallarnisarnissamut suleqataasussaq”, ilanngunneqassappullu CV, ilinniarsimanermut uppernarsaat, karakteerit assilineri kiisalu ilanngussassat suliffimmut attuumassuteqartut allat.

Qinnuteqarnissamut killigititaq tassaavoq 27. marts 2017. 
Oqaloqateqarnerit ingerlaavartumik ingerlanneqassapput. 
Atorfik ujarneqassaaq www.naalakkersuisut.gl-imi atorfiit aqqutigalugit.

Aningaasarsiat atorfeqartitaanermilu atugassarititaasut
Aningaasarsiatigut aamma atorfeqartitaanermi atugassarititaasut, taakkununnga ilanngullugit akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat isumagineqartarput, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni isumaqatigiissutit atuuttut naapertorlugit.

Ineqarneq
Maleruagassat qaqugukkulluunniit atuuttut malillugit atorfimmut atatillugu utaqqiisaasumik najugassaqartitsisoqarsinnaavoq, najugassaqartitsiviugallartup ingerlanneranut tunngasunik akileeqataanissamut piumasaqartoqarsinnaalluni kiisalu malittarisassat malillugit pisatsersuinermut akileeqataanissamut aamma piumasaqartoqarsinnaalluni. Inigititaq atorfeqarunnaarnermi qimanneqassaaq. Sulisorisap attartortitsineq paarinerlussagaluarpagu tamannalu inigisamiit anisitaanermik kinguneqarsimappat, utaqqiisaasumik inissiamik allamik atugassanngortitsisoqassanngilaq.

Send ansøgning