Skip to main content
94

Dette jobopslag er udløbet

Namminersorlutik Oqartussani illuuteqarnermut tunngasutigut isumaqatigiissutinik aqutsinermut sulisoq

Illuuteqarnermut tunngasunut isumaqatigiissutinik aammalu isumaqatigiissutinik aqutsinermik suliaqarnissamut piumassuseqarpit - taava illiusimassaaq sulisussaq ujartugarput.

Illuutinut Sullissinermullu Allaffeqarfik Illuutinik Ingerlatsiviup Nuummi allaffeqarfinnik 23-usunik ingerlatsinermik aserfallatsaaliuinermillu ingerlatsisuuvoq, Namminersorlutik Oqartussat qitiusumik allattoqarfianit atorneqartartunik.

Atorfik pillugu
Sanaartukkanik ilisimasalittatta aammalu neqerooruteqartarnernut inatsisilerituutta akornanni attaveqaataasutut atuutissaatit.
Facility management-imik tunngasutigut kiffartuussisarnernut isumaqatigiissutinik neqerooruteqartarnernut atatillugu sutigut tamatigut suliarisarnerinut ilanngussisassaatit.
Suliassaq pingaarnerusoq tassaassaaq isumaqatigiissutinik aqutsisarneq, tassanilu illit suliffiup iluani attaveqaqatigiittarnernut aammalu pisiortortarfinnik atuisarnernut akisussaasuussaatit.

Tassunga ilanngullugu suliassat makku pingaarnertut isumagisassaraatit:

  • Isumaqatigiissutinik piviusunngortitsineq
  • Pilersuisussanut isumaqatiginninniarnerit
  • Isumaqatigiissutinik aqutsinermut atatillugu isumaqatigiinngissummik aaqqiiniarneq
  • Neqeroorutaasussatut pilersaarutinut siunnersuutissanik neqerooruteqartarnernut inatsisilerituut suleqatigalugit suliarinnittarnernut ilanngussisassaatit.
  • Sammisat illuutinut tunngasut pillugit suleqatigiissitanut suliaqaqatigiinnullu peqataaneq.
  • Siunnersuinikkut siunnersuuteqarnikkullu ikiuunneq.
  • Namminersorlutik Oqartussani immikkoortortanut allanut attaveqarneq oqaloqateqartarnerlu.

Neqeroorutigaagut
Allaffimmi pissanganartunik suliassalimmi suliallu eqqarsaatigalugit unammilligassaqarfiulluartumi suliffeqarnissat, ulluinnarnilu sulianik ingerlatsisarnermut sunniuteqarnissamut periarfissaqartumi.
Namminersorlutik Oqartussani neqerooruteqartarnernut inatsisilerituut aammalu sanaartukkanik ilisimasallit qanimut suleqateqatigissavatit.
Suleqatigiinneq inussiarnersumik ingerlasoq, ulluinnarnilu ulapaarfioqisumi sulineq qiimasumik ingerlanneqartoq, aammali ulluinnarni sulinerup ilaqutaqarnerullu imminnut ataqatigiinneranik ataqqinniffiusoq.

Allaffik Aningaasaqarnermut Sulisoqarnermullu Aqutsisoqarfimmi inissisimavoq tassanilu allaffimmi pisortaq sulisullu arfinillit sulipput.
Sapaatit akunneranut nalunaaquttap akunneri 40-t suliffiusarput. Atorfiniffissaq isumaqatigiissuteqarnikkut.

Ilinnut tunngasut
Qiimasumik attaveqaqatigiittarnernut periuseqarputit suliffiullu iluani avataaniillu soqutiginnittunik kinguneqartussamik oqaloqateqartassaatit.
Inuttut annikitsualunnik takunnissinnaassuseqarputit, ataqatigiissaarillaqqillutit, aaqqissuussillaqqillutit akisussaassusermillu tiguserusuttarlutit.
Suliassanik nammineerlutit suliniuteqartartuuvutit nammineerlutillu suliarisinnaalluarlugit.
Allattariarsornikkut oqaatsitigullu paasiuminarsaallaqqissuuvutit.
Suliamut attuumassutilimmik suliaqarsimavutit, assersuutigalugu illussanik titartaasartutut imaluunniit ingeniøritut.
Isumaqatigiissunik aqutsisarnermik pisortatigullu tuniniakkanik misilittagaqarputit kiisalu illuuteqarnermut tunngasunik ilisimasaqassaguit iluaqutaassaqaaq.

Akissarsianut atorfinitsitaanermullu tunngasut
Akissarsiat atorfinitsitaanermilu atugassarititaasut aalajangersakkat aallaavigalugit Kalaallit Nunaanni Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.

Ineqarneq
Atorfimmut atatillugu sulisunut inissiamik innersuussisoqanngilaq.
Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa.
Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.

Attaveqarneq qinnuteqaallu
Atorfik pillugu apeqqutissaqaruit, tikilluaqquneqarputit saaffigissallugu allaffiup pisortaa Ella Lynge uani ely@nanoq.gl imaluunniit +299 34 66 65.
Kalaallit Nunaanni Namminersorlutik Oqartussat pillugit paasissutissat nalinginnaasut pissarsiarineqarsinnaapput nittartakkakkut www.naalakkersuisut.gl.
Qinnuteqaat nalunaaqutserneqassaaq ”Illuuteqarnermi immikkoortortamut sulisoq”, ilanngunneqassappullu CV, ilinniarsimanermut uppernarsaat, kiisalu ilanngussassat suliffimmut attuumassuteqartut allat.

Qinnuteqarnissamut killigititaasoq tassa ataasinngorneq 10 juli, 2017.
Sap.ak. 29-mi oqaloqateqarnissaq naatsorsuutigineqarpoq.
Atorfik ujarneqassaaq: http://www.naalakkersuisut.gl-imi/da/Naalakkersuisut/Job/Atorfiit inuttassarsiukkat aqqutigalugit

Aningaasaqarnermut Sulisoqarnermullu Aqutsisoqarfik pillugu
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat.
ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu..

ASAp tunngavia tassaavoq “ASA pisortani oqartussaaffiuvoq uppernassusilik takussaasorlu. ASA immikkoortortaqarfiit, suliffeqarfiit innuttaasullu suleqatigiinnerat ineriartortinniarlugu sulissuteqarpoq.”
Tamanna isumaqarpoq ASA suliassanut qitiusunut ersarissunik anguniagaqartoq, ASA piginnaasanik ineriartortitsinissaq pingaartitsisoq kiisalu ASA pisortat suliassaqarfiinik pisariillisaasoq.

ASA-p pingaartitai pingasut tassaapput:
Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
Suleqatigiinneq - Suleqatigut sullitavullu pitsaasumik suleqatigaagut
Isumassuineq - Ikiuukkumatuujuvugut akunnitsinnilu paareqatigiilluta

Søg stillingen online