Skip to main content
90

Dette jobopslag er udløbet

Lektor/adjunkt imaluunniit adjunkt ph.d.-mik ingerlatsinertalik isumaginninnermut immikkoortortaqarfimmut

Inuiaqatigiilerinermut Aningaasaqarnermut Tusagassiornermullu Institutti, lektor/adjunkt/adjunkt ph.d.-mik nangitsinertalik isumaginninnermik ilisimatusarnermut tunngasuni isumaginninnermut siunnersortinngorniarluni ilinniartitaanermi ilinniartitsisussamik ilisimatusartussamillu pissarsiorpoq.

Atorfik inuttalerneqassaaq ulloq 1. juni 2017.

Isumaginninnermut immikkoortortaqarfimmi ilinniartut maannakkut 60-t missaaniipput, ukiumullu ilinniartut 20-t missai aallartittussatut tiguneqartarput. Tamatuma saniatigut immikkoortortaqarfik pikkorissaanermut immikkoortortaqarfeqarpoq najugaq qimannagu isumaginninnermut siunnersortinngornianik kiisalu rådgivningsassistent-inngorniartunik isumaginnittoq. Isumaginninnermut siunnersortinngorniarluni ilinniartitaaneq arfinilinnik ilinniartitsisoqarpoq, suliamut immikkut ilinniarsimasoq immikkoortortaqarfimmi aqutsisoq ilanngullugu.

Isumaginninnermut siunnersortinngorniarluni ilinniartitaanermi inulerinermut tunngasut ilinniartitsissutigineqartartut ukuupput:
-    Meeqqat inuusuttuaqqallu
-    Ilaqutariit ajornartorsiuteqartut
-    Avataaniittutut misigisimasut
-    Innarluutillit
-    Suliffeqarfimmi atugassarititaasut
-    Akimut suleqatigiinneq
-    Isumaginninnermut inatsit, ingerlatsinermut inatsit aamma suliat suliarineqartarnerat pillugu inatsit il.il.

Atorfimmut atasumik pisussaaffiit ukuupput ilinniartitsineq, siunnersuineq, ilisimatusarneq ilinniakkamullu tunngatillugu ineriartortitseqataaneq.

Qinnuteqartut atorfimmut adjunkt imaluunniit lektor attuumassutilimmik ilisimatusarfimmi ilinniarsimasuussaaq takussutissiissallunilu ilisimatusarnermik- aamma ilinniartitsinermik misilittagaqarnermik. Adjunktitut ph.d.-mik ingerlatsinertalimmik atorfimmut atorfininnissamut periarfissaqarpoq.

Qinnuteqartut tamarmik Kalaallit Nunaanni imaluunniit nunani issittuni allani inuiaqatigiinni ajornartorsiutinik ilisimasaqarluarnissaat naatsorsuutigineqarpoq.

Naliliinermi piginnaasat salliutinneqartussat ukuupput:
-    Isumaginninnermut siunnersortitut ilinniarsimasoq ingerlatsiviusumik ilinniaqqinnermik naammassinnissimasoq
-    Cand.Soc. imaluunniit assinganik
-    Attuumassutilimmik ph.d. qaffasissusilimmik ilinniagalik adjunkt- imaluunniit lektor
-    Ilinniartitsinermik misilittagalik
-    Ilisimatusarnermik misilittagalik

Ilisimatusarfimmi, Kalaallit Nunaanni Ilisimatusarfik ilinniartitsinermi oqaatsit atorneqartut ukuusinnaapput danskisut/nuna avannarlermiusut, tuluttut imaluunniit kalaallisut.

Qinnuteqaat
Qinnuteqaammi ersarissumik allassimassaaq atorfik lektor, adjunkt imaluunniit adjunkt ph.d.-mik ingerlatsinertalik qinnutigineqartoq.

Qinnuteqaatip saniatigut qinnuteqaammut ilanngunneqassapput uku:
    Ilanngussaq 1: Curriculum Vitae
    Ilanngussaq 2: Soraarummeersimanermut uppernarsaatit tassunga ilanngullugu ph.d.-tut uppernarsaat
    Ilanngussaq 3: Paasissutissanik pissarsinissamut inuit attavigineqarsinnaasut

    Ilanngussaq 4: Takussutissat allattorsimaffiat ersarilluinnartumik tulleriinnilersorneqarsimasoq. Suliat ilanngussat (ilanngussaq 8 naapertorlugu) nalunaaqutserneqassaaq imatut * takussutissat allattorsimaffiani

    Ilanngussaq 5: Naatsumik allaaserisaq maannamut ilisimatusarnerit kiisalu siunissami ilisimatusaatigiumaakkat ilusilersuinnarlugit titartakkat pillugit.
                             Qinnuteqartut atorfimmut adjunkt ph.d.-mik ingerlatsinertalimmut ph.d-ngorniarluni ilinniartussatut tiguneqarnissamut maleruagassani piumasaqaatit naammassisimassavai: 
                             http://www.uni.gl/media/1538536/faelles-phd-retningslinjer-ilisimatusarfik-til-godkendelse-i-ar-2016-v-19-april-2.pdf

    Ilanngussaq 6: Ilinniartitsisutut misilittagaqarnermut uppernarsaatit (pikkorissarnissamut pilersaarutit, ilinniartitsinissap piareersaasiornera, ilinniartitsinermut atortut kiisalu ilaatigut adjunkt pædagogikkimi soraarummeersimaneq)

    Ilanngussaq 7: Ilisimatusarnermut sullissisimanermut uppernarsaat

    Ilanngussaq 8: Takussutissat pingasut tikillugit. Qinnuteqartut amerlanerpaamik pingasunik takussutissanik ilanngussaqarsinnaavoq naliliinissamut attuumassutilinnik.

Naliliineq atorfinitsitsinermilu periusissaq
Qinnuteqaatit tiguneqarsimasut suliamut immikkut ilisimasalinnik naliliisussanik ataatsimiititaliamik pilersitsisoqassaaq maleruagassat atuuttut naapertorlugit. Qinnuteqartut pineqartut qinnuteqarfissamut killigititaasup qaangiunnerani ilisimatinneqassapput ataatsimiititaliap naliliisussap katitigaanera pillugu. Qinnuteqaatit tiguneqarsimasut ataatsimiititaliamit suliarineqassapput pisortamullu innersuussillutik.

Akissarsiat atorfininnermilu atungassarititaasut 
Akissarsiat atorfininnermilu atugassarititaasut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. 

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfik pillugu paasissutissanik annerusumik pissarsisoqarsinnaavoq uunga saaffiginninnikkut: Instituttimi pisortaagallartoq Tine Pars, oqarasuaat: +299 38 56 02, e-mail: tipa@uni.gl.

Qinnuteqaat nalunaaqutserneqassaaq ”Atorfik Adjunkt/lektor” pappilissallu ilanngussassat ilanngullugit nassiunneqassaaq uunga:

Ilisimatusarfik
Postboks 1061
3900 Nuuk
Grønland

Qinnuteqaat Ilisimatusarfimmit tigoreersimassavarput kingusinnerpaamik ulloq 31/3-2017

 

Søg stillingen online