Skip to main content
89

Dette jobopslag er udløbet

Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu Naalak-kersuisoqarfik Aqutsisut Allattoqarfianni qullersaqarfimmut allatsimik pissarsiorpoq

Atorfik pillugu
Aqutsisut Allattoqarfiat Naalakkersuisoqarfiup immikkoortortaasa tallimaasut ilagaat, Naalakkersuisoqarfiup ineqarnermut, illuuteqarnermut, sanaartornermut, attaveqaateqarnermut nunamilu namminermi pissutsinut suliassanik isumaginniffiusoq. Naalakkersuisoqarfimmi sulisut 30-it missaanniipput. Aqutsisut Allattoqarfianni sulisut arfineq pingasuupput, aammalu Naalakkersuisoqarfiup naalakkersuinikkut allaffissornikkullu qullersaannut suliffeqarfiulluni.

Qullersaqarfimmi allatsitut Aqutsisut Allattoqarfiani sulisut allat qanilugit suleqatigissavatit, aammalu Naalakkersuisoqarfiup suliassaanik ataqatigiissaarinermi qitiusumik suliassat isumagisarissavatit.

Qullersaqarfimmi allatsip suliassai ilaatigut tassaassapput:
-   Suliassanik, saaffiginnissutinik akissuteqaatinillu, suliassanut immikkoortortaqarfinni suliarineqarnissamut pisariaqartitsiviusunik ataqatigiissaarineq.
-   Allakkanik isumaginninneq saaffiginnissutinullu akissuteqartarneq.
-   Inatsisartut ataatsimiinnerini atortussanik piareersaaneq.
-   Naalakkersuisoqarfimmi pisortaq allattoqarfimmi suliassanik sullillugu.
-   Ataatsimiinnernut sulinermullu atatillugu angalanernut pilersaarusiornermi piareersaanermilu ikiuunneq.
-   Ataatsimiissutissanik piareersaaneq imaqarniliortarnerlu.
-   Allakkiat anisussat kiisalu Naalakkersuisut Inatsisartullu ataatsimiinnissaannut atortussat pitsaassusaannik qulakkeerisarneq kukkunersiuisarnerlu.

Naatsorsuutigaarput
-   Attuumassutilimmik ingerlaqqiffiusumik ilinniagaqassasutit
-   Ataqatigiissaarinermut suleqateqarnermullu piginnaaneqarluassasutit, aammalu ulapaarnerup nali-gigaluarpaguluunniit eqaatsumik aaqqiisinnaanermik takutitsisinnaassuseqassasutit
-   Oqalunnikkut taamatullu allakkatigut attaveqaqateqarnissamut piginnaaneqarluassasutit.
-   Siumut takorluuisinnaassuseqassasutit suliassannilu siulliusinnaassasutit
-   Allakkatigut taamatullu oqalunnikkut kalaallisut danskisullu qaffasissunik piginnaaneqassasutit.
-   Tuluttut minnerpaamik oqaloqateqarsinnaanissamik piginnaaneqassasutit.
-   Naalakkersuinikkut allatulluunniit aaqqissuussaanikkut sulinermik misilittagaqassasutit.
-   Peqqissaarsinnaassuseqassaatit.

Matumani atorfik assigiinngitsorpassuarnik suliassaqarfiusoq annertuunillu akisussaaffeqarfiusoq pineqarpoq. Piffissap ilaanni unnukkut aammalu sapaatip akunnerisa naanerini, kiisalu piffissakilliorfiusumik sulisoqartarsinnaavoq. Tamanna pingaartumik Inatsisartut ataatsimiinnerini atuuttarpoq.

Neqeroorutigaavut
-   Atorfik, politikkikkut aalajangiisartut qanillugit suliffiusoq.
-   Sullivimmi avatangiisit tamatigoortut, naalakkiisarnermi naatsunik aqquteqarfiusoq
-   Suleqatit tunniusimasut ataatsimoortut, ataatsimoorluta kivitsivinissatsinnik suliatsinnillu iluatsitsinissatsinnik angusaqaqatigisartakkavut.
-   Inuttut suliatigullu ineriartorneq ilinniaqqinnissamullu periarfissat pitsaasut.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat amerlanerusut
Atorfik pillugu paasissutissanik amerlanerusunik pissarserusukkuit allaffimmi pisortaq Anders Fonnesbech-Wulff, tlf. nr. +299 53 62 22-mut imaluunniit ANFO@nanoq.gl aqqutigalugu attaveqarfigisinnaavat.

Qinnuteqaat
Qinnuteqaat kingusinnerpaamik 23. januar 2017-imi Naalakkersuisoqarfimmit tiguneqarsimas-saaq.


Qinnuteqaat CV-mik, siornatigut atorfigisimasanut uppernarsaatinik soraarummeernermullu uppernarsaatinik ilaqartinneqassaaq.

Atorfinitsitsinissamut oqaloqatiginninnerit ingerlaavartumik ingerlanneqassapput.

Søg stillingen online