Skip to main content
96

Dette jobopslag er udløbet

KALAALLIT NUNAANNI PERORSAANERMIK ILINNIARFIMMI NIPILERSORNERMIK ILINNIARTITSISOQ

Unamminiagassanut nutaanut sapiissuseqarpit killingusaarlu nutaaq piareersimaffigaajuk, taava PI/SPS-imi Perorsaanermik Ilinniarfimmi Ilulissaniittumi ilinniartitsisutut atorfik soqutiginartoq inuttassarsiorneqarpoq. PI/SPS Kalaallit Nunaanni perorsaanermik seminariatuaavoq, nunarsuarmi kangerluit iigartartullit annersaat kusanarnerpaallu, nunarsuup kingornutaatut erligisassatut UNESCO-mit ilanngunneqarsimasup, qanittuani inissisimaffeqartoq.

Seminaria 300 missaanik ilinniartoqarpoq ilinniartitaanernut assigiinngitsunut tallimanut agguataarsimasut: isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq kiisalu ulluunerani meeqqanik sullissinermi ikiortinngorniarneq. 40-nik sulisoqarpugut taakkunannga 20 missaat ilinniartitsisuullutik.

PI/SPS-ip suliassaqarfii pingaarutillit makkuupput:

  • Perorsaasunngornianik, socialassistentinngornianik isumaginninnermilu ikiortinngornianik ilinniartitsineq
  • Perorsaanermik suliassaqarfik tamakkerlugu ilinniagaqaqqinnissanut isumaginninneq
  • Perorsaanerup iluani nunaqarfinni ilinniartitaaneq isumagissallugu
  • Perorsaanermik suliassaqarfimmi – suliatigut ilinniartitaanernullu tunngasutigut - ineriartortitsineq isumassarsiornerlu.

PI/SPS-imi aamma campusi Ilulissaniittoq allilerneqaleruttorpoq, ilinniartunik amerlanerusunik tigusinissamut isumaginninnermilu suliassaqarfiup iluani ilinniartitaanernik nutaanik pilersaarusiornissamut periarfissiisussaq. Ilinniarfimmi aqutsisoqatigiit peqatigalugit Kalaallit Nunaanni isumaginninnermik suliassaqarfimmi allannguinernut sunniuteqaqataasinnaavutit, PI/SPS-imi ilinniarfimmik ilinniartitaanerillu ingerlataannik ineriartortitseqqinnissamut periarfissaqassagavit.

Ilinniartitsisoq eqaatsoq ineriartortitsinissamut isumaliuteqarsinnaasoq perorsaanermilu nipilersornerup iluani piginnaanilik pissarsiarerusupparput. Perorsaanermik suliassaqarfimmi pimoorussisuussaatit, pilersitsisinnaassuseqarlutit, suleqatitut pitsaasoq suleqatikkuminartorlu, avatangiisinik suliassanillu isumalluarluni naapitsisinnaasoq.

Perorsaasutut sammivilimmik bacheloritut ilinniartitaanermi socialassistentitullu ilinniartitaanermi ilinniartitsisuunerup saniatigut pikkorissarnerni ilinniagaqaqqittunullu ilinniartitsisarneq ingerlanneqarsinnaapput. Siunissaq ungasinnerusoq eqqarsaatigalugu Piorsaaviup ingerlataani peqataanissamut periarfissaqarsinnaavoq.

Qinnuteqartuni ilinniakkamik atuilluarsinnaaneq piginnaasallu makku pingaartinneqarput:

  • Perorsaasutut ilinniagaqarputit imaluunniit fagini kusanartuliornerup iluani ilinniagaqarsimasoq piginnaasaqartorlu soorlu isiginnaagassiortarneq, nipilersorneq, sannavik, pinngortitamik atuineq silamilu sammisaqartitsinerit.
  • Kandidatitut aamma/imaluunniit perorsaanermi masteritut assersuutigalugu nipilersornerup, isiginnaartitsinerup, isiginnaagassiornerup, pilersitsisarnerup iluanni assigisaanilu ilinniagaqarlutit.
  • Inuussutissarsiutini ulluunerani aamma ulloq unnuarlu paaqqinnittarfinni suliassaqarfinni misilittagaqarputit allamilluunniit perorsaanermik suliassaqarfimmi uppernarsaateqarlutit.
  • Ilinniartitsinermik misilittagaqarputit aamma/imaluunniit isumaginninnermi suliassaqarfiup iluani imaluunniit perorsaanermik atorfeqarfinnik suliassaqarfinnillu ilisimasaqarlutit inuussutissarsiummik attuumassutilimmik misilittagaqarlutit.
  • Kalaallit Nunaannit misilittagaqarlutillu ilisimasaqarputit kulturillu allat aallaavigalugit sulinissat ammaffigalugu.

Akissarsianut atorfinitsitaanermilu atugassarititaasut:
Akissarsiat atorfinitsitaanermilu atugassarititaasut, matumani ilaallutik atorfininnermi soraarnermilu angalasinnaanermut kiisalu pisattat nassiunneqarnerat Namminersorlutik Oqartussat aamma kattuffiup isumaqatiginninniarsinnaatitaasup akornanni isumaqatigiissutit atuuttut tunngavigalugit pissapput. Inissiamik innersuussisoqarsinnaavoq, malittarisassat qaqugukkulluunniit atuuttut naapertorlugit akilersorneqartussaq.

Paasissutissat sukumiinerusut Rektorimit Nuka Klemann, oqarasuaat +299 38 35 50-ikkut, mobil +299 55 64 64-ikkut mail: nuka@pi.sps.gl-ikkut imaluunniit ilinniarnermi aqutsisoq Anders Bech Thøgersen oqarasuaat +299 38 35 80-ikkut, mobil +299 54 43 46, mail: anders.thoegersen@attat.gl-ikkut pissarsiarineqarsinnaapput.

Seminaria pillugu www.pi.sps.gl-imi aamma Ilulissat pillugu www.qaasuitsup.gl-imi atuarsinnaavutit.

Atorfik aprilip aallaqqaataani 2017-imi imaluunniit isumaqatigiissuteqarnikkut piaarnerpaamik inuttalerneqarnissaa kissaatigineqarpoq. 
Qinnuteqarfissaq killilerneqarpoq ataasinngorneq 15. maj 2017, nal. 8:00 (kalaallit nalunaaqutaa malillugu).

Qinnuteqaat mailikkut uunga nassiunneqarsinnaavoq: allaffik@pi.sps.gl tamatumalu kingornatigut allakkatigut qinnuteqaatip allaqqaarneranik innersuussinertalik ilanngussartalillu nassiunneqassalluni. Qinnuteqartut oqaloqatigineqartussatut toqqarneqarneranni innersuussinerit ilaatinneqassapput. Pinerluuteqarsimannginnermut uppernarsaat nutaaq piumasarineqarpoq.

Qinnuteqaat uunga Namminersorlutik Oqartussanut, Rektori Nuka Kleemann, Perorsaanermik Ilinniarfik/Socialpædagogisk Seminarium, Postboks 519, 3952 Ilulissat, nassiunneqassaaq.

Søg stillingen online