Skip to main content
85

Dette jobopslag er udløbet

Kalaallit Nunaanni nuna tamakkerlugu inooqatigiinnikkut tarnikullu siunnersuisarfik Nuna Tamakkerlugu Ilitsersuisarfimmi qitiusumik inissisimasoq tarnip pissusaanik immikkut ilisimasalimmik pisortassarsiorpoq

Nuna tamakerlugu inooqatigiinnikkut tarnikullu siunnersuisarfimmi – nalinginnaasumik ilinniartunik siunnersuisarfimmik taaneqartartumi - Nuummiittumi massakkorpiaq sulisunut 13-nut pisortanngorusuppit?
Aaqqissuussinermut aallartinnialerlaamut siuttunngorusuppit?
Ilinniartunut innuttaasunullu Majoriamiittunut siunnersuinermut- katsorsaanermullu atatillugu neqeroorutinik inerisaanermi peqataarusuppit??


Nuna tamakkerlugu siunnersuisarfik, Nuna tamakkerlugu Ilitsersuisarfimmi aaqqissuussaanikkut Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup ataani inissisimasoq pisortanit neqeroorutaavoq. Siunnersuisarfiit tallimat 2014-imi ukiakkut illoqarfinni ilinniartoqarfinni annerni: Qaqortumi, Nuummi, Sisimiuni, Aasianni Ilulissanilu pilersinneqarput. Inooqatigiinnikkut tarnikullu inunnut ataasiakkaanut eqimattanullu akeqanngitsumik siunnersuisarnissaq katsorsaasarnissarlu siunertaavoq.

Atorfiup sap.ak. 40 tiimit suliffiusussatut naatsorsuussaasup piaartumik imal. isumaqatigiissuteqarnikkut kingusinnerpaamilli ulloq 1. april 2017-mi inuttalerneqarnissaa kissaataavoq.

Inummik ilinniagaqassutsikkut, aqutsinikkut inuttullu piginnaasaqarluartumik pissarsiorpugut.

Ineriartortitsinerup immikkoortumi annertuumik sammineqarnissaa naatsorsuutigisariaqarpoq. Nuna tamakkerlugu ilinniartunik siunnersuisarfimmik ineriartortitsinermi pisortaq pingaarutilimmik inissisimavoq. Taamaammat pisortap katsorsaanermut-, ilinniartitaanermut-, isumaginninnermut –peqqissutsimullu tunngasut ilisimaarilluassavai. Tarnip pissusaanik immikkut ilisimasalittut pisortaq Nuna Tamakkerlugu Ilitsersuisarfiup pisortaa qullersarissavaa Ilitsersuisarfimmilu aqutsisoqatigiinnut ilaassalluni.

Suliat aqutsinermut tunngasut ilaatigut makkuupput:
-    Aningaasartuutissanik missingersuusiornermut ilinniartunillu siunnersuisarfimmi sulisoqarnermut akisussaasuuneq.
-    Ilinniartunik siunnersuisarfimmi ilinniagaqassutsikkut ineriartortitsineq, sulisullu suliassaannik ataqatigiissaarineq.
-    Ilinniartunik siunnersuisarfimmi sulisunik ineriartornissaq siunertaralugu oqaloqateqartarneq.
-    Aqutsisoqatigiinni iliuusissanik aalajangiussanillu atuutilersinnissaannut peqataaneq.
-    Qarasaasiakkut siunnersuinermik ineriartortitsineq.

Naatsorsuutigaarput:
-   Tarnip pissusaanik immikkut ilisimasalittut ilinniagaqarnissat taamatullu sulisinnaatitaanermut uppernarsaateqarnissat immaqalu immikkut ilisimasalittut ilinniaqqissimanissat- ajornanngippat tarnikkut nappaatinut tunngasunik ikorfartuinermillu misilittagaqarnissat.
-   Sivikitsumik katsorsaanermik misilittagaqarnissat soqutiginninnissallu
-   Ataasiakkaanik eqimattanillu katsorsaanermik misilittagaqarnissat.
-   Ilinniagaqassutsikkut inuttullu sullissininni sunniuteqarluarsinnaanissat.
-   Aqutsinermik misilittagaqarneq aqutsisutulluunniit piumasaqaatit naapertorlugit ilinniarnissamut piareersimanissat.
-   Pingaartumik ilinniakkat akimorlugit suleqatigiinnermik piginnaasaqarnissat.
-   Suliassat, pisariaqartitat isummallu assigiinngitsut naapiffianni kinguneqartussamik sulisinnaanissat. Ilinniartitsinermik ilisimasaqarnissat, attaveqatigiinnermut ingerlatitseqqiinermullu piginnaasaqarluarnissat.
-   Qarasaasiarsornermut piginnaasaqarluartuunissat.

Neqeroorutigaagut:
-   Kalaallit Nunaanni ilinniartitaanerup siuarsarneqarneranut sunniuteqarsinnaaneq.
-   Inuttut ilinniakkatigullu ineriartornissamut periarfissinneqarneq.
-   Ikorfartorneqarneq.
-   Suliffik eqeersimaartoq.
-   Suliffik sukkasuumik ineriartortoq.
-   Suleqatit tunniusimasut pikkorissullu.

Akissarsianut atorfininnermullu atatillugu atugassarititaasunut tunngasut
Atorfik akissarsiat immikkoortitigaaneranni/LR 36-imiippoq, aningaasarsiat immikkoortui aalajangersimasut ilanngullugit apriilip aallaqqaataani 2017-imi aalajangersagaq naapertorlugu: qaammammut kr. 45.173/ukiumut kr. 542.078.

Atorfinititsineq tunngaviusumik isumaqatigiissutit naapertorlugit pissaaq, qinnuteqartoq tjenestemanditut atorfimmeersuuppat tjenestemanditut atorfinititsisoqarsinnaavoq.

Atorfininnerup nalaani Namminersorlutik Oqartussat kattuffiullu illuatungiliuttup isumaqatigiissutaat atuuttoq naapertorlugu, akissarsiat atorfininnermilu atugassarititaasut tamatumunngalu ilanngullugu angalanermut pisattanillu assartuussinermut akiliunneqarnissaq pissaaq. Naalagaaffimmi tjenestemandit qaffasissumillu ilinniagallit (AC) isumaqatigiissutaat- ilaatigut DJØF-ip Finansministeriallu isumaqatigiissutaat naapertorlugu atorfinitsitat, Kalaallit Nunaanni Namminersorlutik Oqartussani atorfininnermut atatillugu akissarsiaqaratik sulinngiffeqarsinnaatitaapput.

Kalaallit Nunaanni Namminersorlutik Oqartussani atorfininnermut atatillugu akissarsiaqarani sulinngiffeqartitaasinnaaneq Indenrigsministeriap Qallunaat Nunaanni kommunut nunallu immikkoortuinut ammaffigeqquaa. Sulinngiffeqartitaanermut tunngatillugu aalajangersakkat Kalaallit Nunaanni Namminersorlutik Oqartussani atorfinittut aapparisaannut/inooqatigisaannut aamma atuupput.

Tunngaviusumik sap. ak. nal. ak. 40-it suliffiuvoq.

Ineqarneq
Uunnga atorfimmut inissaqartitsisoqanngilaq.

Qinnuteqarneq kingusinnerpaamillu qinnuteqaammik tunniussinissaq
Siuliani paasissutissiissutit soqutiginnilersitsisimassappata imal. atorfik pillugu paasissutissanik allanik pissarserusukkuit, Nuna Tamakkerlugu Ilitsersuisarfiup pisortaa Else Poulsen oqarasuaatikkut: +299 383640, e-mail-ikkulluunniit: elpo@aqqut.gl attavigisinnaavat.

Sap.ak. 14-mi oqaloqatigiinnerit ingerlanneqarsinnaanissaat siunertaralugu qinnuteqaat ulloq 31. marts 2017 Nuna Tamakkerlugu Ilitsersuisarfimmit tiguneqareersimassaaq.

Qinnuteqaat uunga nassiunneqassaaq:

Nuna Tamakkerlugu Ilitsersuisarfik,
Imaneq 24 B 2.sal
Postboks 4101,
3900 Nuuk


imal. qulaani pineqartup e-mail-iagut: elpo@aqqut.gl

Søg stillingen online