Skip to main content
91
jobs I ALT

Dette jobopslag er udløbet

Ilinniarnermik Institutsimi, Ilinniartitsisunngorniat ilinniarfianni, pædagogikkimut attuumassutilinnut tunngasuni ilinniartitsisoq

Ilinniartitsisunngorniarluni ilinniartitaaneq suliamut aalajangersimasumut bacheloritut ilinniarneruvoq, Ilisimatusarfiup, Nunatsinni Ilisimatusarfiup ataanni, Ilinniarnermik Institutsimi  aaqqissugaalluni. Ilinniartitsisoqatigiit 25-it missaanniittut  suleqatigissavatit.

Ilinniartitsisunngorniarluni immikkoortortaqarfik 180-it missanik ilinniartoqarpoq, ingerlanneqarlutik qitiusumi ilinniartitaaneq aamma najugaq qimannagu - ungasianiik qarasaasiaq atorlugu ilinniartitsinermik malinnaanikkut kiisalu katersuulluni pikkorissarnikkut - ilinniartitaaneq.  Tamatuma saniatigut isumagineqartut tassaapput meeqqat atuarfianni ilinniartitsisunut pikkorissaaqqinnerit - ilinniartitseqqiinerillu. Ilinniartitsinermik institutsi tassaavoq ilisimatuutut misissuinerit  tunngavigalugit ilisimatusarfik, ilinniartitsisut tamarmik sulianut atasumik ilisimatusarnissaannut inerisaanissaannullu naatsorsuuteqarfiusoq. Sulisut ph.d.-mik ilinniagallit ilisimatusarnissaannut piffissamik immikkut aaqqiiffigineqarput.

Ilinniartitsisumik, ilinniartuutitta siunissami Kalaallit Nunaanni meeqqat atuarfianni ilinniartitsisunngornissaannut patajaallisarnissaannut, kiisalu ilinniartitsisooreersut Kalaallit Nunaanni piginnaasaasa qaffasinnissaannut piumasaqaataasup naammassinissaanut pikkorissaaqqinnerit- ilinniartitseqqiinerillu suliamut attuumassuteqarlutillu naapertuutut neqeroorutiginerisigut nukittorsaanissami sulerusussusilimmik pissarsiorpugut. Ilinniarnermik institutsimit piffissami matumani aaqqissuusseqqinneq- ineriartortitsinerlu annertooq ingerlanneqaleruttorput, taamaattumik aaqqissuussaasumik ineriartortitsilluni sulinermut peqataasinnaasumik sulisussarsiorpugut.

Suliassat:
-   Ilinniartitsisunngornianik pædagogikkimut attuumassutilinnik ilinniartitsineq
-   Pædagogikkimi ilinniartitsisoqatigiit suleqatigalugit pædagogikkimut attuumassuteqartunik ataavartumik ineriartortitsineq
-   Faagit kattullugit suleqatigiinnermut peqataaneq
-   Ilisimatusarnikkut pædagogikkimut attuumassutilinnik sulianik - aamma/imaluunniit ilisimatusarnissamut suliniutinik kisimiilluni imaluunniit suleqatit peqatigalugit ineriartortitsineq
-   Ilinniartitsisunngorniarluni ilinniartitaanerup ineriartortinneranut ilinniartitseqqiinermilu suliniutinut peqataaneq
-   Pisariaqassappallu piukkunnassuseq aallaavigalugu ilisimatusarneq 

Neqeroorutigaavut:
-   Sulinermi avatangiisit ineriartortuartut, suliassat naammassiniarneranni nammineersinnaassutsimik ataatsimoorlunilu suleqatigiinnermik oqimaaqatigiissitsiniarfiusut
-   Ilinniartitsinermi avatangiisit pikialaarfiusut, soqutiginnillunilu kajumissuseqarluarluni suleqatigiiffigiusoq
-   Ilisimatusarluni avatangiisit aallussilluarfiusut, suliamut pædagogikkimullu ineriartorfissaqarluartut

Piginnaasat pisinnaasallu qinnuteqarnermi pingaartinneqartut ukuupput:
-   Suliamut attuumaassuteqartumik ilinniagaqarsimaneq, pitsaassaaq ph.d.-tut qaffasissusiliuppat
-   ilinniartitsinermik misilittagaqarneq
-   Pædagogikkimut attuumassuteqartunik, atuartitsinissamik aaqqissuussinermut ilinniagalittullu sulinermut sammisunik, sulinermut misilittagaqarneq
-   Atuartitsinermut attuumassuteqartunik ineriartortitsinermik - ingammik meeqqat atuarfiannut tunngasunut attuumassutilinnik misilittagaqarneq
-   Suleriusissat suliallu ingerlannerani piumasaqaatit naapertorlugit pædagogikkimut attuumassuteqartunut ilinniartitsisut suleqatigalugit ilusilersuisinnaaneq
-   Ilinniartitsisunngorneriarnermut nalinginnaasumik ilisimasaqarneq, ilinniartitsisunngorniarnermilu ilinniagalittut sulinermut atassusiiniarluni sulinermi teoriit piviusullu ataqatigiisinnissaannik pingaartitsisinermik paasisimasaqarneq
-   Nunani assigiinngitsuni pædagogikkimut ilisimatusarnernut nutaanerusunik, ilinniartitsisunngorniarnermut meeqqallu atuarfiannut attuumassutilinnut paasisimasaqarneq
-   Fagit akuleriisillugit suleqatigiinnissamut periarfissanik pilersitserususeqarneq imaluunniit fagit akuleriisillugit ilinniartitsinissamut piumassuseqarneq
-   Pilersaarutinik ataqatigiissarinermik misilittagaqarneq
-   Suliffimmi uummaarissumik eqinnaatsunillu avatangiisilimmi unammillernarsinnaasunut nutaanut iluarisimaarinninneq

Aningaasarsiat - atorfeqarnermilu atugassarititaasut:
Aningaasarsiassat atorfeqarnermilu atugassat, ilaallutik atorfininnermi soraalernermilu akiliunneqarnerit, pisattanillu nassarnissamut akiliunneqarnerit, atorfininnerup nalaani isumaqatigiissutit Namminersorlutik Oqartussat  isumaqatigiinniarfissallu akornanni sulinermut isumaqatigiissutit aallaavigalugit pissapput.

Atorfik 1. marts 2017  imaluunniit isumaqatigiissuteqarnikkut inuttalerneqassaaq.

Ineqarneq:
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu inigisaq atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Ilinniartitaaneq pillugugu annertunerusumik paasissutissat nittartakkami www.uni.gl-imi  takuneqarsinnaapput; tassani aamma ilinniakkamut malittarisassaq takuneqarsinnaavoq. Atorfik pillugu annertunerusumik paasissutissat pisortaq Britta Lohmann, oqarasuaat +299 38 57 02 atorlugu imaluunniit e-mailikkut: blo@uni.gl atorlugu saaffigineratigut pineqarsinnaapput.

Qinnuteqaat ilinniarsimanermut paasissutissanik, siornatigut suliffigisimasanik aamma pisaqiaqarpat oqaaseqaatinik imalik, soraarummeersimanermut allagartat kiisalu saqqummersissimasat allattorsimaffiannik il.il. assilinerinik imalik nassiunneqassaaq uunga: job@uni.gl ulloq 13. Januaari 2017 nal. 12.00 nallertinnagu.

Søg stillingen online