Skip to main content
106

Dette jobopslag er udløbet

Allaffimmi pisortamik Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut

Namminersorlutik Oqartussat, Nuuk


Ukiuni makkunani Kalaallit Nunaanni inuussutissarsiornikkut suliffissaqarnikkut niuernikkut nukissiuuteqarnikkullu ineriartorneq pitsaasoq aqqutigineqarpoq. Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik ineriartornermi  qitiusumik inissisimavoq. Suliniutit annertusiartornerat ilutigalugu suliassat annertusiartorput nutaallu takkussuullutik. 

Taamaattumik Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik allaffimmi pisortassamik pissarsiorpoq Naalakkersuisoqarfimmi ingerlatsineq suli nukittorsaqqikkumallugu.

Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik pillugu
Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik Namminersorlutik Oqartussat qitiusumik allaffissornikkut ingerlatsiviata ilagaa. Naalakkersuisoqarfiup isumagisarai pisortaqarfittut suliassat inuussutissarsiornermut,  suliffeqarnermut, niuernermut aamma nukissiuuteqarnermut tunngasumik suliassaqarfinniittut, kiisalu suliniutit aalajangersimasut inuussutissarsiornermut, suliffeqarnermut, niuernermut aamma nukissiuuteqarnermut attuumassuteqartut nuna tamakkerlugu suliniutaasut.

Naalakkersuisoqarfik suliassanik annertuunik siammasissunillu ingerlatsiviuvoq, naalakkersuinikkut saqqummiussassanik piareersaasiortarnerniit, inuussutissarsiortunut killiliussassanik ineriartortitsinermut, nalilersuinernut aamma ingerlaavartumik sulianik ataasiakkaanik ingerlatsinermut Naalakkersuisoqarfimmi suliassaqarfinni tamani, aammalu suliat ingerlanneqartut pillugit paasissutissiisarluni ingerlatsinermi.  

Suliassat ilaatigut makkuninnga imaqarput:
-   Suliffeqarnermut tunngasunik nalilersuinernik nalunaarutinillu suliaqartarnerit.
-   Naalakkersuisoqarfimmi suliniutini malitseqartitsisarneq ataqatigiissaarisarnerlu.
-   Paasissutissanik katersisarneq aaqqissuussinernillu nakkutiginninneq, tamatumani aamma politikkikkut aalajangiussanik malitseqartitsisarneq, 
-   Tusarniaanernit akissutissanik suliaqartarnerit, allakkiortarneq il.il. Naalakkersuisoqarfiup politikkikkut ingerlatsisuinut.

Qinnuteqartup ilisarnaatai
Ujarparput allaffimmi pisortaq piumassuseqartoq: 
-   Ilinniagartooq
-   Ingerlatsinernut tunngasunik, nalilersuisarnernik aamma suliniutinik assigiinngitsunik suliaqartarnissamut piumassuseqartoq. 
-   Sulianik ineriartortitsinermik aamma suliniutinik – projektinik – ingerlatsinermut piginnaaneqarluartoq, tamatumani aamma fagitigut siammasissumik periarsinnaassusilik,   
-   Suleqateqallaqqissoq oqaasertalersuillaqqissorlu. 
-   Piumassuseqartoq perusuttorlu ulluni assigiinngisitaartuni ulapiffiusunilu ingerlatseqataanissamut. 
-   IT-mut tunngasutigut nalinginnaasunik piginnaaneqartoq. 

Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik suliffiuvoq pissanganartoq. Ulluinnaat suliffigisagut immitsinnut pitsaasumik attaveqaqatigiinnermik ingerlatsiviupput, naalakkanullu attaviit naatsunnguullutik, namminerlu isummat periaatsillu sunniuteqarnissaannut inissaqartitsisoqarluni. 

Akissarsiat aamma atorfininnermi atugassarititaasut
Akissarsiat aamma atorfininnermi atugassarititaasut, tamatumani aamma atorfininnermut atatillugu soraarnermilu angalanerit pequtillu angallanneqarneri atorfininnerup nalaani Naalakkersuisut aamma kattuffiup susassaqartup akornanni isumaqatigiissutaasut naapertorlugit.

Ini
Atorfimmut atatillugu inissamik innersuussisoqassanngilaq. Qinnuteqartoq Namminersorlutik Oqartussani atorfeqarnerminut atatillugu ineqareersimaguit inigisaq tigummiinnarsinnaavat.

Qinnuteqaat
Annertunerusunik paasisaqarniaraanni attavigisassaavoq Immikkoortortami pisortaq / Afdelingschef Isak Nielsen Kleist, oqarasuaat +299 34 56 70 /+299 34 56 00, e-mail: isnk@nanoq.gl.

Qinnuteqaat Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut anngutereersimassaaq kingusinnerpaamik ulloq 24. marts 2017 uunga:

NAMMINERSORLUTIK OQARTUSSAT
Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfik
Postboks 1601, 3900 Nuuk

E-mail: isnk@nanoq.gl.

Qinnuteqaat nalunaaqutserneqassaaq ’Allaffimmi pisortaq’-imut imaqassallunilu paasissutissanik ilinniakkanut aamma siusinnersukkut suliffigisimasanut, ilinniakkanullu misilitsinnernut uppernarsaatit assilineri, suliffigisimasanit oqaaseqaatit il.il. ilanngunneqassallutik.

Qinnuteqaat e-mail-ikkut nassiussinnaavat, inussiarnersumillu qinnuigineqassaatit word aamma / imaluunniit pdf-format atoqqullugu.

Suliffeqarnermut, Niuernermut Nukissiuuteqarnermullu Naalakkersuisoqarfik annertunerusumik paasisaqarsinnaavutit uani: www.nanoq.gl. Nuummi angerlarsimaffeqarpugut, - tassanilu periarfissarissaarpoq pinialunnissamut, aalisarnissamut, umiatsiamik angalaarnissamut, nunami pisummik angalanissamut, sisorarnissamut allatigullu silami sammisaqartarnissamut. Illoqarfimmi innuttaasut 16.500 -iusut kulturikkut neqeroorutinik assigiinngisitaartunik periarfissaqarput, film-it nutaat saqqummiuteqqaarneqarneranni isiginnaarnissaannut, kulturikkut illorsuarmi Katuami sammisaqarnissamut, golf-ernissamut, nalunnguariarnissamut naluttarfimmi il.il. – annerusumik takusaqarsinnaavutit quppersakkani ukunani www.sermersooq.gl aamma www.greenland.com.

Søg stillingen online