Skip to main content
96

Dette jobopslag er udløbet

Ado Lyngep Atuarfia isumaginninnermut perorsaasumik pissarsiorpoq

Namminersorlutik Oqartussat, isumaliortaatsimikkut innarluutilinnut atuarfianni, Ado Lyngep Atuarfiani Aasianniittumi, isumaginninnermut perorsaasumik, atuarfiup ineqarfiutaani 1. maj 2017 imaluunniit isumaqatigiissuteqarnikkut sulilersussamik pissarsiorpoq.

Ado Lyngep Atuarfia isumaliortaatsimikkut innarluutilinnik 16-inik atuartuuteqarpoq. Atuartut 14-iniit 20-it akornanni ukioqarput angerlarsimaffitsik qimallugu immikkut ittumik atuartuunissamut pisariaqartitsisut. Atuarfiup siunertaraa, atuartut atuarnerminnik ingerlatitseqqissinnaanerat annertusassallugu, imlt. ulluinnarni inuunermi, sapinngisamik inuiaqatigit akornanni nammineersinnaanerusumik inooqataalersinnaanerat siunertaralugu sungiusassallugit.

Siunertap taamaattup pisariaqartilluinnarpaa, ilinniartitsisut, perorsaasut ikiortillu akornanni suleqatikkuminartuunissaq.

Atuarfiup angerlarsimaffittaani sulinerit nikerartuupput, ullaakkoortut, ullukkoortut, unnukkoorlutillu sulisarlutik. Sapaatip akunnerisa naaneri allortarlugit aamma sulisarlutik.

Ado Lyngep Atuarfiani sulisut tassaapput: Atuarfimmi pisortaq, pisortap tullia, ilinniartitsisut, perorsaasut, ikiortit, pedel, asaasorlu.

Perorsaasunut tunngatillugu:
Akissarsiat atorfinititsisarnerlu, ulloq unnuarlu perorsaasutut sulisut pillugit, Kaaallit Nunaanni Naalakkersuisut aammalu Nuntasinni Perorsaasut Kattuffiata NPK-p akornanni isumaqatigissutit atuuttut naapertorlugit ingerlanneqassapput.

Perorsaasumik atorfininnermut atatillugu inissaqartitsisoqassaaq, maleruagassat atuuttut malillugit akilersorneqartussamik. Malugeqquneqarpoq inissaqartitsinerput malillugu aatsaat atorfinititsissagata, atorfininnermut atorfeqarunnaarnermullu tunngatillugu angalanerit, isumaqatigiissutit qulaani pineqartut naapertorlugit pissapput.

Annertunerusumik paasisaqarusukkuit atuarfiup pisortaa Frantz Lundblad saaffigisinnaavat, tlf: 89 23 45 , imlt. mobil: 53 94 74, imaluunniit allaffingaluta uunga email: adolynge@adolynge.gl

Qinnuteqarnermut atatillugu ilinniagaqarsimanermut uppernarsaatit , siornatigullu suliffigisimasanut tunngasut, oqaaseqaatit assigisaallu, qinnuteqaammut ilanngullugit uunga nassiunneqassapput:

Ado Lyngep Atuarfia
Ikerasannguup Qaava 2 - 4
Postbox 320
3950 Aasiaat


Qinnuteqaat tingoreersimassuarput ulloq 5. April 2017.

Søg stillingen online