Skip to main content
90

Aalisarnermut Piniarnermullu Naalakkersuisoqarfik Aalisarnermut Immikkoortortaqarfik Immikkut Siunnersortitut imaluunnniit Siunnersortit pisortaannik pissarsiorpoq

Aalisarnermut Piniarnermullu Naalakkersuisoqarfimmi, Aalisarnermut Immikkoortortaqarfik, Immikkut Siunnersortimik imaluunniit Siunnersortit pisortaannik pissarsiorpoq, taannalu pingaarnertut aalisarnermut isumaqatigiinniartarnernik suliaqartassaaq, kiisalu aalisarnerup iluani aaqqissuussaasumik ineriartortitsinermi suliassanik sinaakkusiisassalluni.

Immikkoortortaqarfimmut atorfimmullu tunngatillugu
Aalisarnermut immikkoortortaqarfimmi Kalaallit Nunaanni aalisarnermik naalakkersuinikkut ingerlatsinermik ulluinnarni allaffissornikkut aqutsineq piviusunngortitsisarnerlu suliarineqartarput.
Atlantikup avannaani EU-milu Nunanilu illugiilluni aalisarnikkut isumaqatigiissuteqartarnerit immikkoortortaqarfiup akisussaaffigai, aalisakkat ataatsimoorussat isumaqatiginninniutigineqarneri pillugit nunat sineriallit isumaqatigiinniartarnerannut peqataasarpoq, nunani aalisartut kattuffiinut soorlu ukununnga NAFO, NEAFC aamma NASCO taamatullu nunat avannarliit issittormiullu suleqatigiinnerinut.
Immikkoortortaqarfik pisassiissutinik aalajangersaanernut siunnersuutinik suliarinnittarpoq, aammalu allat aalisarnermik ingerlatsinermut suliniuteqartut.
Aqutsinissamik pilersaarusiortarneq immikkoortortaqarfiup suliassaasa aamma ilagaat.
Naalakkersuinikkut aalajangiisartut qanillugit sulisoqartarpoq taamaammat suliassat ilarpassui ministerinik sullissinerusarput aamma tamakkununnga tunngasuni Naalakkersuisut ingerlatsinerannik malitseqartitsinerusarlutik taamatuttaaq ineriartortitsinermik suliassanut peqataanerusarlutik.
Kalaallit Nunaanni aalisarneq assut naalakkersuinikkut eqqumaffigineqarpoq soqutigisat aporaassutaasartut amerlaqalutik.

Tamannarpiaq pissutaalluni suliassaqarfik pissanganartuuvoq unammilligassartaqarlunilu.
Persuarsiornanngitsunik avatangiiseqarluta sulivugut suliassallu assigiinngiiaartorpassuit naammassiniartarlugit, inuttut ataasiakkaarluta aamma suleqatigiinni assigiinngitsunik inuttalinni annikinnerusuni aamma pisortat suliassaqarfiinik allanik kattuffinnillu akuttunngitsumik suleqatiginnittarluta.
Ullut suliffiit taamaammat ilaannikkooriarlutik ulapiffiusarput saniatigut amerlaqisunik suliassartaqarfiusarlutik unammilligassartaqartarlutillu soorlu assersuutigalugu naalakkersuinermik suliallit isummernissaannut tunngavissianik suliaqarneq, isumaqatigiinniarnissanik piareersaanerit, sinniisuusarneq, ataatsimiinnissamik piareersaaneq taamatullu nalinginnaasumik sulianik suliarinnittarneq.
Taamaammat nammineerlutit sulisinnaanissannut piareersimassaatit ilaatigut nunanut tamalaanut tunngatillugu suliassanik peqatigitillugulu ingerlatsinermik suliassanik nuannarisaqarlutit.

Suliassat:
Makku suliassavit ilagissavaat:
  • Sinaakkusiliineq aalisarnermik periusissanut, naalakkersuinikkut allaffissornermullu tunngatillugu ineriartortitsinissamut
  • Kalaallit Nunaata nunani tamalaani nunanullu allanut pisussaaffiinik isumaginniinnartarneq.
  • Kalaallit Nunaanni nunanilu allani pisortatigoortumik tikeraarnernik ataatsimiinnernillu pilersaarusiortarneq
  • Suliassaqarfimmi Naalakkersuisunut ilaasortamik naalakkersuinermut tunngasunik aamma aalisarnikkut naalakkersuinermi ingerlatsinikkut apeqqutit pillugit Naalakkersuisunut tamarmiusunut sullissineq
  • Ulluinnarni sulisunut aqutsineq immikkoortortami aqutsisumik tunuliaqutaqarluni

Piginnaasat:

Naatsorsuutigaarput, illit:
  • Ilinniagartuutut naleqquttumik ilinniagaqarsimassasutit
  • Nunani tamalaani suleqateqarsinnaanermik isumaqatigiinniarsinnaanertigullu misilittagaqarnissat
  • Sammisamut immikkut ittumik ilisimasaqarneq
  • Nammineerluni sulisinnaasoq ilusilersuisinnaasoq anguniakkanillu aalajangiussisimalluartoq.
  • Kalaallisut oqalussinnaanerpit piumaneqarnerata saniatigut danskisut tuluttullu allattarissanik oqaluinnarlutillu erseqqissuliorsinnaassasutit
  • Suleqatigiuminartuunissaq
  • Sulinermut suleqatinullu tamatigoortumik ilalaartumillu isummertarnissaq
Qinnuteqartut inatsisilerinermik ilinniarsimasuunissaat imaluunniit pikkorissarsimasuunissaat, aamma kalaallit oqaasiinik atuisinnaassusillit aammalu allassinnaassusillit piumaneqarnerussapput.

Angalasarnerit
Aalisarnermut isumaqatigiinniarnernut atatillugu piffissap ilaatigut angalasarnissat naatsorsuutigisariaqassapput.

Akissarsiat atorfinitsitaanermilu atugassarititaasut
Akissarsiat atorfininnermilu atugassarititaasut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sapaatit akunneranut nalunaaquttap akunneri 40-t suliffiusarput.
Atorfinitsitsinissaq nalilersuilluarnikkut piumaarpoq.

Najugaq
Atorfimmut atatillugu sulisunut inissiamik innersuussisoqarsinnaanngilaq.
Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa.
Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Attavigisassat/ilisimatitsissutit:
Atorfik pillugu annertunerusunik paasisaqarusukkuit, attaveqarfigisinnaavat Immikkoortortaqarfimmi pisortaq Kunuk Holm Oq. +299 34 52 28 mail-ikkulluunniit: kunh@nanoq.gl.

Namminersorlutik Oqartussat pillugit paasisaqarnerorusukkuit, ugguuna paasissutissat allat www.nanoq.gl, Atorfiit ataani atuarsinnaavatit.

Qinnuteqaat
Qinnuteqarnissamut killigitinneqarpoq ulloq 05. juli 2017.

Søg stillingen online