Skip to main content
100

Dette jobopslag er udløbet

Teknikimik Ilinniarfik, KTI/ Aatsitassalerinermik Ilinniarfik Sanaartornermi ingeniørimik imaluunniit Issittumi ingeniørimik Sisimiuni ilinniartitsisuusussamik pissarsiorpoq Aatsitassalerinermik Ilinniarfik

Sisimiut sanaartornermut ingeniørimik imaluunniit Issittumi Ingeniørimik sanaartornermi aamma aatsitassalerinermi suliassanik ilinniartitsisussarsiorpoq.
Tamatuma saniatigut naatsorsuutigissavat qaartiterinermut tunngasunut ilitsersuisussatut ilinniartitaaneq.

Uagutsinni ilinniartitsisutut inersimasunik aamma inuusuttunik taakkulu ilinniartinneqarnerannik soqutiginnittuuvutit.
Aqutsisunik aamma ilinniartitsisunik suleqatigisassannik suleqateqarnissamut piareersimavutit, taamaaliornikkut ilinniartut Aatsitassalerinermik Ilinniarfimmi ulluinnarni sapinngisamik pitsaanerpaamik pissarsiaqartinniarlugit.
Aatsitassalerinermik Ilinniarfimmi ilinniartitsinerup pitsaasuujuaannarnissaanut perusussuseqaruit piginnaaneqaruillu, taava atorfissaqartippatsigit. Uagutsinnut pingaartuuvoq - minnerunngitsumik ilinniartunut, illit ilinniakkatigut pikkorissuunerit aamma illit faginnik ingerlatitseqqiisarnermut perusussuseqarnerit piginnaaneqarnerillu.
Aatsitassalerinermik Ilinniarfik/KTI Aatsitassalerinermik Ilinniarfik-Sisimiut KTI-mi ilinniartitaanerit Nuummi Sisimiunilu inissisimasut ilagaat.
Aatsitassalerinermik Ilinniarfiup pikkorissartitsinerit arlaqartut akuersissummik peqalernissamut kinguneqartut neqeroorutigisarpai, angunigaralugulu inuussutissarsiornermi ilinniartitaanerit pikkorissartitsisarnerillu nunani tamalaani atorneqarsinnaasutut neqeroorutigisalernissaat.
Aatsitassalerinermik Ilinniarfiup nunaminertaq angisooq sungiusartarfigaa, tassani ilinniarfiup maskiinaatai aamma atortui piviusumik atorneqarnissaat misilerarneqartarlutik.
Kulturinut assigiinngitsunut paasinnissinnaaneq maniguuttuunerlu kiisalu inuusuttut pillugit suliaqarusussuseqarneq oqaatigineqareersutut pædagogiskiusumi pingaarnerpaatut qitiutinneqarput.

Naatsorsuutigaarput:

  • Sanaartornermi ingeniøritut imaluunniit Issittumi Ingeniøritut ilinniagaqartuunerit
  • Inuussutissarsiornermi minnerpaamik ukiuni 2-5-ini misilittagaqartuunerit
  • IT-mik piginnaaneqarnerit
  • Suliniuteqartarnermut sammisunik ilinniartitsinerup pisussaaffeqartumik pædagogiskiusumik peqataaffiginissaanut qunujanngitsuusutit
  • Sungiussiasuuvutit aamma qunujaanngitsuusutit Aatsitassalerinermik Ilinniarfimmi tamanik aqutsisunik aamma suleqatinik suleqateqarnissamut.

Akissarsianut- aamma atorfeqartitaanermi atugassarititaasut
Akissarsianut aamma atorfeqartitaanermi atugassarititaasut taakkununnga ilanngullugit atorfinitsitaanermut atatillugu angalanissamut pisinnaatitaaffik aamma nuunnermi pequtit assartorneqarnissaat Namminersorlutik Oqartussat aamma kattuffiup isumaqatigiinniarsinnaatitaasup akornanni isumaqatigiissutit atorfinitsitaanerup nalaani atuuttut tunngavigalugit ingerlanneqassapput, soorlu assersuutigalugit AC-p Namminersorlutik Oqartussanut isumaqatigiissutaa.

Ineqarneq
Atorfimmut atatillugu maleruaqqusat sukkulluunniit atuuttut tunngavigalugit inissamik pequsersorneqanngitsumik innersuussisoqassaaq. Ineqarnermut akiliut aamma iserternermi qularnaveeqqutitut akiliutit akilerneqassapput inissamut innersuussutigineqartumut maleruaqqusat sukkulluunniit atuuttut tunngavigalugit.
Ineqarnermut akiliutit aamma inigisap qanoq pitsaassusia assigiinngiiaarsinnaapput inissiap qanoq pisoqaatiginera tunngavigalugu.
Atorfeqartitaanermut atatillugu inigisaq innersuussutigineqartoq atorfimmut tunngavoq taamaattumillu suliunnaarnermut atatillugu qimanneqassalluni.
Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq tamatumani aammattaaq pineqarput ataatsimoortumik inissiat imaluunniit hotelini inissiat.

Kingusinnerpaamik qinnuteqaateqarnissamut piffissarititaasoq 04. augusti 2017.
Atorfik sapinngisamik piaartumik inuttalerneqarusuppoq imaluunniit isumaqatigiissuteqarnikkut.

Atorfik pillugu annertunerusumik paasisaqarniaruit Ilinniartitaanermut Pisortaq Hans Hinrichsen nangaassuteqarnak saaffigisinnaavoq, telefon +299 53 29 88 imaluunniit e-mail hahi@sanilin.gl aqqutigalugit.

Nittartagarput takuuk www.kti.gl
Illoqarfiup nittartagaa aammattaaq takuuk: www.qeqqata.gl

Kalaallit Nunaat pillugu paasissutissanik annertunerusunik kissaateqaruit annertunerusumik atuarsinnaavutit uani www.naalakkersuisut.gl.

Søg stillingen online