Skip to main content
80

Dette jobopslag er udløbet

Siunnersutimik perorsaanermut ilinniatitsinermullu tunngasunik statistikimik nalilersuinermullu suliaqartumik

Namminersorlutik Oqartussat ataanni, Ilinniartitaanermut Aqutsisoqarfimmi perorsaanermut ilinniartitsinermullu tunngasunik statistikimik nalilersuinermullu suliaqartumik siunnersortitut atorfik matumuuna 1. novemberimiit inuttassarsiuunneqarpoq imaluunniit immikkut isumaqatigiissuteqarnikkut.

Atorfik perorsaanermut ilinniartitsinermullu sammisaqarluni suliassaqarfiup immikkoortortaani inissisimavoq immikkoortortaqarfimmilu pisortamit perorsaanermut ilinniartitaanermullu tunngasutigut suliassaqarfimmi akisussaaffigineqarluni.

SIUNNERSORTIP SULIASSAI
Ilinniartitaanermut Aqutsisoqarfiup ataani nalilersuinermut tunngatillugu suliat ingerlanneqartut pillugit susassaqarfiit arlaqartut akimorlugit sulisinnaasumik inummik pissarsiorpugut. Suliassat ilagaat, paasissutissanik katersineq, misissueqqissaarneq siammarterinerlu, statistikimut tunngasunik suliaqarnermi sakkunik ineriartortitsineq aserfallatsaaliinerlu, atuarfinni pisortanik ikorfartuineq attaveqatigiinnermullu sakkunik atuineq. Taakkua saniatigut pikkorissartitsinernik ingerlatsineq nalilersuisarnernilu kulturimik ineriartortitsineq Ilinniartitaanermullu Naalakkersuisoqarfimmut kiffartuussineq.

Naatsorsuutigaatsigit imaattuusutit:

  • Ilinniartitsisoq – aamma/imaluunniit inuiaqatigiilerinermik ilisimatusarsimasutut tunuliaqartutit.
  • Kalaallit Nunaanni meeqqat atuarfianni ilinniartitaanerullu aaqqissuussaaneranut sukumiisumik ilisimasaqartuusutit.
  • Atuarfiit aqunneqarnerannut ulluinnarnilu ingerlaasii pillugit sukumiisumik ilisimasaqartutit.
  • Statistikilerinermi sakkunik atuinermik misilittagaqartutit.
  • Atuarfiit allaffissornikkut ingerlanneqarnerat pillugit ilisimasaqartutit.
  • Kalaallisut qallunaatullu, tuluttulluunniit aamma oqaluttariarsorluni allattariarsorlunilu suliaqarnermi attaveqaqatigiinnermut siammarterinermullu tunngasunik piginnaasaqarluartutit.
  • Ataatsimoorluni suleqatigiittut sulinermi suleqatikkuminartuusutit namminersorluarsinnaalluartutillu.

Akissarsiatigut atorfimmilu atugassarititaasut
Atorfik pillugu inissisimaffissaq akissaatillu isumaqatiginninniutigineqarput.

Aallaqqaammut immikkut isumaqatigiissuteqarluni atorfilinnut atugassarititaasut naapertorlugit atorfinitsitsisoqassaaq. Qinnuteqartoq tjenestemanditut Kalaallit Nunaanni pisortani tjenestemanditut atorfilinnut inatsisit malillugit atorfeqareersimappat tjenestemanditut atugassarititaasut naapertorlugit atorfinitsitsisoqarsinnaavoq.

Akissarsiat atorfeqarnermilu atugassarititaasut, atorfinitsinneqarnermullu atasumik nuunnermut soraareernerullu kingorna utimut angalanermut pequttanillu assartuussinermut aningaasartuutit pillugit, Kalaallit Nunaanni Namminersorlutik Oqartussat IMAK-illu akornanni isumaqatigiissutit atuuttut naapertorlugit akiliunneqarnissamut pisinnaatitaavoq.

Atorfimmut sulisunut inissiamik innersuussisoqarsinnaanngilaq.

Annertunerusumik paasissutissanik pissarsisoqarsinnaavoq aqutsisoqarfimmi pisortaq Simon Lennert, sile@nanoq.gl saaffigalugu.

Qinnuteqaat immikkut ilanngussanik pisariaqartunik ilalik uunga nassiunneqassaaq:

Ilinniartitaanermut Aqutsisoqarfik
Postbox 1610
3900 Nuuk


Qinnuteqaat Ilinniartitaanermut Aqutsisoqarfiup kingusinnerpaamik tigoreersimassavaa 18.september nal. 12.00.

Søg stillingen online