Skip to main content
112

Dette jobopslag er udløbet

Sisimiuni niviarsissat/inuusuttunut 14-init 18-inut ukiullit pillugit suliniummut Pilutaq-mut suliniummut aqutsisoq

Annertuumik sunniuteqarfiulluartumik ineriartorfiulluartumik allaanerusumillu pissarsinarluartumut atorfimmut soqutiginnissinnaavit, taava immaqa atorfik una ilinnut tulluartuuvoq.

Isumaginninnermut Aqutsisoqarfimmi Sisimiuni ulloq unnuarlu paaqqinnittarfik suliniummut Pilutamut suliniummut aqutsisussamik oktoberip aallaqqaataani 2017-imi taassumaluunniit kingorna siusinnerpaamik atorfinittussamik pissarsiorpoq.

Pilutaq tassaavoq suliniut niviarsissanut/inuusuttunut arfinilinnut 14-inik 18-inut ukiulinnut immikkut aaqqissuussamik perorsaanermik, pingaartumillu Borderlinemik nappaatilinnik, imalik. Pineqarput niviarsiaqqat nakuusernermit sumiginnagaanermillu eqqugaasimasut atornerluinermillu ajoqusersimasut. Inuit taamaattut ilisarnaataat tassaavoq misigissutsikkut inoqateqarnermilu ajornartorsiutit pissutaallutik katsorsaanermut neqeroorutinut nalinginnaasunut tulluanngitsut.

Pilutap sullinniakkat inoqateqarsinnaanermut pitsanngorsarniarnissaat sammivaat, taakkununnga ilaallutik inuusuttut inuttut naleqassutsip piginnaasallu annertusarnissaat, aammalu inunnik allanik attaveqartarnerit, ataatsimoortarnerit ilanngullugit aammalu inuttut pissusilersortarneri malittarisassat nalinginnaasut malinnissaat.

Suliniummut aqutsisutut suliniummik ilusilersuinissamut ineriartortitsinissamullu immikkut illuinnartumik suliaqassaatit.

Neqeroorutigaavut:

  • Suliniummik ataavartumik ilusilersuinissamut ineriartortitsinissamullu periarfissaq
  • Ulluinnarni sulissutigisanut ingerlatanullu nutaanut annertuumik sunniuteqarneq
  • Suliffeqarfik ineriartortitsinernik suliassanillu paasisimasaqarnermik pingaartitsisoq
  • Perorsaanikkut aqutsinikkullu tunngasutigut suliaqartarnernik ineriartortitsisarnerit unammilligassallu
  • Isumaginninnermut Aqutsisoqarfimmi ulloq unnuarlu paaqqinnittarfinnut immikkoortortaqarfimmi sulianut tunngasunik attaveqateqarnissamut periarfissaq.
  • Pisortanik allanik suliatigut suliaqartunik allanik siunnersuisussamik aaqqissuussineq
  • Pisortat ukiumoortumik isumasioqatigiinneranni ataatsimeersuarnerinilu peqataasarneq

Kissaatigaarput:

  • Meeqqanik inoqatinillu nuannarisaqartuusutit
  • Sullitassat pillugit ukiorpassuarni misilittagaqartuusutit
  • Inatsisiliornermut attuumassuteqartunik ilisimasaqassasutit
  • Akuersaartumik isiginnittariaaseqarneq aallaavigalugu atassuteqarnernik pitsaasunik pilersitsisinnaasutit
  • Aqutsisuunermik misilittagaqassasutit suliassanillu agguaassisinnaassasutit
  • Ulloq unnuarlu paaqqinnittarfinnik namminersorlutik oqartussanit pigineqartunik allanik suleqatigiinnermut ilanngunnissamut piumassuseqartutit
  • Ulloq Unnuarlu Paaqqinnittarfinnut immikkoortortaqarfimmik/Isumaginninnermut Aqutsisoqarfimmik qanilaartumik kinguneqartussamillu suleqateqarnissamut piareersimasutit
  • Meeqqanut inuusuttunullu ulloq unnuarlu neqeroorutit iluini misilittagaqarluartutit
  • Takorluugalik siumullu isigisoq
  • Ammasumik takussutissiisumik ammasumillu sulerusussuseqassasutit
  • Perorsaanikkut allaffissornikkullu suliassat inatsisit naapertorlugit pissusissamisoortumik naammassineqartarnissaannik nakkutiginnissasutit.

Kissaatigaarput, allatatigut oqaatsitigullu kalaallit danskillu oqaasiinik piginnaasaqarluarnisssat.

Paasissutissat allat
Piffissaq suliffiusussaq sapaatip akunneranut nalunaaquttap akunnerinik 40-nik sivisussuseqarpoq.

Atorfik pillugu paasissutissanik annertunerusumik pissarserusukkuit, tikilluaqqusaavutit attavigissallugu immikkoortoqarfimmi pisortaq Naja H. Abelsen oqarasuaat +(299) 34 66 48 imaluunniit mail-ikkut; naha@nanoq.gl.

Aningaasarsiat atorfeqartitaanermilu atugassarititaasut
Aningaasarsiatigut aamma atorfeqartitaanermi atugassarititaasut, taakkununnga ilanngullugit akiliunneqarluni atorfinikkiartorluni soraarlunilu angalasinnaatitaaneq aamma pequtit nuunneqarsinnaanerat isumagineqartarput, Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni atorfinitsitaanermi piffissami atuuttumi isumaqatigiissutaa/sulisunut isumaqatigiissutaa naapertorlugu.

Qinnuteqaat
Qinnuteqaat ilinniarsimasanut atorfimmut attuumassuteqartunik allagaatinik, pinerluuteqarsimannginnermut uppernarsaammik, siusinnerusukkut atorfigisimasanit oqaaseqaammik Ulloq Unnuarlu Paaqqinnittarfiup oqaaseqaatiliortumut attavigineqarnissaanut akuersissutitalimmik imaqassaaq. Aammattaaq meeqqanik innarliisimannginnermut uppernarsaatinik piumasaqaatitaqarpoq.

Qinnuteqarnissamut killinga ulloq 22 September 2017-imut ullulerneqarpoq atorfinitsinneqarnissamullu oqaloqitigiinnissaq sap. ak. 39-imut imaluunniit taassuma kingorna siusinnerpaamik pinissaa naatsorsuutigineqarpoq.

Søg stillingen online