Skip to main content
112

Dette jobopslag er udløbet

Sisimiuni Allorfik Qeqqata-mi atornerluinermik katsorsaasut marluk

Sisimiuni Allorfik Qeqqata atornerluinermik katsorsaavik pilersinneqaqqammersoq atornerluinermik katsorsaasunik pingasunik pissarsiorpoq. Atorfiit 1. Oktober 2017 imaluunniit isumaqatigiissuteqarnerup kingorna inuttalerneqassasut kissaatigineqarpoq.

Ilinniagaqarnermut tunngatillugu naatsorsuutigaarput tunngaviusumik ilinniagaqartutit, soorlu ilinniartitsisutut, perorsaasutut, isumaginninnermut siunnersortitut, peqqissaasutut assigisaanniluunniit. Tamatuma saniatigut pitsaassaaq atornerluinermik katsorsaasutut, ilitsersuisutut nakkutilliisutullu, psykoterapeutitut assigisaanilluunniit qaffasinnerusumik ilinniagaqarsimaguit.

Allorfik Qeqqata Sisimiuni katsorsaaviuvoq pilersinneqaqqammersoq, tamatumani Qeqqata Kommuniani innuttaasut imigassamik, ikiaroornartumik aningaasanoorajunnermillu ajornartorsiutillit eqqarsartaatsikkut pissusaannik allanngortitsiniarnikkut katsorsarneqartassapput. Katsorsaavik pingasunik atornerluinermik katsorsaasunik allatsimillu allatsimik inuttalerneqarnissamut akuerisaavoq.

Allorfimmi katsorsaariaaseq katsorsaanermi eqqarsartaatsikkut pissuserisamik allanngortitsiniarnermik tunuliaqutaqarpoq. Allorfiup atornerluinermik katsorsaasutut ilinniartinneqarnissat isumagissavaa. Atornerluinermik katsorsaasutut ilinniartinneqarnissannik qaffasinnerusumillu allamik ilinniagaqalernissannik kiisalu Danmarkimi suliffeqarfimmi suleqatigisatsinni ilinniartinneqarnissannik neqeroorfigisinnaavatsigit.

Allorfik Qeqqata-p Qeqqata Kommunia tamaat sullitarivaa. Taamaattumik angalasoqarsinnaasassaaq.

Atornerluinermik katsorsaasutut ilaatigut

  • Imigassamik, ikiaroornartumik aningaasanoorajunnermilu atornerluisunik katsorsaasassallutillu ilitsersuisassaatit
  • Katsorsartereernermi ingerlaqqinnissamik sullissisassaatit qanigisanillu katsorsaasarlutit
  • Motivational Interviewing atorlugu katsorsartinnissamut kajumissaarisassaatit
  • Qulaajaallutit oqaloqateqartassaatit kiisalu katsorsaanerup aallartinnerani, katsorsaanerup naammassinerani katsorsaanerullu naammassinerata qaammatit arfinillit qaangiukkaangata atornerluinermik nuna tamakkerlugu nalunaarsuiffimmut nalunaarusiortassallutit
  • Innuttaasut ingerlariaqqinnissaannut katsorsartinnissaannullu ajornartorsiutaasunut tunngatillugu kommunimik suleqateqassaatit

Naatsorsuutigaarput:

  • allannguinissamut piareersimallutillu tatituujullutillu nuannaartuusutit
  • sullitat qitiutissinnaagitit kajumissaarinermillu suliaqarsinnaasutit
  • namminersorlutit sulisinnaasutit akisussaaffimmillu tigusisinnaasutit
  • ullup ingerlanerani suliassannik aaqqissuussilluarsinnaasutit
  • suliamut tunngatillugu alaatsinaattuusutit ikiaroornartunillu suliaqarnerup iluani ilinniaqqittuarnissamik kissaateqartutit

Katsorsaaneq kalaallisut ingerlanneqarnerussaaq ilinniartitaanerli qallunaatut ingerlanneqarnerussalluni. Taamaattumik marluinnik oqaaseqartussaatit.

Atorfimmut atatillugu ineqartitsisoqanngilaq.

Aningaasarsiatigut aamma atorfeqartitaanermi atugassarititaasut, taakkununnga ilanngullugit akiliunneqarluni atorfinikkiartorluni soraarnermilu angalasinnaatitaaneq aamma pequtit nassiunneqarsinnaanerat isumagineqartarput Namminersorlutik Oqartussat aamma pineqartup kattuffiata isumaqatiginninniarsinnaatitaasup akornanni isumaqatigiissutit atuuttut naapertorlugit.

Ulloq qinnuteqarfissaq kingulleq 13. september 2017.

Atorfiit pillugit apeqqutissaqaruit attavigissavat nakorsatut siunnersortaaneq Birgit Niclasen oqa. 525343, mail bivn@allorfik.gl.

Søg stillingen online