Skip to main content
96

Dette jobopslag er udløbet

Saqqummiuteqqitaq - Nuna tamakkerlugu innarluutilinnik sullissivissaq Pissassarfik isumaginninnermi siunnersortimik ataqatigiisaarisuusussamik sulisussarsiorpoq

Sullissivissami nutaami, suliamik ilisimasaqassutsip ilisimasanillu paarlaasseqatigiinnerup pingaartinneqarfianni nuna tamakkerlugu innarluutilinnut tunngasutigut ineriartorneq sunneeqataaffigalugulu pitsanngorsaaqataaffigerusuppiuk? – Taamaappat immaqa tassaavutit suleqatitaassarput…  

 

Ulloq atorfiniffissaq: 1. februar 2018 imaluunniit isumaqatigiissuteqareernikkut.  

 

Atorfik pillugu

 

Pissassarfik ukiortaap aallartinnerani 2018 aallartittussatut naatsorsuutigineqartoq, ilutsimigut tunngavimmigullu nutaarluinnaavoq. Sullissivik siunertamut Sisimiuni nutaatut sanaajuvoq, Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfiup ataani immikkoortuulluni.  

 

Pissassarfik nuna tamakkerlugu nukissatigut katersuuffiussaaq, siunnersuisarnermik, ilitsersuinermik aamma innuttaasunik innarluutilinnik ataasiakkaanik sungiusaanermik suliaqassalluni – meeqqanut inersimasunullu. Saniatigut qanigisaasunut sullissisunullu ilinniartitsinerit ilitsersuinerillu neqeroorutaasassapput. Sullissinerit pineqartut sullissivimmi imminermi innuttaasullu ataasiakkaat najugaqarfiini pisariaqartitsiffiusuni pisassapput. Innuttaasut mianerinissaat aamma innarluutilinnut tunngasut nuna tamakkerlugu inerisarnissaat pissutigalugit, pingaartuuvoq sullissiviup kommuninik suleqateqarnerata sapinngisamik qanimut inerisarluakkamillu pisarnissaa. Tamatumani pineqarpoq ilisimasanik paarlaasseqatigiinneq, siunnersuineq aamma kommunimi sulisunut anguniagaqarluartumik piginnaasanik inerisaanissamik neqerooruteqartarnissaq. Atorfik angalanertaqartartussaavoq, suliassat suliarineqartartussaammata sumiiffinni siunertamut naapertuunnerpaajusuni.  

 

Sulininni sulianut assigiinngitsorpassuarnut peqataatinneqartassaatit, taakkunanilu illit suliamut tunngatillugu ilisimasatit atorlugit innuttaasumut pitsaanerpaamik aaqqiinissamut tunniussaqartassallutit. Tamatumani pineqarput suleqatinnut ilisimasanik tunniussaqarsinnaaneq aamma passussinermut pilersaarusiornermut siunnersuuteqarluni ilanngussaqarneq.  

 

Ilimagivarput:

 

-   Isumaginninnermi siunnersortitut ilinniagaqarnissat

 

-   Isumaginninnermut tunngasutigut minnerpaamik ukiuni pingasuni sulinermik misilittagaqassasutit

 

-   Innarluuteqarnermut tunngasut pillugit paasissutissanik inerisaanermik, sanaartornermik siammaassinermillu suliaqassasutit

 

-   Innuttaasunut, qanigisaasunut sulianut aalajangersimasunut sulialinnut ilaallu ilanngullugit siunnersuillutillu ilitsersuisinnaanissat

 

-   Illit suliassaqarfinnut naleqqiullugu qularnaassagit, sullissiviup periutsit pitsaanerpaat naapertorlugit suleriaaseqarnera, inersimasunut meeqqanullu tunngasutigut

 

-   Allattuinermik il.il. suliaqassasutit

 

-   Sulianni atugassanik atortussiorsinnaassasutit

 

-   Atuisutut IT-mik ilisimasaqassasutit  

 

Neqeroorutigivagut:

 

-   Atorfik pissanganartoq, neqeroorutip periutsillu nutaarluinnaap inerisarnerani sunneeqataaffigisinnaasat

 

-   Atorfiup imarisaata ulluinnarni periutsitut ilusilernissaanut oqartussaaqataaneq

 

-   Sulinermi avatanngiisit, suleqatinit pikkorissunit unammilligassinneqarfigisatit, illillu taakkuninnga unammilligassiiffigisinnaasatit, imminullu unammilligassillutit

 

-   Suliffik inunnik innarluutilinnik angusaqartitsiffissatut pilersitaq, suliallu nalinginnaasumik suliatigut killiffigisanik qaffassaaffiusoq

 

-   Suliffik assigiinngissutsit pingaartinneqarfiat, sullivimmilu avatangiisit pimoorunneqarfiat  

 

Akissarsiatigut atorfinitsitaanermilu atugassarititat

 

Akissarsiatigut atorfinitsitaanermilu atugassarititat, tamatumunnga ilannngullugit atorfininnermi soraarnermilu angalanermik kiisalu pisattat angallannerinik akiliunneqarsinnaatitaaneq, aalajangersarneqassapput atorfininnerup nalaani Namminersorlutik Oqartussat pineqartullu kattuffiata isumaqatigiinniarsinnaatitaasup akornanni isumaqatigiissutit atuuttut naapertorlugit.  

 

Piffissaq suliffissaq tassaavoq sapaatip-akunneranut nalunaaquttap-akunneri 40-t.

 


Ineqarneq

 

Atorfimmut atatillugu malittarisassat sukkulluunnit atuuttut naapertorlugit pequsersugaanngitsumik inissaqartitsisoqarsinnaavoq. Ineqarnermut akiliut qularnaveeqqutillu inimut innersuunneqartumut atatillugu malittarisassat sukkulluunniit atuuttut naapertorlugit akilerneqassapput. Suliamut atatillugu ineqarneq atorfeqarnermut attuumavoq, atorfeqarnerullu taamaatinnerani qimanneqassalluni.

 

  Inimut akiliutit inillu qanoq ittuunera nikerarsinnaapput, ineqarfissap pisoqaassusaa, piginnittoqarnera il.il. apeqqutaallutik. Inissamik ataavartumik innersuunneqarnissaq utaqqisariaqarsinnaavoq, taamaammallu utaqqiisaagallartumik inissiisoqarsinnaalluni, tamatumani aamma najugaqatigiiffinni mikinerusuni imaluunniit hotelitut inissiani, tamannalu akileraarutigineqassaaq.

 

  Paasissutissat annertunerusut

 

Atorfik pillugu annertunerusunik paasiniaaniaruit Sullissivimmi pisortaagallartoq Martha Labansen attavigisinnaavat, tlf. +299 53 87 02 imlt. E-mail: mlab@nanoq.gl atorlugit.  

 

Namminersorlutik Oqartussani sulineq pillugu paasissutissarsiorusukkuit uani annertunerusunik paasissutissaqarpoq: www.naalakkersuisut.gl, ”atorfiit” ataanni.  

 

Qinnuteqarneq

 

Inuttassarsiussinermi qinnuteqarfissaq ulloq kingulleq 18. januar 2018 ilanngullugu.  

 

Oqaloqatiginninnerit ilimagineqarpoq pissasut sapaatip akunnera 4, toqqarluni oqaloqatigiinnertut imaluunniit videokonference atorlugu ingerlanneqassallutik.

 

  Søg stillingen online