Skip to main content
85

Dette jobopslag er udløbet

PI/SPS Ilinniarnermi aqutsisussaq

Perorsaanermik ilinniartitaanernut pikkorissartitsinermilu ingerlatanut ineriartortitsisussamik ilinniarnermi aqutsisussarsiorneq.

Perorsaanermik Ilinniarfik 250 missaanik ilinniartoqarpoq ilinniartitaanernut assigiinngitsunut tallimanut agguataarsimasut: isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq kiisalu ulluunerani meeqqanik sullissinermi ikiortinngorniarneq. Maannakkut 45 missaanik sulisoqarpugut taakkunannga 20-t ilinniartitsisuullutik. Seminariap Ilulissaniittup saniatigut PI/SPS Sisimiuni, Maniitsumi, Nuummi Qaqortumilu immikkoortortaqarfeqarpoq. Kalaallit Nunaanni kisiartaalluta perorsaanermik Ilinniarfiugatta nunani tamalaani perorsaanermik ilinniarfinnik ilisimasaqarfinnillu allanik paasisassarsiortarpugut suleqateqatiginnittarlutalu, soorlu The University of the Arctic – UArctic attaveqarfik ilaasortaaffigigipput. Seminariap 2010-mi Piorsaavik Ilulissani, Perorsaanermik isumaginninnermilu suliaqarneq pillugu Ilisimasaqarfik pilersippaa. Piorsaavimmi anguniagaavoq Kalaallit Nunaanni perorsaanermik sulinerup iluani ilisimasat  ineriartortissallugit, katersussallugit siaruartissallugillu. Sulinermut tassunga piginnaanngorsaaqqinneq pikkorissartitsinerillu ullumikkut ilaasorujussuupput.

Ilinniartitaanermi pikkorissarnermi ineriartortitsinermilu aqutsisorput atorfimminiik soraarniorteqarnera pissutigalugu aggustip aallaqqaataani imal. siusinnerusukkut socialassistentinut bachelorinngorniartunullu aqutsisussarsiorpugut. Danmarkimi perorsaanermik ilinniarfiit suleqatigisartakkagut suleqatigalugit Kalaallit Nunaanni ineriartortitsinermi ilisimatusarnermilu pilersaarusiat PI/SPS’imiik ataqatigiissaarisuussaatit.  Taassumap saniatigut atorfimmi piorsaavimmi pisortatut ilinniartitsisut piginnaasaannit ataqatigiissaarineq ingerlatissavat.

Pisortat nukittuut arfineq marluusut ilagissavaatsit. PI/SPS’imi suliassaqarfiupput ilinniartitaaneq, ilinniartullu qitiutippavut. Suleqatigiilluta ineriartortitsineq ingerlapparput, nutaanik ilisimasanik nutaanillu pilersitsiniarneq ilinniarfik pitsaasoq tapersersorlugu.
Maanna ilinniartitsisut ulluinnarni sulineranni tapersersuillunilu kajumissaarisinnaasumik kiisalu suliassanik ilinniartitaanermi pikkorissarnermilu neqeroorutinik nuna tamakkerlugu perorsaanermik suliassaqarfimmut sammivilinnik aallartisaasinnaasumik ataatsimik ilinniarnermi aqutsisussarsiorpugut.

Ilinniarnermi aqutsisussatta ilinniartitaanerni taakkunani marlunni sulinerup nanginneqarnera ineriartortinneqarneralu qulakkiissavai kiisalu ilinniagaqaqqinnissamut pikkorissartitsinermilu ingerlatat, suliassanik aallartisaasassalluni suliassaqarfimmilu piumasarineqartut naapertorlugit neqeroorusiortassalluni. Taassuma saniatigut suliassanillu Perorsaanermik Ilinniarfimmi ilinniartitaanerni suleriaatsinik ilanngunneqarsinnaasunik ilisimatusarnermi ineriartortitsinermilu suliassanik suliaqarusuttumik aallartisaarusuttumillu ujaarlerpugut.

Ilinniarnermi aqutsisutut suliassatit pingaarnerit makkuupput:

  • Socialassistentitut ilinniarnermi perorsaasutullu sammivilimmik bacheloritut ilinniarnermi ilinniartitsisunut akisussaasutut  aqutsisuuneq. 
  • Pikkorissarnermut neqeroorutinik ineriartortitsineq, matumani imaannut ingerlanneqarnerannullu killissaliussat ilinniartitsissutinullu isumaliuutit
  • Semesterit pilersaarusiornerannut akisussaasuuneq, ilinniartitaanernut pikkorissaanermullu suliat ingerlaqqinnissaannut nalilersuineq iliuusissatullu pilersaarusiorneq
  • Suliassanik aallartisaaneq; ilisimasanik nutaanerpaanik malinnaaneq ilisimasassarsiornerlu kiisalu isumaginninnermik suliassaqarfinni atorfinnik paaqqinnittarfinnillu attaveqateqarneq.
  • Ilinniartunik pikkorissartunillu ilinniartitsineq.
  • Perorsaanermik Ilinniarfimmi aqutsisoqatigiinnik, allaffimmik piorsaavimmillu suleqateqarneq.

Qinnuteqaatini makkuninnga suliaqarsinnaaneq piginnaaneqarnerlu pingaartinneqarpoq

  • Ilinniarnikkut attuumassutilimmik tunuliaqutaqarneq perorsaanermik suliassaqarfimmi kandidatiugaanni iluaqutaassaaq.
  • Aaqqissuussaanernik paasisimasaqarneq isumaginninnermilu suliassaqarfiup iluani politikkikkut sulinermik ilisimasaqarneq
  • Ilinniarfinni aqutsinermik ilisimasaqarneq misilittagaqarnerlu
  • Ineriartortitsinermik suliniuteqarnermillu ilisimasaqarneq misilittagaqarnerlu
  • Ilinniartitsinerup ingerlaneranik ataqatigiissaarineq aaqqissuussinerlu

Aamma inuk ujagarput,  

  • Avatangiisiminik alapernaatsuuvoq ammasuullunilu
  • Aqutsinermi akuerinninnermik ersersitsisartoq
  • Allattariarsornikkut oqaatsitigullu attaveqaqateqarluarsinnaasoq.

Kalaallit Nunaanni pissutsinik oqaatsinillu ilisimasaqarneq iluaqutaassaaq

Perorsaanermik Ilinniarfiup neqeroorutigisinnaavai

  • Suliffeqarfik uummaarissoq pissanganartorlu, suleqatit pitsaasut
  • Suliffimmi nutaaliaasunik atortulersugaasumi avatangiisit pissutsillu pitsaasut
  • Kalaallit Nunaanni perorsaanermik suliassaqarfimmi sunniuteqarnissamut periarfissiisoq
  • Kalaallit Nunaata iluani/avataani angalanissamut periarfissaqarfiusoq
  • … allarpassuillu…

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat sukumiinerusut ukunanit pissarsiarineqarsinnaapput: Rektori Nuka Kleemann oqarasuaat +299 38 35 50, mobil +299 55 64 64 mail: nuka@pi.sps.gl imaluunniit Pisortap tullia Marianne Nissen  oqarasuaat +299 38 35 79, mobil: +299 54 25 75 mail: marianne@pi.sps.gl

Seminaria pillugu www.pi.sps.gl-mi illoqarfillu pillugu www.avannaata.gl-mi atuarsinnaavutit
Atorfik aggustip aallaqqaataani 2018 imaluunniit isumaqatigiissuteqarnikkut piaarnerpaamik inuttalerneqarnissaa kissaatigineqarpoq. Qinnuteqarfissaq killilerneqarpoq juunip 7’ani 2018.

Qinnuteqaat mailikkut uunga nassiunneqarsinnaavoq: allaffik@pi.sps.gl tamatumalu kingornatigut allakkatigut qinnuteqaatip allaqqaarneranik innersuussinertalik ilanngussartalillu nassiunneqassaaq. Qinnuteqartut oqaloqatigineqartussatut toqqarneqarneranni innersuussinerit ilaatinneqassapput. Pinerluuteqarsimannginnermut uppernarsaat nutaaq piumasarineqarpoq.

Qinnuteqaat uunga allagartalerneqassaaq:
Perorsaanermik Ilinniarfik/Socialpædagogisk Seminarium
Postboks 519
3952 Ilulissat

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk