Skip to main content
78

Dette jobopslag er udløbet

Pinngortitamut Avatangiisinullu Naalakkersuisoqarfimmi imermut imigassamut suliassaqarfimmut AC-fuldmægtigi

1. august 2018-imi imaluunniit isumaqatigiissuteqarnikkut atorfinitsitsisoqassaaq.
 
Suliffeqarfik pillugu naatsumik 
Avatangiisinut Upalungaarsimanermullu Immikkoortortaqarfimmi, Pinngortitamut Avatangiisinullu Naalakkersuisumik sullissisuusumi suleqataalissaatit. Avatangiisinut Upalungaarsimanermullu Immikkoortortaqarfimmi sulineq avatangiisini pissanganartuni suliatigullu unammillernartuni, aammalu inuttut suliatigullu ineriartornissamut periarfissaqarfiusuni ingerlanneqarpoq. Immikkoortortaqarfiup suliassaqarfiit arlallit akisussaaffigai, taakkununnga suliffeqarfiit annertuumik mingutsitsisut, eqqagassat, imeq imigassaq, sinerissamut qanittumi immami avatangiisit, imeq errortuutikoq, ASN, poortuutissat upalungaarsimanerlu ilaallutik. Aamma immikkoortortaqarfiup nunani tamalaani avatangiisinik innarlitsaaliuinermut isumaqatigiissutit arlallit malillugit ingerlatsineq akisussaaffigaa, aammalu nunani tamalaani oqalliffinni assigiinngitsuni avatangiisit pillugit suleqatigiinnernut ilaalluni.
 
Suliassatit
Sulininni pingaartumik imermut imigassamut suliassaqarfiup iluani suliassanik isumagisaqassaatit. Suliassaqarfimmi inatsisiliorneq, nakkutilliineq, suliani sullissineq aammalu imermut imigassamut suliassaqarfimmiit paasissutissanik ingerlatitseqqittarneq suliarineqarput. Imermik pilersuinermi tatsit imeqarfiit kuuillu tunngavigineqarput, taakkulu pitsaassusaat innuttaasut peqqissusaannut isumaqartorujussuupput. Innuttaasut inuussutissaleriviillu imermik pitsaasumik naammattumillu pissarsisinnaanissaat qulakkeerneqartussaavoq. Tamanna imermut imigassamut isumalluutit annertussusaannik pitsaassusaannillu qulakkeerinikkut, kiisalu imilerivinni imermik passussinerup imermik tunisassiassap pitsaassusaanut naleqqussaanikkut pisarpoq.
 
Naalakkersuisut tatsit imeqarfiit eqqaanni illoqarfinnut nunaqarfinnullu killeqarfinnik aalajangersaasarput. Imeqarfinnut killeqarfiit taakku iluini inerteqqutaasunik arlalinnik suliaqartoqartarpoq, soorlu assartuutinik motoorilinnik atuisoqartarluni, illunik aqqusinernillu sanaartortoqartarluni, uumasuuteqartoqartarluni il.il. Taamatut inerteqquteqarnermi suliat imermik mingutsitsinermik kinguneqarsinnaasut pinaveersaartinneqarnissaat siunertaavoq. Ukiuni qulikkaani kingullerni imeqarfinnut killeqarfiit eqqugaasarnerat annertusiartorsimavoq. Taamaattumik aaqqiissutissanik, innuttaasut imeqarfiit killeqarfiisa iluini erngup mingutsinneqarnissaanut ulorianartorsiortitsiviunngitsumik angallannissamut soqutigisaannik annertunerusumik naammassinniffiusunik misissuinissaq suliassaavoq pingaarutilik.
 
Suliassat ilaatigut tassaapput:

  • Imeqarfiit killeqarfiisa iluini suliaqarnissaq pillugu saaffiginnissutinik suliaqarneq.
  • Imermut imigassamut suliassaqarfimmut atatillugu paasititsiniaaneq.
  • Nunanik imermik isumalluuteqarfiusunik illersuineq.
  • Imermik imigassamik misissuisarneq nakkutilliinerlu.
  • Milluaanissamut akuersissusiortarneq.
  • Imilerivinnik il.il. akuersissuteqartarneq.
  • Imilerivinnik nakkutilliineq misissuiartorlunilu orniguttarneq.
  • Suliassaqarfimmut inatsisinik nutarterisarneq ineriartortitsinerlu.

Suliassaqarfimmi suliassani sullissinerit nalinginnaasut. Suliassaqarfimmi siunnersuinermi, allaalluunniimmi allannguutissanik piumasaqartarnermi suliassat annertummata, oqaloqateqarnikkut allakkatigullu inussiarnersumik pissuseqarnissat pingaaruteqartorujussuuvoq.
 
Pingaartumik pilersuisoqarfik Nukissiorfiit, nakorsaaneq kommunillu qanillugit suleqatigisussaavatit. Taamaattumik ulluinnaat assigiinngitsorpassuarnik suliaqarfiusut, amerlanertigut politikerinit, innuttaasunit, kommuninit imaluunniit suliffeqarfinnit saaffiginnissutit suunerinik apeqqutaatitsiviusut naatsorsuutigisinnaavatit.

Naatsorsuutigaarput:

  • Imermut imigassamut suliassaqarfimmik paasisimaarinnissasutit sulinissamullu soqutigisaqassasutit.
  • Imilerinermi teknikkimut atortunut paasisimaarinnissasutit.
  • Ingerlaqqiffiusumik ilinniagaqassasutit, ajornanngippat pinngortitami ilisimatusarnermik teknikkimulluunniit tunngasumik.
  • Pisortat ingerlatsivianni imaluunniit suliffeqarfimmi siunnersuisarfiusumi misilittagaqassasutit
  • Aalajangiinissamut tunngavissanik patajaatsunik tunniussinissamut aammalu politikkikkut aalajangiinernik sukkasuumik piviusunngortitsinissamut piumassuseqassasutit.
  • Oqaatsinut piginnaasatigut nukittuujussasutit, minnerunngitsumik allattariarsornermi.
  • Suleqatikkuminartuussasutit kiisalu sulianik amerlasuunik ataatsikkut ingerlatsinissamut piginnaaneqassasutit.
  • Suliniuteqarnissamut aammalu ineriartortitsinermi angusanik, innuttaasut imermik imigassamik minguitsumik naammattumillu pissarsisinnaanissaannut qulakkeeriffiusunik pitsannguiffiusunillu pilersitsinissamut piumassuseqassasutit. 

Kalaallit Nunaannut pissutsinut ilisimasaqarnissat kalaallisullu oqaatsinik atuisinnaanissat iluaqutaassaaq.

Suliassat suliarisavit politikkikkut eqqumaffigineqarnerat iluarisimaarsinnaassavat, aammalu oqaatsit ersarissut atorlugit ajornartorsiutit pisariusut ingerlateqqissinnaanissaat piginnaaneqarfigissavat. Namminersorlutit, tunniusimallutit, naammassisaqarsinnaallutit isumagissaarlutillu sulisinnaanissat pingaartipparput. Inunnit piffissami sivisuumi suliffeqarnermi inuunermilu misilittagaqarsimasunit qinnuteqaatinik tigusaqarnissarput kissaatigisorujussuuarput.
 
Suliassaqarfimmi annertuumik isumaqartumi atorfik pissanganartoq namminersorfiusorlu neqeroorutigaarput. Nungusaataanngitsumik ineriartortitsinissamut – aaqqiissutissanik ineriartortitsinermillu ataqatigiisitsiviusumik – sinaakkutissanik pilersuinermut suleqataavugut. Aaqqiissutissanik nutaanik eqqarsarnissamut – aammalu pissutsit iluatsinnerisa takunissaannut - inissaqartilluarneqqassaatit. Suliatigut inuttullu ineriartornissamut periarfissat pitsaasut neqeroorutigaavut. Matumani atorfik pitsaasunik suleqateqarfiusoq aammalu pingaartorsiorfiunngitsunik, tatiginniffiusunik aammalu iluatsitsinernik nalliuttorsiortarnernik avatangiiseqarfiusoq pineqarpoq. Naalakkersuisoqarfiup iluani toqqissisimanissaq sulinermillu nuannarinninnissaq pingaartipparput, taamatullu suliani sullissinitsinni suliatigut pitsaassuseqarluartumik, ersarissumik, naammassinniffiusumik assigiiaamillu naammassinnissinnaanitsinnik ersersitsiviusumik innuttaasut, suliffeqarfiit, suliniaqatigiiffiit suleqatillu misigisarnissaat pingaartillugu.
 
A­kis­sar­si­at a­tor­fi­nin­ner­mi­lu a­tu­gas­sa­ri­ti­taa­sut .
A­kis­sar­si­at a­tor­fe­qar­ner­mi­lu a­tu­gas­sa­ri­ti­taa­sut, tas­su­nga­lu i­lan­ngul­lu­git a­tor­fi­nin­ner­mut so­raar­ner­mul­lu a­ta­til­lu­gu a­nga­la­ner­nut pe­qu­ti­nil­lu nas­si­us­si­ner­mut a­ki­li­un­ne­qar­nis­sa­mut pi­sin­naa­ti­taaf­fe­qar­neq, a­tor­fi­nin­ner­mi Nam­mi­ner­sor­lu­tik O­qar­tus­sat kat­tuf­fi­ul­lu i­su­ma­qa­ti­gin­nin­ni­ar­sin­naa­ti­taa­sup i­laa­sor­taaf­fi­gi­sap a­kor­na­ni i­su­ma­qa­ti­giis­sut a­tuut­toq naa­per­tor­lu­gu pis­sap­put.
 
Piffissaq suliffiusoq sapaatit akunneranut nal. ak. 40-nik sivisussuseqarpoq .
 
Naalagaaffimmi tjenestemandit aamma AC-mut isumaqatigiissutit arlallit, ilaatigut DJØF-ip aamma Aningaasaqarnermut Ministereqarfiup akornanni isumaqatigiissutit malillugit atorfeqartinneqartut, Namminersorlutik Oqartussani atorfeqarnerminnut atatillugu akissarsiaqaratik sulinngiffeqarsinnaatitaapput. Aamma Nunamut Namminermut Ministereqarfik kommuninut nunallu immikkoortuinut inassuteqarpoq, Namminersorlutik Oqartussani atorfeqarnermut atatillugu akissarsiaqarani sulinngiffeqarnissamut qinnuteqartunut akuersaaqqullugit. Sulinngiffeqarnermut aalajangersakkanut aamma Namminersorlutik Oqartussani atorfinittunut aappaasut/inooqataasut ilaatinneqarput.
 
I­nis­si­aq
Inissiamik atugassaqartitsisoqanngilaq .

Suliffeqarfik Nuummi inissisimavoq. Illoqarfik periarfissarpassuaqarpoq, taakkununnga kulturip illorsua, filmertarfik, naluttarfik, timigissartarfiit, kaffisorniartarfiit, neriniartarfiit peqatigiiffiillu assigiinngitsut ilaallutik. Tamatuma saniatigut Nuup eqqaani pinngortitami sisorartarfeqarpoq golfertarfeqarlunilu, kiisalu qajartorneq, aalisarneq, imaatigut angalaneq, pisuttuarneq sunngiffimmilu sammisassarpassuit allat periarfissaapput.
 
Paa­sis­su­tis­sat a­mer­la­ne­ru­sut
A­tor­fik pil­lu­gu an­ner­tu­ne­ru­su­mik paa­si­sa­qa­ru­suk­ku­it, Susanne Berglund på telefon +299 346469-mut at­ta­ve­qar­fi­gi­sin­naa­vat.
 
Ulloq 8. juni 2018 qinnuteqarnissamut killissaritinneqarpoq.
 
Namminersorlutik Oqartussat pillugit www.naalakkersuisut.gl aqqutigalugu atuagaqarsinnaavutit.
 
Qinnuteqaat CV-mik, soraarunnermut uppernarsaatinik il.il. ilaqartinneqartoq linki ataani allassimasoq aqqutigalugu nassiunneqassaaq. E-mail-inik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk