Skip to main content
113

Dette jobopslag er udløbet

Peqqissutsimut Naalakkersuisoqarfimmut inatsisileritooq ernereersumut taartaasussaq

Peqqissutsimut Naalakkersuisoqarfik ernereernermi sulinngiffeqarnerup nalaani inatsisilerituussarsiorpoq ulloq 1. april 2018 atorfinittussamik. Taartaagallarneq 31. januar 2019 tungaanoorpoq.

Suliassat ilagaat peqqinneq pillugu inatsisiliorneq aammalu inatsisiliornermut tunngasutigut  ajornartorsiutinut aaqqiissutinik suliaqarneq, aammattaaq peqqinnissamut attuumassuteqartunut apeqquteqaatit pillugit peqqinnissamik suliaqartut allaffissornikkullu sulisut suleqatigissavatit.

Peqqissutsimut tunngasutigut Peqqissutsimut Naalakkersuisoqarfik qullersaalluni oqartussaasuuvoq.

 

Suliassatsinni pingaarnerpaaq tassaavoq Naalakkersuisut Kalaallit Nunaanni peqqissutsikkut siuarsaaniarnermi peqqinnissaqarfiup iluani suliniutinik ineriartortitsisarnernik pitsaasumik aalajangiinissamut tunngavilernissaat.

Suleqatigiit uagut tassaavugut inatsisilerituut, peqqinnissaqarfimmi sulianut tunngasunik immikkut ittumik siunnersortit, oqalutsi aammalu AC-fuldmægtigit suleqatigiinnermik suliamullu tunngasunik sulinermi qaffasissumik ingerlatsinermik pingaartitsisut. Sulinermi avatangiisigut ammasuupput persuarsiortuunatillu.

 

Kikkut tamarmik aaqqissuussaanermut suliatsinnillu aaqqiissutinut nutaaliorluni tapersiuteqarnissamut periarfissiineq pingaartipparput. Taamaattumik peqqinnissaqarfik soqutigigukku iluaqutaassaaq, ammasuunissalli suleqatikkuminarnissallu pingaarneruvoq.

Inatsisilerituutut makkuninnga suliaqartassaatit:

  • Peqqissutsimut Naalakkersuisumik sullissineq
  • Peqqissutsimut tunngasutigut inatsisinik piareersaaneq suliaqarnerlu
  • Peqqinnissaqarfimmi inatsisitigut iluarsiissutinik periarfissatigullu ineriartornermik tapersersuineq
  • Suliffeqarfimmi namminermi taassumalu avataani inatsisilerituutut siunnersuisarneq
  • Akissuteqarluni allakkianik, politikkikkut akissuteqartarnernik nassuiaatinillu suliaqartarneq
  • Aqutsisunik inatsisitigut siunnersuisarneq ilitsersuisarnerlu

Naatsorsuutigaarput:

  • Peqqinnissaqarfiup iluani inatsisiliortarnermik misilittagaqartuusutit ilisimasaqartuusutilluunniit
  • Inatsisilerituutut suliffeqarfimmik politikikkut aqunneqartumik misilittagaqarluartutit
  • Suliassaqarfiit akimorlugit suliniutinik suliaqarsinnaassasutit
  • Nammineersinnaassuseqartutit suleqatigiinnilu suleqataasinnaasutit, aaqqissuussaasumik suleriaaseqartutit pitsaassutsimillu ilisimaarinnilluartuullutit
  • Sullarissuusutit aammalu ilaatigut piffissakilliornermi sulisinnaasutit allannguinissamullu piareersimasuusutit
  • Attaveqallaqqissuusutit qiimasuullutillu
  • Suliassanik naammassinninnissamut akisussaassuseqarnermik takutitsisinnaassuseqartutit

Akissarsianut atorfinitsitaanermullu tunngasut
Akissarsiat atorfinitsitaanermilu atugassarititaasut, taakkununnga ilaallutik atorfininnermi soraarnermilu angalasinnaanermut kiisalu pisattat nassiunneqarneranni aalajangersakkat aallaavigalugit Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit ingerlanneqassapput.

 

Ineqarneq:
Maleruagassat qaqugukkulluunniit atuuttut malillugit atorfimmut atatillugu utaqqiisaasumik najugassaqartitsisoqarsinnaavoq, najugassaqartitsiviugallartup ingerlanneranut tunngasunik akileeqataanissamut piumasaqartoqarsinnaalluni kiisalu malittarisassat malillugit pisatsersuinermut akileeqataanissamut aamma piumasaqartoqarsinnaalluni. Utaqqiisaasumik najugassaqartitsivik atorfeqarunnaarnermi qimanneqassaaq. Sulisorisap attartukkani atornerlussimassagaluarpagu tamannalu inigisamiit anisitaanermik kinguneqarsimappat, inissiamik allamik utaqqiisaagallartumik tunniussisoqassanngilaq.

 

Qinnuteqarneq attaveqarfissallu:
Ulloq qinnuteqarfissaq kingulleq tassaavoq 15. februar 2018.

Qinnuteqaammut CV, ilinniagaqarnermut uppernarsaatit kiisalu inuit paasiniaavigineqarsinnaasut pingasut attavigineqarnissaannut paasissutissat ilanngunneqassapput.

 

Paasissutissat allat: Atorfik pillugu paasiniaanissannut tikilluaqqusaavutit  Naalakkersuisoqarfiup pisortaata Tine Pars-ip attavigineratigut oqarasuaatikkut +299 34 66 25 imaluunniit mailikkuttine@nanoq.gl. Tamatuma saniatigut nittartagaq www.peqqik.gl innersuunneqarpoq.

Søg stillingen online