Skip to main content
80

Dette jobopslag er udløbet

Peqqissutsimut Naalakkersuisoqarfimmi nakorsatut siunnersorti

Nunatsinni peqqissutsip ineriartorneranut sunniuteqaqataarusuppit?

Nakorsatut siunnersortip Peqqissutsimut Naalakkersuisoqarfimmi nakorsap suliarisartagaannut tunngasut akisussaaffigissallugillu peqqissutsimut tunngatillugu suleqatigiit ilagilissavai, nakorsatut siunnersuisartup saniatigut suleqatigiit tassaapput peqqinnissaq pillugu siunnersorti upalungaarsimanermillu ataqatigiissaarisoq.

Kalaallit Nunaanni peqqinnissaqarfiup nappaatit suussusersinissaat katsorsaanissarlu suliassarai kiisalu inuiaqatigiit peqqissusaat ataatsimut isigalugu pitsanngorsartussaallugu. Tassa nakorsatut siunnersortitut suliassaqarfitit pissanganartut siammasissuussallutillu amerlasuunik suleqateqassaatit.

Atorfik inuttalerneqarsinnaalissaaq 1. november 2017 aallarnerfigalugu isumaqatigiissuteqarnikkulluunniit.

Nakorsatut siunnersorti Naalakkersuisoqarfimmi pisortamut attaveqartassaaq.

Suliassat akisussaaffiillu
  • Naalakkersuisumik peqqinnissaq pillugu siunnersuineq.
  • Peqqinnissamik misissueqqissaarnernik, nalunaarusianik, pilersaarutinik peqqissutsimullu tunngatillugu pingaarnertut periusissianik suliaqarneq kiisalu taakkuninnga nakkutilliineq nalilersuinerlu.
  • Inatsisartunit Naalakkersuisunillu, naalakkersuisoqarfinnik allanik, Danmarkimi ministereqarfinnik, suliffeqarfinnik, peqqissaavinnik, ilisimatusarfinnik inuiaqatigiinnillu peqqinnissaq pillugu apeqqutinik suliaqarneq.
  • Peqqissutsimut Pitsaaliuinermullu Aqutsisoqarfimmik, Nunatsinni Nakorsaaneqarfimmik aamma Allorfimmik suleqateqarneq.
  • Naalakkersuisoqarfinnik allanik aqutsisoqarfimmillu suleqateqarneq.
  • Peqqissutsimut Naalakkersuisoqarfimmi ataqatigiissaarisut ataatsimiinneranni peqataaneq.
  • Pitsaaliuilluni sulianik pitsanngorsaanissaq pillugu PAARISA-mik aamma Peqqissutsimut Pitsaaliuinermullu Aqutsisoqarfimmik suleqateqarneq.
  • Nuna tamakkerlugu nunallu tamalaat akornanni siunnersuisoqatigiinni ataatsimiititalianilu naleqquttuni peqataaneq.
Pisinnaasat /piginnaasat
  • Cand. Med.-itut ilinniagalik pitsaassaaq nakorsatut immikkut paasisimasalittut, inuiaqatigiit peqqissusaannik sulialittut imaluunniit allaffissornikkut nakorsatut sulialittut
  • Pitsaassaaq qaffasinnerusumik inuiaqatigiit peqqissusaat pillugu ilinniagaqarsimagaanni
  • Pisortat allaffeqarfianni politikerinillu sullissinermik misilittagaqarneq
  • Kalaallit Nunaanni peqqinnissaqarfimmik ilisimasaqarneq
  • Naleqqussarnissamut suliffeqarfimmilu ineriartornermut allannguinissamullu piareesimaneq
  • Kalaallit kulturiannik inuiaqatigiinnillu ilisimasaqarneq pitsaassaaq
Aningaasarsiat atorfimmilu atugassarititaasut
Aningaasarsianut atorfeqartitaanermullu tunngasutigut atugassarititaasut, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Piffissap suliffiusussap sivisussusissaa aallaavittut sapaatip-akunneranut nalunaaquttap akunnerinik 40-nik sivisussuseqarpoq.

Inissaqartitsineq
Atorfimmut attuumassuteqartumik malittarisassat atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.  Inissiamut innersuunneqartumut maleruagassat qaqugukkulluunniit atuuttut malillugit ineqarnermut akilimmik qularnaveeqqutinillu akiliisoqassaaq. Atorfimmut atatillugu ini atorfeqarnermut tungavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusia nikerarsinnaapput inissiap qanga sananeqarsimanera, piginnittua il.il. apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaasumik inissiisoqarsinnaasarpoq, tassunga ilanngullugit najugaqatigiiffinnut minnerusunut imaluunniit akunnittarfinni inissianut, taakkulu akileraarusersorneqassallutik.

Qinnuteqarneq attaveqarfissallu
Ulloq qinnuteqarfissaq kingulleq tassaavoq 21. september 2017.

Qinnuteqaammut CV, ilinniagaqarnermut uppernarsaatit kiisalu inuit paasiniaavigineqarsinnaasut pingasut attavigineqarnissaannut paasissutissat ilanngunneqassapput.

Atorfik pillugu paasiniaanissannut tikilluaqqusaavutit  Naalakkersuisoqarfiup pisortaata Tine Pars-ip attavigineratigut oqarasuaatikkut +299 34 66 25 imaluunniit mailikkut tine@nanoq.gl. Tamatuma saniatigut nittartagaq www.peqqik.gl innersuunneqarpoq.

Søg stillingen online