Skip to main content
80

Peqqissaanermik Ilinniarfik kantiinami aqutsisussarsiorpoq

Novembarip aallaqqaataani immikkulluunniit isumaqatigiissuteqarnikkut atorfinittussami peqqinnissakkut ilinniagalimmik ilinniartitsisussarsiorpoq.

Atorfik ilinniartitaanerni faginilu assigiinngitsuni soorlu makkunani ilinniartitsiviusussaaq: timip sananeqaatai, sulinera (fysiologi) pillorissaaneq, piginnaanngorsaaqqinneq kiisalu sammisaqartitsineq (aktivitet).

Atorfimmut tunngasut
Makku suliassatut naatsorsuutigineqarsinnaapput:

  • Ilinniartitaanernut ilinniartitsisuuneq
  • Suliassat ataqatigiissaarinermut tunngasut
  • Allattariarsukkamik suliaqarnermi ilitsersuisuuneq
  • Sulinermik sungiusarfinnik suleqateqarneq
  • Pilersaarusiornermut inerisaanermullu tunngasunik suliaqarneq

Saniatigut neqeroorutigisinnaasagut:

  • Suliassat namminersuutigisinnaanerannut annertuumik periarfissinneqarneq
  • Ilinniagaqassutsikkut ilinniartitsinikkullu- kulturikkut assingiinngissutsit arlallit avatangiisaasut iluanni- ilikkagaqartitsinermut piginnaasanillu ineriartortitsinermut tunngatillugu unammilligassinneqarneq
  • Avatangiisit ilinniartitsiviit kusanartut
  • Suleqatit tunniusimasut kajumissusillillu

Naatsorsuutigaarput:

  • Timimik sungiusaasutut-, pillorissaasutulluunniit ilinniarsimaneq peqqinnissaqarfimmiillu misilittagaqarneq
  • Ilinniaqqissimaneq immaqalu diplomeqaataasumik qaffasinnerusumik ilinniagaqarsimaneq, immikkut akuersissummik pissarsinikkut atorfinissinnaaneq
  • Ilinniartitsinermik misilittagaqarneq iluaqutaassaaq
  • Ilinniartitsisoqatinik ilinniartunillu ineriartuutaasumik suleqatiginninnissamut kajumissuseqarneq piginnaasaqarnerlu
  • Illugiinnik (kalaallisut/qallunaatut) oqaaseqarneq iluaqutaassaaq

Pikkorissaanernut atatillugu angalasarnisssat naatsorsuutigineqarsinnaapput.

Aningaasarsiatigut atorfinitsitaanermilu atugassarititaasut
Akissarsiaqarnermi atorfininnermilu atugassarititaasuni tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput

Sap. ak. nal. ak. suliffiusartut: 40

Ineqarneq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat sukumiinerusut
Atorfimmut tunngasut atorfinitsitaanermilu atugassarititaasut pillugit paasissutissat sukumiinerusut forstander Lisa Ezekiassen-imut oqarasuaatikkut: 349953, e-mailikkut: lie@nanoq.gl attaveqarnikkut pissarsiarineqarsinnaapput.

Kalaallit Nunaat Namminersorlutillu Oqartussat pillugit annertunerusumik paasisaqarusukkuit nittartakkami www.naalakkersuisut.gl-imi atorfiit pillugit immikkoortoq alakkarsinnaavat.

Qinnuteqaat
Qinnuteqarfissaq ulloq kingulleq 9. oktober 2017.


Qinnuteqartunik oqaloqateqarnissap sap. ak. 43-mi pinissaa naatsorsuutigineqarpoq

Namminersorlutik Oqartussat naatsumik oqaatigalugit
Kalaallit Nunaanni namminersorneq eqqunneqarpoq juunip 21-ani 2009. Namminersorlutik Oqartussat Naalakkersuisoqarfinnut qulinut agguakkamik 650-illu missaannik sulisulimmik qitiusumik aqutsisoqarfeqarput, taakku ataanni immikkoortortarpassuaqarpoq katillutalu 2500 missaanniippugut.

Naalakkersuisoqarfiit politikkikkut aalajangiinissamut patajaatsumik tunngavissinnissaasa qulakkeerneqarnissaa politikkikkullu aalajangiussat piviusunngortinnissaat, qitiusumik aqutsisoqarfiup suliassarai. Innutaasunik 56.000-iusunik qanimut sullissinissaap piviusunngortikkiartuaarnissaa, pisortaqarfiit iliuusissatut siunniussaasa pingaarnerit ilagaat.

 

Søg stillingen online