Skip to main content
107

Dette jobopslag er udløbet

Nuna tamakkerlugu Ilitsersuisarfimmi (NTI) ilitsersuisutut ilinniartitaanermi aqutsisutut atorfik inuttassarsiuunneqarpoq

Ilinniartitaanermut immikkoortortaqarfimmi aqutsisoorusuppit?  Ilitsersuinerup inerisaavigineqarnissaani siuttunut ilaarusuppit? Suleqatigiinnut piginnanilinnut ataatsikkut assigiinngitsunik amerlasuunik sulialinnut ilaarusuppit? 

 

  NTI 18-inik sulisoqarpoq tamattalu assigiinngitsunik tunuliaqutaqarpugut ass. ilitsersuisoqarpugut, tarnip pissusaanik immikkut ilisimasalinnik sulisoqarpugut, tarnikkut katsorsaasoqarpugut il.il

 

NTI aaqqissuussaanikkut Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfiup ataani inissisimavoq.   

 

NTI ilitsersuinerup naliliiviginissaa inerisarnissaalu ilinniarfinnilu assigiinngitsuni ilitsersuisunut ilinniartitaanermik pikkorissarnernillu neqeroorneq siunertaralugit pilersinneqarpoq.  Tamatuma saniatigut NTI ilinniartunut inuttut inooqataanermut tarnillu pissusaanut tunngasunut siunnersuisarpoq.   

 

Ilinniagaqassutsikkut-, aqutsinikkut- inuttullu piginnasaqarluartumik pissarsiorpugut.

 

  Suliffeqarfimmi inerisaanerup ulluinnarni initungaatsiarnissaa naatsorsuutigisariaqarpoq. Ilinniartitaanermi aqutsisoq Kalaallit Nunaanni ilitsersuinermik suliaqarnerup inerisarnerani pingaarutilimmik inissisimavoq taamaammallu Kalaallit Nunaanni inuiaqatigiit ilinniartitaanerillu ilisimasaqarfigilluassallugit paasisimasaqarfigilluassallugillu. Ilinniartitaanermi aqutsisoq aaqqissuussaanikkut Nuna Tamakkerlugu Ilitsersuisarfimmi pisortap ataani inissisimavoq Ilitsersuisarfimmilu aqutseqatigiinnut ilaalluni.   

 

Aqutsinermut tunngatillugu suliassat ilaatigut makkuupput: 
  • Ilinniartitaanermut immikkoortortamut akisussaasuuneq 
  • Ilinniartitsisunut ilitsersuisutut ilinniartitaanermut attuumassutilinnut ingerlariaqqiffissat ilanngullugit aningaasartuutissanik missingersuusiornermut sulisoqarnermullu akisussaaneq. 
  • Ilitsersuisutut ingerlariaqqiffissat ilanngullugit ilinniartitaanermi taakkununngalu atatillugu pikkorissaanernik/pikkorissarnissamik neqeroorutinik, isumasioqatigiinnernik, suleqatigiissuteqarnernik assigisaannillu pingaarnertut aqutsisuuneq, akisussaaneq ataqatigiissaarinerlu  
  • Inuiaqatigiinni ilitsersuinermik suliaqarnermut tunngatillugu anguniagassatut isumaqatigiissutaasunik piviusunngortitsinissamik qulakkeereqataaneq 
  • Ilitsersuisutut ilinniartitaanerup- ilitsersuinerup iluani ilinniartitaanernut, pikkorissaanernut, suleqatigiissuteqartitsinernut/isumasioqatigiissitsinernut il.il. tunngatillugu- pisariaqartitanik eqquutitsineranik qulakkeerineq. 
  • Inuiaqatigiinni ilitsersuinermik suliaqarnermi misissueqqissaarnermik inerisaanermillu aallartitsisuuneq 
  • Nunani Avannarlerni ilitsersuineq pillugu ataatsimiinnerni peqataaneq Ilitsersuinernut tunngatillugu ilitsersuisunut ilinniartunullu paasissutissanik ujaasinermi iserfissamik nittartakkamillu inerisaaneq 
  • Ilitsersuisut qarasaasiakkut sakkussaannik inerisaaneq 
  • Ilitsersuisunut ilinniartitaanermik nutaamik; ilitsersuisutut ingerlariaqqiffissamik naammassinninneq neqeroornerlu  
  • Ilitsersuisut piginnaasaannik inerisaanissaq qulakkeerniarlugu ilitsersuisussat tunngaviusumik ilinniartitaaneranni nammineq ilinniartitsinissamut sapiissuseqarneq 

 

Naatsorsuutigaarput: 
  • Kalaallit Nunaanni ilitsersuinermut, ilinniartitaanermut inuussutissarsiutinut- suliffeqarnermullu tunngasunik paasissimasaqarnerit 
  • Naapertuuttumik qaffasissumik ilinniaqqissimasuunerit 
  • Aqutsisoqatigiit suliniutaasa aalajangigaasalu piviusunngortinnissaannut peqataanissat
  • Aqutsinermik misilittagaqarnissat imal. aaqqissuussamik aqutsisutut ilinniarnissamut piareersimanissat 
  • Inuttut ilinniagaqassutsikkullu sunniuteqarsinnaanissat
  • Pingaartumik ilinniakkat akimorlugit suleqatigiinnermut piginnaaneqarluarnissat Suliassat pisariaqartitallu assigiinngitsut pillugit isummat assigiinngitsut naapiffianni kinguneqartussamik iliuuseqarsinnaanissat. 
  • Ilinniarnertuunngorniarfimmi inuussutissarsiornermulluunniit ilinniarfimmi ilinniartitsisutut qaffasissumik ilinniagaqarneq (pædagogikum) imal. taama ilinniagaqarnissamut piareersimaneq. 
  • Attaveqatigiinnermut ingerlatitseqqiinermullu nakimaanneq 

 


Neqeroorutigaagut: 
  • Kalaallit Nunaanni ilitsersuinerup ilinniartitaanerullu siuarsarneranni sunniuteqarsinnaaneq 
  • Ilitsersuisarfiup suli nutaatut isigisariallip inerisarneqarnerata sunniuteqarfiginissaanut periarfissinneqarneq  
  • Inuttut ilinniakkatigullu ineriartornissamut pikkorissarnissanullu periarfissinneqarneq. Suliffik eqeersimaartoq 
  • Suliffik sukkasuumik ineriartortoq 
  • Suleqatit pimoorussisut pikkorissullu 
 

 

Akissarsianut tunngasut atorfininnermullu atatillugu atugassarititaasut: 

 

Tunngaviusumik isumaqatigiissutit naapertorlugit atorfinititsisoqassaaq, qinnuteqartoq tjenestemanditut atorfeqareersuuppat tjenestemanditut atorfinititsisoqarsinnaavoq. Sap.ak. nal.ak. 40-it suliffiusussatut tunngaviupput.   

 

Ineqarneq: 

 

Suliffimmut atatillugu inissamik innersuussisoqarsinnaanngilaq.  Qinnuteqaat qinnuteqarfissarlu kingulleq: 26. januar 2018  

 

Allagarsiusssaq soqutiginnilersitsippat paasissutissanilluunniit sukumiinerusunik pissarserusukkuit Nuna tamakkerluu Ilitsersuisarfiup pisortaanut Christine Tønnesen-imut: oqarasuaatikkut: +299 383641, e-mail-ikkulluunniit: chto@aqqut.gl attaveqarsinnaavutit.   

 

Sap. ak 5-anni 2018 qinnuteqartunik oqaloqateqarsinnaanissaq siunertaralugu qinnuteqaat Nuna Tamakkerlugu Ilitsersuisarfimmit kingusinnerpaamik 26. januar 2018 tiguneqareersimassaaq.   

 

Qinnuteqaat uunga nassiunneqassaaq:  Center for National Vejledning,  Imaneq 24 B 2. sal Postboks 4101,  3900 Nuuk imal. mailikkut siuliani taaneqareersukkut.

 

  Send ansøgning