Skip to main content
97

Dette jobopslag er udløbet

Namminersorlutik Oqartussat Akileraartarnermut Aqutsisoqarfik allaffimmi fuldmægtiginik pissarsiorpoq

Nunatsinni akileraartarnermut oqartussaasut qullersaanni sulilissallutit kajumigaajuk, arlaannik pisoqaannaviffiusumi, suliassallu ataatsimoorunneqarfigisaanni??

Allaffimmi fuldmægtiginik marlunnik pissarsiorpugut 1. august 2017-imiit imaluunniit kingusinnerusukkut atorfinittussanik.

Atorfiit Akileraartarnermut Aqutsisoqarfiup Siunnersuinermut Nakkutilliinermullu Immikkoortortaqarfiani, Akileraaruserinermi Kukkunersiuisut Akileraarusiisartullu Allaffianni inissisimapput.
Immikkoortortaqarfiup makku suliarisarpai: Suliffeqarfinnik innuttaasunillu siunnersuisarnerit ilitsersuisarnerillu, selskabit namminersorlutillu inuussutissarsiuteqartut anginerit il.il. aningaasarsiaasa akileraaruteqaataa-sussat angissusilerneqarnerat naatsorsuutaallu kukkunersiorneqarnerat kiisalu IIN (Inuussutissarsiummik Ingerlataqartunik Nalunaarsuiffik).

Akileraaruserinermi Kukkunersiuisut Akileraarusiisartullu Allaffianni allaffimmi fuldmægtigit pingaarnertut suliassaraat suliffeqarfiit selskabillu taakkununnga ilanngullugit selskabini aktianik amerlanernik piginnittut imaluunniit anpartinik amerlanernik piginnittut ilanngullugit naatsorsuutaannik kukkunersiuisarnerit aningaasarsiaannillu akileraaruteqaataasussanik angissusiliinerit, suliffeqarfinnut ornigulluni nakkutilleeqataanerit kiisalu akileraartarnermut tunngasutigut apeqquteqaatinik nalinginnaasunik immikkullu ittunik akissuteqartarnerit.

Tamakkua saniatigut
Allaffimmi fuldmægtigit akileraarutissat sinnerinut il.il. akiligassanik isumakkeerfigineqarnissanik qinnuteqaatinik suliarinnittassapput kiisalu IIN-imi suliassanik ikiuuttarlutik. Piginnaasassatut piumasaqaatit Naatsorsuutigineqarpoq ilinniagaqarsimanikkut sulianik misilittagaqarnikkut kukkunersiuisarnernut tunngasutigut tatiginartumik tunuliaqutaqartutit.
Qinnuteqartut naatsorsuuserinermik misilittagaliussasut, qinnuteqartut EVU, NI2, AU killiffik angullugu ilinniagaqarsimassasut.
Oqaloqatigiiffigiuminartumi pimoorussiffiusumili, ilaannikkullu ulluinnarni ulapaarfiusinnaasumi sulinissat kissaatigivat, suliassaqarluarnissat nuannarisuullugu, aaqqitassanik nutaanik periarfissaq sivikitsoq atorlugu paasinnissinnaassuseqarlutit.
Pitsaasumik suleqatiginnissinnaassuseqartuuvutit, Ataatsimoorussamillu suliassanik oqaluinnarnikkut allakkatigullu ersarissumik saqqummiussisinnaallutit.

Atorfinitsitaanermi atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfiit Nuummi Akileraartarnermut Aqutsisoqarfiup qitiusumik allaffeqarfiani inissisimapput. Taamaattorli Akileraartarnermut Aqutsisoqarfiup Ilulissani, Sisimiuni, Maniitsumi imaluunniit Qaqortumi allaffeqarfiini atorfinitsinneqarnissaq periarfissaassavortaaq.

Ineqarneq
Atorfimmut Nuummiittumut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaa-titaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni. Atorfimmut Nuup avataani inissisimasunut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.

Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Atorfik pillugu saaffiginninneq
Atorfik pillugu paasissutissanik annertunerusunik pissarsinissamut tikilluaqquneqarputit attavigissallugu allaffimmi pisortaq Birthe Tindbæk, oqarasuaat 34 59 28, e-mail btin@nanoq.gl.

Qinnuteqaat
Qinnuteqaat ilinniagarisimasanik siusinnerusukkullu suliffigisimasanik paasissutissartalik, soraarummeerner-mut uppernarsaatit il.il. assilineqarneri ilanngullugit uunga nassiunneqassapput:

Namminersorlutik Oqartussat
Akileraartarnermut Aqutsisoqarfik
Postboks 1605
3900 Nuuk


Atorfik inuttassarsiuunneqartoq aamma www.suli.gl-ikkoorlugu qinnutigineqarsinnaavoq.

Qinnuteqarnissamut killissarititaq:
Qinnuteqaatit Akileraartarnermut Aqutsisoqarfimmit tiguneqareersimassapput kingusinnerpaamik 24. juli 2017.

Søg stillingen online